LP 72: Hapunan

Ang tema ngayon ay hapunan. Sa totoo lang, bihira akong kumain ng hapunan. Madalas, isang baso lang ng gatas o kaya ay isang pirasong tinapay lang pagkadating galing trabaho ang pinakahapunan ko. (The theme for this round is dinner or supper. Honestly, I don't usually eat dinner. Most of the time, I just drink a glass of milk or eat a piece of bread whenever I reach home, and that is my dinner.)

Dahil ngayon ay buwan ng ramadan, ako din ay nag-aayuno dahil naiilang akong magdala ng baunan at kumain sa opisina samantalang karamihan sa mga katrabaho ko ay nag-aayuno. Kaya pagsapit ng alas-singko ng hapon, bago umuwi ay dumadaan muna ako sa tindahan para bumili ng iftar box. Ito na ang hapunan ko :-)(But because ramadan has started, I'm also fasting because I feel awkward bringing my lunch box while the rest of my officemates are fasting. So, at 5 o'clock pm, before going home, I always drop by to any restaurant or cafes to buy an iftar box. And that is my dinner.)


First iftar of the first roja: haleem, home-made paratha; on the plate: chicken shashlik, two types of aloo chop, jilapi, chana and roast chicken, dates & cucumber.

LP 71: Merienda (Snack)

Sa tuwing dumadalaw ako sa mga iba't-ibang branch namin, lagi silang naghahanda ng merienda. Karaniwan ay mga prutas o ang mga pagkaing-kalye O streetfood gaya ng pakora, piaju, beguni, aluchop at kung anu-ano pa. (Everytime i visit our branches, they always prepare a snacks. Most of the time, the snacks are fruits or their usual streetfoods like pakora, piaju, beguni, aluchop, and among others.)

Top left to right: pakora, alu chop, piaju, beguni

fruit custard



Pag nasa opis naman ako ay karaniwang doi fuchka ang aking merienda. Karaniwan din na may "tea time" sila dito, kaya madalas ay tsaa lang sa hapon ay solve na! (But if I'm in the office, doi fuchka is my fave snack. They usually have "tea time" also in the afternoon, so just a cup of tea with milk is enough for a snack.) doi fuchka


Ngunit, kung ako ay nasa Vigan, ito naman ang hilig kong merienda. Ang pipian! (But, if I'm in Vigan, this are my favorite snacks. The Pipian!) pipian

LP 70: Tanghalian

Simula ng ako ay nagtrabaho dito sa ibang bansa na kung saan ang karaniwang ulam o Bengali cuisine ay hindi ko tipong kainin dahil ito ay sobrang maanghang sa aking panlasa o dahil sa hindi ko lang talaga tipo ang macurry na ulam, ako ay natutong magluto :-) At madalas na may baon akong tanghalian sa opisina.(Eversince I started working here in this country wherein the usual food or Bengali cuisine is not my type because its too spicy for me or because I just really don't like too much spices and curries,I learned how to cook. I always bring my lunch box with me in the office.)Ito ang baon ko noong linggo, chicken, ginisang munggo at balichaw o shutki.


Ito naman ang karaniwang tanghalian ng mga Bangladeshi.(This is the regular Bengali cuisine.)
(Mula sa kaliwa, itaas) patatas na may curry, manok na may chili, hipon na may curry, shag (spinach), kanin, at dal. ( From upper left, potato curry, chicken with chilis, shrimp curry, shag, rice and dal.)

Makisalo tayo sa iba pang pananghalian.

LP 69: Almusal (Breakfast)

Sabi nila, ang almusal ang pinakaimportanteng pagkain sa loob ng isang araw. Kailangan nga naman ng enerhiya ang ating katawan para handa sa buong araw na trabaho at kung anu-ano pang gawain.
(They say, breakfast is the most important meal of the day. Our body needs anyway the energy for a long day ahead.)

Ito ang paborito kong almusal dito sa Bangladesh. Ang paratha at dim (itlog)at hotdog o kaya ay karnenorte na may kasamang mainit na duhd(milk) tzaa(tea), ang tipikal/tradisyunal na almusal ng mga Bangladeshi. Isa ito sa mga naibigan kong pagkain dito sa bangladesh, at mas nasasarapan ako at natutuwa sa pagkain nito kung kasabay ko si H sa hapagkainan.
(This is my favorite breakfast here in Bangladesh. The Paratha and dim (egg) plus hotdog or cornbeef and freshly made hot duhd tza (milk tea), a typical/traditional Bangladeshi breakfast. This is just one of the few things that I learn to love here and I enjoy eating it more whenever I share it with H.)

Silipin natin ang ibang almusal. (Let's take a look of other breakfast.)