Овесни трици за појадок .... Breakfast Oat Bran

Scroll down for the recipe in English.

На блогов можеби имаме разни богати рецепти, ама освен готвење со сланина, свинско, путери и кашкавали, често се трудиме да јадеме и здрава храна. Јас секој ден редовно читам блогови и сајтови за храна, ама обавезно читам и блогови за здрав живот, и оттаму ми е идејата и рецептот за овој појадок. (Омилен блог за инспирација за здрава храна/живот ми е Kath Eats Real Food)

Денешниов појадок е варени овесни трици. Е сега, мислам дека дискусијата за македонскиот збор “трици” ќе мора да ја оставиме за друг пат за да не ни се расипе апетитот, ама бидејќи на пакувањето така е напишано, така и јас ќе ги викам. (ако има некој идеја за подобар збор од трици, нека остави коментар). Според wikipedia триците се надворешниот дел од разни житарици, како пченица, овес, јачмен, и се многу здрави, особено за дигестивниот тракт и за срцето. Овие овесни трици изгледаат како средно смелени цели овесни зрна. Јас пакувањево го купив во Веро, каде видов вакви производи од неколку различни компании, ама бидејќи никој не ме спонзорирал на фотографијата подолу го сокрив производителот. Триците ќе ги најдете на полиците со здрава храна и верувам дека ги има и во други супермаркети.




Е сега штом завршивме со деталите околу тоа што се, и каде да ги најдете, време е да ви кажам колку неверојатно вкусни се овие овесни трици. Јас преферирам да ги јадам топли, зготвени ама сигурно се во ред и ладни со јогурт. Рецептов подолу е само идеја и груба информација како да ги зготвите. По желба може да додадете какво сакате овошје, или цимет, шеќер, путер од кикирики, ореви … комбинациите се безброј. Многу лесно и многу брзо се прават. Појадокот ќе ви биде готов за 5 минути.



(Освен овесни трици, од Скопје во Холандија си носам домашен ајвар и малиџано од тетка Билјана и чичко Никола, овчо сирење од Здравје, просо, вегета од Алкалоид – таа поздравата, бадеми и лешници од зелен пазар, бел чај со портокал од Билната аптека на Алкалоид, и едно 20 различни ‘бонжити’ на Виталиа. Уште само фали царина да ме фати !!)



Вака изгледаат измешани со млекото.

за 1 лице: (ова е мојата типична доза, слободно додајте или одземете по потреба)
6 лажици овесни трици
18 лажици вода
6 лажици млеко
многу мала ронка сол (мора да пробате со сол, неопходен додаток за добар вкус на појадоков)
пола бананa 

Додатоци:
јагоди, боровинки, капини
цимет
шеќер
ореви, лешници, бадеми
путер од кикирики
ленено семе, семки од сончоглед и тиква
суво грозје

Ставете ги триците и водата и солта во мало тенџере и со мешање на средна температура, гответе ги 3-5 минути, дур не станат густи како качамак. Тргнете ги од оган и додајте го ладното млеко и убаво измешајте. Во мал сад исецкајте ја бананата и истурете ги зготвените трици врз неа, и на крај додајте ги додатоците по избор. Уживајте и ако имате идеја за друг рецепт со овесни трици, обавезно оставете коментар!



(п.с. можете да ме видите во одразот на лажицата! You can see me in the reflection in the spoon)

I know we like to post a lot of rich, creamy, bacony, cheesy recipes over here, but in reality we also try to eat healthy. I regularly read food blogs daily, but I also read healthy living blogs too. One of my favorite ones for healthy food inspiration in Kath Eats Real Food.

This here is one of my favorite healthy breakfasts: oat bran. I like it cooked with water, with a bit of milk added and always a banana, while hazelnuts, strawberries, raisins, cinnamon or peanut butter are all optional add ons.



for 1 person:
1/3 cup oat bran
1 cup water
1/3 cup milk
pinch of salt
half a banana

Cook the oat bran with the water and salt in a small saucepan for 3-5 mins. while stirring. Remove from heat, then add the cold milk. In a bowl, chop the banana, then pour in the oat bran and add whatever you like on top. Enjoy and please leave a comment if you have any recipe ideas for oat bran!

Овесни трици за појадок .... Breakfast Oat Bran

Домашен еурокрем / Homemade nutella

се трудиме да се храниме здраво. на пример избегаваме работи кои имаат многу конзерванси. еурокрем е една од работите кои имаат многу конзерванси. тешко се живее без еурокрем. затоа бев многу среќна кога наидов на рецепти за правење еурокрем дома. ги искомбинирав, некои состојки ги исфрлив, како на пример, зејтин, и тоа што го добив беше феноменално, многу лесен за правење, а за вкусот немам зборови.   

1 шоља цели лешници, непечени (или малку помалце, дека некои лешници беа изедени пред да бидат сомелени)
1-2 лажици какао
1-2 лажици шеќер во прав

најдобро би било кога би имале food processor. јас такво немам. имам блендер на кој му треба барем малку течност за да работи, и имам мала електрична мелница за кафе, па еурокремот го направив во неа, во три тури. ако доволно долго ги мелете лешниците (4-5 минути) стануваат кремасти. потоа само додадете го какаото и шеќерот во прав и измиксајте сé заедно. и толку.

го изедовме скоро целото со палачинки. следниот пат ќе пробам да оставам еден бел дел со јак вкус на лешници, а во кафеавиот да ставам, што знам, хопла, да не биде толку лешникаст.

we try to maintain healthy diet. we try to avoid food with preservatives. nutella is one of the things with too much preservatives. it's hard to live without nutella, so i was thrilled to find recipes for homemade nutella. the result was fantastic.

1 cup whole raw hazelnuts (or less, we ate some of the hazelnuts before they were ground)
1 tablespoon cocoa
1 tablespoon confectioner's sugar

this is best done in a food processor. but i don't have one. i have a blender which needs some liquid to work and i have a small electric coffie grinder, so i made the nutella in the coffie grinder, in three batches. if you process the hazelnuts long enough (4-5 minutes) they become creamy. just add the cocoa and the sugar and mix well.

we ate this all with pancakes. next time i plan to leave one part white, without cocoa and with strong hazelnut taste, and i'll add something like double cream in the brown part so it's not so hazelnuty.

Домашен еурокрем / Homemade nutella