Fai uns días visitamos o LEOLAB e atopamos unha serie de retos aos que nos tivemos que enfrontar por equipos. Os retos escollidos xiraban arredor da xeometría e fomos quen de superalos todiños.
Queda pendente pasarnos outro día para realizar outros retos que preparou o Equipo de Imaxe.
Prema na imaxe para entrar na galería.
A pasada semana, o alumnado de 4º E.Infantil a 2º de E. Primaria disfrutou na biblioteca dun espectáculo moi divertido da man de Toupiciencia e o seu axudante Petronio.
Realizaron experimentos que nos achegaron ó método científico de forma dinámica e facendo maxia, xa que a súa labor é ir polos coles buscando ós futuros científicos e científicas.
Foi unha actuación espectacular onde o pasamos xenial, Moitas grazas ó Consorcio por traer á Xanela do Maxín ó noso centro!!!!
Comezamos este segundo trimestre de curso con moita enerxía e ilusión logo de ter descansado e desfrutado nestas vacacións de Nadal.
Afrontamos este novo
ano con boas intencións facendo unha lista de bos propósitos que perseguir ao
longo do 2022. Cada un/unha escribimos nun papel o que nos gustaría lograr nos
vindeiros 12 meses despois de falalo e debatilo na aula. Propósitos do máis
variopinto tales como comer menos chuches para ter unha boca máis sá, axudar aos
nosos pais nas tarefas domésticas, esforzarse máis nas tarefas do cole ou facer
máis deporte.
Estos propósitos de aninovo plasmámolos neste mural para que
nos sirvan de recordatorio e motivación.
Como podedes ver completamos o mural cunha actividade feita na área de
plástica: o voo da bolboreta. Cada unha das bolboretas emprende o seu voo perseguindo
o bo propósito que nos comprometemos acadar ao longo deste 2022.
Hoxe recibimos unha visita moi especial: O CARTEIRO REAL!!!!!!
Xa que os Reis Magos teñen moito traballo, enviaron ó seu carteiro real a recoller as cartas que con tanta ilusión fixemos.
Os peques de 4º e 5º EI esperamos con moito nervio na biblioteca, xa que o carteiro e a súa axudante estaban na aula de 1º e 2º de Primaria.
Tras entregarlle as nosas cartas e as dos compis que hoxe non puideron vir á escola, recibimos unhas deliciosas chuches por ser moi bos e boas e por esforzarnos e traballar tanto este trimestre.
Pica na imaxe para ver máis fotografías.
FELICES FESTAS A TOD@S!!!!!
Na xornada de hoxe visitamos o laboratorio de cociña acompañados dos nenos e nenas de 6º de Infantil. Eles/as foron os encargados/as de explicarnos todos os pasos para facer un ourizo con froitas de temporada, peras e uvas. Tamén tiñamos figos e mazás pero non os utilizamos desta vez.
Picando na imaxe poderedes ver máis fotos deste laboratorio que ademais de divertirnos repasamos e traballamos con conceptos matemáticos como a metade ou a decena.