Ungdommen veks til...

...og blir vaksen. Ja, eg snakkar om meg sjølv! Lite visste eg for nokre år tilbake om at eg ville fryde meg over verandakasser og minidrivhus, rabarbrasesong og kakeoppskrifter! Ok da, det siste visste eg... ;)
Eg har fri før arbeidshelg i dag, og eg kosar meg :) Eg har ingenting eg absolutt må ha unnagjort i ein fei, men puslar med akkurat det eg har lyst til. Difor starta eg med å halde senga nokre timar ekstra, før eg tok ein god dusj og ein lang frokost. Deretter trilla eg og bilen til gamle trakter på andre sida av byen. Omsider fekk eg levert dei siste bøkene frå studia på biblioteket på Dragvoll, og så rulla eg ned til Moholtbiblioteket og lånte nye ;) Reisehandbøker! Vi skal jo på storbyferie i sommar! Paris og London blir heilt sikkert stas :) Og veit du kva dei hadde på Moholtbiblioteket? Bokutsalg! 5 kroner per bok - DET kan eg like!
Ikkje verst å komme heim med dei fire bøkene om Elling, ei tekstsamling av melankolske Jan Eggum, og den udødelege Anna Karenina av Tolstoj - for 30 kroner til saman! For ein opptur! Og den stoppa ikkje der heller, for når eg først var på desse traktene fann eg ut at eg kunne handle på ICA på Moholt for gamle dagars skuld. Der bugna det av urter i grønnsaksdisken :) Eg begrensa meg til basilikum og grasløk, men dei tek seg godt ut i kjøkkenvinduskarmen (som eg for øvrig har planer om å male). Ikkje nok med det: Eg hadde heilt gløymt at det er rabarbrasesong! Eg måtte kjøpe med meg ein solid bunke, så får vi sjå om det blir suppe ein dag eller om eg frys ned og brukar til pai seinare... Eller begge deler kanskje?

Eg køyrde over Steinan på veg heim att, og det såg ut til at huset med sokkelen klarte seg godt utan oss. Dermed kunne eg med godt samvit vende nasen mot toppetasjen, og kose meg med det nyaste Pondusbladet og fromasjrestar frå gårsdagens sommaravslutning med Aurum. Det stinkar Miracle her, for eg klarte å kaste ei lita parfymeflaske i golvet på badet i dag tidleg, men når dagen er så bra ellers kan eg faktisk leve med det ;)

Viss forresten nokon av dykk mot all formodning skulle lure på kva eg bestemte meg for med omsyn til jordbærplantene i førre innlegg, kan eg opplyse om at det vart leca i botnen og jord oppå. Eg veit ikkje om det var lurt, men krukka ser uansett veldig koseleg ut der den står ute på balkongen :)
No ventar eg berre på at det skal komme bær :)

Tilbakeblikk

Eg har vore på tur i Bymarka i dag. Difor kan eg meddele at det er sopp- og tyttebærtid, og at trea gulnar. Det var skikkeleg ruskevér også. Hausten er her, men vi surmular ikkje av den grunn! Hausten er ei flott årstid med alt den har å by på.

Til same tid er det jo hyggeleg å sjå tilbake på sommaren, og i dag ser eg tilbake til sommaren då eg var 12 år gamal. Då skreiv eg nemleg eit dikt. På engelsk. På ei margarinkasse. Alt dette medan eg sat i bilen utanfor lokalbutikken og venta på pappa. Diktet har vore teipa opp på innsida av klesskapdøra på jenterommet heime, heilt til pappa deklamerte det i sin tale til brudeparet då eg gifta meg for to år sidan... Og no skal eg dele det med dykk.

12 summers

I love to sing a lot of songs.
Play flute and organ too.
I love to write I love to read.
But best of all are You.
A friend is good.
A family too.
A home, some food and toys.
A bed, some water and a boy.
Peace
and love.

Tja... Eg var vel ikkje ein heilt driven lyriker der eg sat og skribla på margarinkassa, men eg var jo ikkje heilt på jordet innhaldsmessig eller? Vener, familie, ein heim, mat, seng, vatn, ein kjærast, fred og kjærleik. Då har ein vel det ein treng, syns du ikkje?

God helg!

Planene mine...

