Eit bad blir til

I helga som var brukte Eirik heile helga ute i annekset, i fred og ro fikk han festa opp platene på badet. Det vart litt ekstra styr då vi hadde laga stendera for liggande panel, men med ein god omgong med kubbing fikk han festa på platene. Slik går det når vi bestemmer/ombestemmer oss undervegs i bygginga. 

Ca halvferdig

Golv og veggar ferdig, det nermar seg

Baderomsinnredninga er på plass

Kommande helg blir det fotballcup for oss, men vi har bestilt kjøkken, så helga etter blir det montering og liste arbeid på oss. 

No går det virkelig frammover :)

Flislegging

Denne helga var eg, Karoline, i Oslo for å delta i lag med jobben i Holmenkollstafetten. Småtrolla var plassert med mormor og morfar, og Eirik reiste på hytta klar for ei hektisk helg med flislegging. 

No er golva i alle rom på plass i annekset (utenom hemsen, der er berre sponplater enda). Vi mangla holsag, så fikk ikkje lagt flisa rundt sluken på badet, men dette blir raskt orden på nestegong. 

Vi gjorde det enkelt og valgte like fliser på gang og bad, på "stue"del og soveromma er det furugolv. Planen er å behandle furugolva likt som i hytta, Jotun Lady interiørbeis drivved og tre lag med Trestjerner gulvmatt lakk. Det har igrunn våre overraskande holdbart, må seiast at eg frykta furugolvet skulle hakke seg raskt opp, men det har gått veldig greit (det er fortsatt furugolv, så sjølvklart mjukt og nokre hakk har kome, men ikkje så ille som frykta). 

Eirik hadde lange dagar på alle fire med flislegginga, men fikk også nytt middag ute i sola på terassa. Bjorli viste seg frå si beste side. Sjølv om det innimellom var litt kjølig vind, kraup gradestokken opp i tshortetempatur i solveggen. 

Vi bygger fortsatt

 

Ivrige blogglesara har venta tolmodig på nye oppdateringar på bloggen. Vi har ikkje våre på latsida sjølv om det har våre stille på bloggen. Vi har i somar og haust jobba mykje med uteområdet rundt hytta, singel har blitt trilla og gras har blitt sådd, til våren skal vi sette opp ein skigard og då kan vi nok sjå oss svært godt fornøgd med uteområdet. 

 

Oppsida av hytta, mange turar med singel i trillebåra har blitt trilla.

 

Inne i annekset har vi kome godt i gong. Vi har tatt det i eit behagleg tempo å prøvd å ikkje stresse med det. Å bygge hytta var energikrevande, så for å ikkje gå tom/lei har bygginga i annekset blitt tatt litt no og då, med lyst og glede. Målet var å få isolert og plasta før kuldegradene sette inn, det har vi klart. Vi har fått inn isolasjon i veggar og tak, plasta og er nesten ferdig med utlektinga.

I tillegg har det meste elektrorør og spottkasser kome på plass. 

 

Bilder frå annekset; Her kjem to soverom, bad, liten kjøkkenkrok og opphalsrom.

 Denne helga har Lidvar (min far) frakta første lasset med panel til annekset opp på hytta. Kjenner litt grøss mot å skulle ta fram malarkosten att, men har god beisetrening, så dette skal gå greit.
Slit litt med valg av fargar, er så mykje som er fint. Om nokon har tips om fargar som hadde passa i eit lite fjellhytte anneks så tek eg gjerne imot tips.

Tilbake til gamle kunster

Denne helga var ongane plasserte hos mormor og morfar, Karoline og Eirik reiste på hytta for å gjære ein skikkelig arbeidsinnsats på annekset.

For eit par veker sida kom svaret frå kommuna med godkjent bruksendring og alt var derfor klart for å innrede det etter den opprinnelege planen. 

Denne helga sto isolering på planen. Sjølve bygget har våre klart ei stond, men vi har valgt å konsentrere oss om utendørsarbeid med terasse, tomta rundt hytta, og maling av hytta og annekset i sommar.

Klart til isolering



Det var ingen veg utenom, isolering er ingen favoritt hos nokon av oss, men med godt mot og i kvite eingongsdressar frå Jula med hette og gode hanskar fikk vi gjort mykje i løpet av ein effektiv laurdag.
Søndag fikk vi isolert resterande og vi fikk også laga nokre kubbingar i taket der innerveggane skal gå. Tilslutt fikk vi starta med dampsperra, men denne hadde vi berre med ein rull og gikk tom ganske kjapt. Uansett må vi seie oss fornøgde med innsatsen denne helga :) Vi hadde ikkje regna med å være så effektive, men det merkast både på isoleringa og plastinga at dette er kunstar vi har gjort ein gong før under hyttebygginga.

