1.søndag i advent

Snø ute, god tid, roleg frukost.
Med adventslys og sang.

Ikkje så dumt at 1.desember og første søndag i advent fall på same dag.

November

Eg har i fleire år hatt prosjektet "å leve i november", altså ikkje ta advent og desember og jul på forskot. Eg veit ikkje kva som har skjedd, for i år har eg ikkje rekt å tenke tanken på å ta noko på forskot, eg har meir enn nok med å spa unna det som skjer her og no!

Og det hjelper naturlegvis at været har vore bra, kaldt og klart, ikkje regn og mørkt! (ikkje for det, eg saknar dagslys! Det er mørkt når eg står opp og mørkt når eg kjem heim frå jobb.) 

Men i helgene er det lys! Her er nokre glimt frå sist helg:

Asalea i solnedgang

Lys i mørketida!

Litt advent har snike seg inn...det vart ein boks peparkaker med heim ein dag, og eg jobbar med å drikke opp juleteen får i fjor!

Lys på ein laurdag

Laurdag er ein dag eg trur eg skal få gjort så mykje. Det går ikkje alltid som planlagt. Men igår rakk eg ein del, om ikkje anna.

Vi fekk levert ved.
Vi var på båttur.
Eg vaska klær.
Handla mat. Åt middag saman med musikkjunior.
Satt i ro i sofaen og løste kryssord.
Gjekk tur seint på kvelden, i stupmørk septemberkveld, og det var så godt og varmt. 17 gr kl 23 er ikkje normalt for september.

Det var så fint lys, Både på sjøen og på kvelden.

Horisonten er bein. Ikkje båten.