Først av alt må eg få gratulere min lille keisernevø med 1-års-dagen i dag! Hurra for deg! Mange klemmar frå supertante (og -onkel) :)



Han er nok litt større no enn på dette bildet, som vart tatt i februar, men eg syns det er så fint... No skal eg bestille flybillettar sånn eg kan komme på besøk om ikkje alt for lenge! Då skal eg nok ta nye bilete av både han og storesøstra Prinsesse Gullhår :)

Eg hadde tenkt å stå opp i dag tidleg, ta eit kult bilde av regndropane på vinduet, blogge det, og slik bevise at det var legitimt å halde seg inne og rydde, vaske og systematisere. Men det er ingen regndropar på vinduet i dag... Stikk i strid med mine planer ser det slik ut:



No går det ikkje lenger. Husarbeidet kan rett og slett ikkje vente fleire dagar. Kanskje er eg meir effektiv når finvéret lokkar der ute? Eg skal iallfall gå meg ein tur seinare - eg lovar! Men først skal eg ta ein kopp capuccino og ei skive av min kjære kollega Ingrid sitt heimbaka brød :) (Det er mykje koselegare å få heimbakst enn pengar som betaling for skyssen!)



Eg har litt strikkeplaner også. I helga har eg tenkt å starte på noko eg har sikla på ei stund. Dersom eg får han til blir han veldig flott, og då kan eg vise han fram her. Elles går det i dei siste (sannsynlegvis) lappane til NSF vennskapsteppe.

Og alt dette medan eg lyttar til Ringenes Herre på lydbok :)

God helg!

Påskemodus :)

Det går mot påske og det går mot vår. Trass i at snøen lavar ned her i dag må eg seie at det er ei herleg tid. Eg har starta planlegginga av korleis eg skal pynte heimen til påske. Ja, eg rett og slett kosar meg! Sol har skrive eit påskegåveinnlegg i bloggen sin, og ved å kommentere innlegget hennar og linke til det her er eg med i trekninga av ei flott strikkerelatert påskegåve. Så enkelt, og så koseleg :) Håpar eg vinn... ;)

I går kveld var vi på kino og såg krim. Påskekrim ;) Vi såg Menn som hater kvinner, og den var veldig bra altså! Dei som ikkje har lese boka bør sporenstreks gjere det, og dei som ikkje likar å lese bør ta seg ein tur på kino. Eg hadde lese boka, og som vanleg er det jo noko som manglar. Likevel var filmen både spennande og god! Så dei som ikkje har vald ut årets påskekrim enno har herved fått ei strålande anbefaling :)

Vera

Det herjar ein storm over Trøndelag,
og Vera er stormen sitt namn.
På grunn av ekstremvérvarselet
har båtane lagt til hamn.

Verst er det ytst i Trondheimsfjorden,
men taka tek også her.
Det er godt å kose seg inne no,
mens Vera er ute der.

"Ein meter snø innan i morgon kveld,"
var varslet i ein tv-reportasje.
Eg må vel grave fram bilen då...
Når eg blir stor skal eg ha garasje!

Stemning

Det snør!
Himmelens korrekturlakk over feilstavet sommer.
Og hør -
bylarmen forsvinner under dalende flommer.
Vi har hørt at ingen snøfnugg er like,
og sånne under kan en tenke på en stund.
Jeg lener hodet helt tilbake,
og får et iskyss på min munn.
Og får et iskyss...

Det snør,
stumme stjernesøstre fra usynlige munner.
Og ør av angrepet fra myldrende lydløse sekunder.
I dag inntas jorden av en himmelsk hær.
Uten våpen tvinges hele byen i kne.
Alt går litt langsommere her på jorden,
når hele himmelen faller ned.
Når hele himmelen faller ned.

Takk for den unyttige snø.
Til bry og til besvær.
Nå inntas jorden av en himmelsk hær.
Uten bomber og granater
tvinges hele byen i kne.
Alt går litt langsommere her på jorden
når hele himmelen faller ned.
Når hele himmelen faller ned.
Hele himmelen -
når hele himmelen faller -
når hele himmelen faller ned.
Alt går litt langsommere her på jorden
når hele himmelen faller ned.

(Anne Grete Preus)

Dikt i anledning dagen

Perle.
Vakker.
Mektig krigar. Engleaktig.
Kvinneleg herskar. Villku.
Universal. Springande vatn.

Gratulerer.

Det er haust

Lat oss starte med eit haustdikt:

Det er høst.
Det er trist.
Like trøstesløst høsttrist som sist høst.
Og om en stakket frist
blir det tele og frost,
og ingen taletrost
å søke trøst hos.
Ja det er høst.
Trallala.
Og bladene -
falleri fallera'

Men fakta er at eg ikkje synest det er så trist! Når eg sette meg i bilen på parkeringsplassen på jobb i ettermiddag og såg gule blad virvle over plassen i vinden medan Radio Norge spelte ein tøff reggae, ja då måtte eg smile for meg sjølv. Så der sat eg i bilen i mi nye skinnjakke og smilte medan eg tenkte på kor bra eg har det trass i at det blir mørkare og kaldare ute. Eg er lykkeleg gift med ein herleg mann, har fast jobb i eit superspennande og fasinerande fagfelt, eg har eit stort nettverk med gode venner, syng i eit flott kammerkor, har langfri neste helg, eg har dekorative husdyr, veit at yndlingsserien min går på tv i kveld, og har ei lang liste med ting eg gler meg til å strikke :) Og i går prøvde eg sushi for første gong.

Sushi var spennande. Det var Mannen som hadde lyst til å prøve det i samband med bursdagen sin. Vi tok turen til Sushi bar på Ravnkloa, og bestilte "Happy Sushi". Det innebar:

Ein god forrett;


Ei litt meir spesiell "tradisjonell japansk misosuppe".


Og hovudretten med seks bitar sushi og seks bitar maki.


Ikkje alt falt i like god jord, men noko av det var bra :) Fisken var jo til vår store overrasking omtrent det beste! Stamgjestar blir vi nok ikkje, men fordelen er at neste gong veit vi kva vi likte og ikkje, og kan bestille deretter! (Er det forresten fleire enn eg som får assosiasjonar til eit eller anna vaskemiddel av lukta av pepparrot? Veldig spesielt...)

I morgon har eg fri. Og det på ein onsdag!

Utviding av fagbiblioteket mitt

Utvidinga er ikkje imponerande stor altså, men etter at eg fekk jobb i psykiatrien har eg kjøpt to spennande og gode fagbøker.

Kropp og Sinn av Egil W Martinsen var den første eg kjøpte etter anbefaling frå ho eg vikarierer for. Boka beskriver hvordan fysisk aktivitet påvirker sinnet, omtaler de vanligste formene av psykiske lidelser og beskriver nytten av fysisk aktivitet som en del av behandlinga av disse.Sitat herfrå).

Anne Gretland leiar vidareutdanninga i psykiatrisk og psykosomatisk fysioterapi i Tromsø, og jobbar med psykomotorisk fysioterapi i privat praksis. Ho har skrive boka "Den relasjonelle kroppen - fysioterapi i psykisk helsearbeid". Som ho skriv på baksida av boka: Kroppen er sterkt tilstede i dagliglivet for psykiatriske pasienter og deres behandlere. Pasientene har mange kroppslige plager, symptomer og uttrykksmåter. (...) Vi kjenner oss selv og hverandre som kropper. Kroppen bærer spor av erfaringer og vitner om livet vi har levd, og om hvordan vi har det.

Det er så interessant at eg veit nesten ikkje kva fot eg skal stå på!

Kulturelle utskeiingar

Denne veka har eg vore over gjennomsnittleg kulturell. Det heile starta på måndag då eg saman med tre gode venninner vitja Trøndelag Teater for å sjå Vildanden. Henrik Ibsen skreiv det i 1884, og verdspremiera fann stad på Den Nationale Scene i Bergen 9. januar 1885. Gregers Werle ser det som si store oppgåve i livet å opne augene til Hjalmar Ekdal slik at han ser løgnene han hittil ikkje kjenner til. Dr.Relling trur derimot at Hjalmar har det betre i uvissa. "Tar du livsløgnen fra et gjennomsnittsmenneske tar du lykken fra det med det samme". Når Hjalmar får vite at Hedvig kanskje ikkje er hans biologiske datter vil han ikkje ha meir med henne å gjere. Hedvig vil ofre det kjæraste ho eig - Vildanden - for å få faren til å bli glad i henne att. Gregers klarar i mellomtida å få Hjalmar til å ombestemme seg, men når han kjem heim har dattera tatt sitt eige liv. Det var hyggeleg å endeleg få sjå dette verdskjende teaterstykket - saman med gode vener.

Etter fleire dagar i Namsos var det godt å kome heim att til Steinan på fredag kveld. Laurdag hadde Steffen eksamen, medan eg kosa meg med ein flott konsert i Berg kirke. Det var Kammerkoret Aurum som hadde adventskonsert her, med eit rikt og variert program. Som sjølvutnevnd førstefan var det ei stor glede å omsider få høyre dei live! Eg gjer det gjerne om att når høvet byr seg!

I dag er det idretten som har stått i fokus i mitt kulturelle liv. Eg og Steffen tok turen til Granåsen for å sjå Verdscuphopprenn. Det var ei ny oppleving for meg, og det gav meirsmak. Det gjer noko med stemninga å vere der det skjer når det skjer! Eg måtte gå etter første omgang fordi eg hadde ein middagsavtale med kollokviegruppa mi frå teiknspråk (Tusen takk for herleg kalkun, jenter!), men Steffen blei til rennet var ferdig. Østerrikarane fylte pallen, men Noreg fekk to blant dei seks beste (Bjørn Einar Romøren og Tom Hilde på hhv fjerde og sjette plass). Stemninga i bakken var god, med mange nordmenn og polakkar til stades. Sjølv stod vi ved sidan av tidlegare kombinertløpar Bjarte E Vik og familien :D Kaldt var det, men mest kjekt.

I morgon har eg første dag på ny arbeidsplass. Spanande!

Høstdikt

Det er høst.
Det er trist.
Like trøstesløst høsttrist
som sist høst.
Og om en stakket stund,
blir det tele og frost,
og ingen taletrost
å søke trøst hos.

Ja, det er høst.
Trallala.
Og bladene
falleri
faller-a'

Pakkevaskepakkevaskepakkevaskepakkevaske...

...det er det eg driv med for tida. Utruleg kva ein har som skal pakkast ned. Tak og veggar skal vaskast. Og dette er liksom ferie? Fann eit dikt på dikt.no som eg viser utdrag frå her:

Så det er her du har gøymt deg
kanin av støv
så du trudde du kunne lura meg
fann deg jo same staden sist laurdag

[...]

Kom berre mot meg de
hær kledd i grått
til slutt må alle ned på kne
eg er krigsherre med grønsåpekrone

De kan lese heile diktet her.

Vintertid II

-Det snør, sa Tussi dystert. -Det gjør det, og det er kaldt.
-Sier du det?
-Ja, sa Tussi. -Men, sa han litt lettere til sinns, vi har i alle fall ikke hatt noe jordskjelv i det siste!

A.A.Milne

Noen

"-Men...i all verden! Noen har lagt en potet i skoen min! Lurer på hvem det kan være? Og se der? Noen har hengt en pannekake på knaggen min. Lurer på hvem i all verden det kan være? Hjelp! Noen har lagt en frosk i lommen min. Lurer på hvem i alle verdens land det kan være? Og nå har Noen bundet en ballong til øret mitt...mens jeg satt og sov i denne stolen. Lurer på hvem i alle verdens land og riker det kan være? [...] Hoppsann! Nå har Noen puttet en stor and opp i leke-kassen min. Lurer meg gul på hvem det kan være? Og Noen har bygget en diger snemann rett utenfor vinduet! Lurer meg blå på hvem det kan være? Og mens jeg sto her og lurte på hvem det var...så har Noen hatt den frekkhet å henge en gulrot på nesen min! Lurer meg grønn, lurer meg gul, lurer meg grønn og gul og blå! Hvem kan det være? Hvem er egentlig denne Noen som finner på alle disse forskrudde tingene?
-Det er bare jeg!
-Skal vi se etter hvem som er den mystiske Noen?
-Det er jo bare jeg som vil ha det litt moro skjønner du vel! sier Hasse.
-Så det var altså deg som var Noen! roper Ludde.

Og så får - haha - de to bestevennene - hoho - seg en god latter - hihi".

Eg har hatt besøk av mi eldste niese sidan laurdag :) Takk for fine lesestunder, og god bakst! Klem frå tante.

Bøker eg har kosa meg med i det siste

Eg har alltid vore ein lesehest. Det siste halve året er det desse bøkene som har skilt seg ut for min del, og som eg gjerne anbefalar:
1. Madonnagåten av Knut Nærum; Ein fantastisk parodi på den berømte DaVinci-koden. (Ein fordel å ha lese den først for å forstå satiren). Verd å lese for alle de som ler av Knut Nærum på fredagskveldane! Elisabeth Botterli og Peder Udnes er medforfattarar, og saman har dei fått til ei vanvittig historie om Munch, norske sanitetskvinner, NHO og kongefamilien.
2. Appelsinpiken av Jostein Gaarder; ei kjærleikshistorie og ei slags filosofering over store spørsmål om livet, døden, mennesket og verda. Teksta er eit vekselspel mellom eit brev Georg (15) får frå far sin 11 år etter at han døydde, og Georg sine refleksjonar. Svært vakkert, og svært lettlest! (Det tok meg 1 dag å kome gjennom).
3. Volvo Lastvagnar av Erlend Loe; Dei som har likt Erlend Loe før likar han her også. Dei som ikkje har likt han før likar han neppe no heller! Det kan jo vere ei retningslinje før du bestemmer deg for om du vil lese oppfølgingsromanen til Doppler. Doppler, sonen og elgen har no kryssa grensa til Sverige, der dei møter ein speidar som har sove ute 25000 gonger, og ei narkoman gamal dame som vil forandre verda. Fornøyeleg!

Da Vinci - koden

Då er Da Vinci-koden både lest og sett, og som så ofte elles var boka best. Filmen vart litt i lengste laget, og mykje "historisk informasjon" var kutta ut. Det egna seg sikkert ikkje på film det da. Ikkje veit eg! Uansett trur eg det var ein fordel å ha lese boka først. Det øydela kanskje litt av spenninga, men eg trur likevel den totale forståinga vart betre. Eg opplevde det iallfall sånn.

Elles vil eg på det varmaste anbefale Knut Nærum sin parodi "Madonnagåten"! Fantastisk :)