Ferdig isolert

 

 

Kubbing i taket og start på fuktsperre
 

 

Utsikta frå soverommet på annekset

Tilslutt vil vi dele eit lite tips: Vi malte to store eineknaggar med same farge som hytta, slik fikk vi eit perfekt oppheng for hageslangen.

 

Sommarmodus

Har våre i sommarferiemodus her på bloggen. Den nydelig sommaren har gitt lite tid til blogging. Eller rettare sakt, bloggen har ikkje blitt prioritert.

Vi har bukt mykje tid på hytta i sommar, Bjorli har virkelig overraska som sommardistinasjon.
Vi kjøpte tomta på Bjorli først og fremst med tanke på den flotte vinteren her, men til no har våren og sommaren berre gitt positive opplevelsar. Her er flatt og fint for sykling og mange flotte stiar til turgåing, og når vi etterkvart får fart i fjellbeina på ongane, er Romsdalsfjella og innover mot Tafjordfjella områder vi gler oss til å utforske. Til no har vi hatt nokre flotte turar i nærområdet, i går var vi på Rånåkollen (kjem eget innlegg om det).

Til no i sommar har vi mala, snikra, skrudd platting, trilla sand og singel og slappa av og sykla og gått tur mellom arbeidsoppgåvene. I tillegg satte vi oss på toget og fikk oss nokre dagar i Oslo og ein tur på Hunderfossen på heimvegen. No rundar vi av tredje av fire ferieveker, og håpar å få gjort enda litt arbeid før ferien er over. Eg har ein del malearbeid att, føler det aldri tek slutt, det må trillast ein del singel og det må byggast og isolerast i annekset. I tillegg blir det nok litt tur i næromårdet med ongane.

 

Lidvar (min far) og Anita (min mor) i arbeid ein gong tidleg i sommar.

Ei helg i juni fikk vi også flytta boblebadet og felt det ned i terassa.

Skruing av terassebord

I ettermiddag skin sola igjenn, yr.no melder regn og overskya mesteparten av neste veke, vi håper meldingane er feil og kryssar fingrane for ei siste ferieveke med mykje sol :)

Håpar lesarane våre nyt sommaren og at alle hyttebyggarane der ute kosar seg med prosjekta sine. Ser iallefall at her på Bjorli er det mange nye hytter som poppar opp, så ingen tvil om at hyttebygginga er inne i ein høgsessong no.

Hytte og anneks i harmoni

Bilde1: Her har vi morgonsola inn under ein liten overbygd platting ved inngongen til annekset. Godt skjerma og lunt for vind. Litt spent til vinteren korleis snøven legg seg, men det får tida vise.
Bilde2: Planen er å bygge boblebadet ned i plattingen og lage ein kosleg uteplass på framsida.
Bilde 3: Hytte og anneks sett frå vegen. Annekset har lik takvinkel som frambygget og skal derfor passe fint til hytta. Litt maling og det blandar seg nok bra inn.

No har vi ei hyttehelg til før vi kan sette inn storinnsatsen i sommarfeien. I år (som i fjor ;)) vil vi nok bruke mykje tid på hytta. Fire veker ferie og ingen andre planar enn hyttetur, så får vi sjå kva vi finn på av sprell for å få litt avveksling frå hyttelivet. Skal iallefall bli godt å være på hytta lenge, sleppe å pakke beggen igjenn etter to overnattingar ;)
Sjølv om Bjorli først og fremst er ein vinterdestinasjon har det mykje å by på også om sommaren. Vi håpar på sol, varme, lite mygg, mykje turmuligheiter både på føter og sykkel, godt male og byggevær, blide barn og glade voksne med arbeidslyst i bagasjen ;) No lengtar vi etter sommarfeiren her hos oss ialelfall :)

Annekset nesten ferdig utvendig

Endelig tilbake på hytta! Saknet var stort etter hytteliv, og i tillegg var vi no ekstra spent på å sjå korleis annekset passa inn på tomta og i lag med hytta. Frykta det skulle være småstilt og trangt, eller ruve opp i terrenget. Heldigvis var det større enn eg hadde sett for meg (inne), men alikevel ikkje ruvande på tomta. På oppsida får vi ein perfekt overbygd krok for kaffe i morgonsola, og på framsida får vi ein lun og ganske skjerma uteplass for ettermiddag og kveldsola. Utsjånadsmessig ser det ut som en viktig puslebrikke har kome på plass på tomta ;) Heilt perfekt.

Lidvar (min pappa) og snikaren har jobba i to veker med annekset, og bygget er no nesten ferdig utvendig. Anita(min mamma) hadde seg nokre dagar med malarkosten og fikk tatt underliggarane. 

Vi hadde leigd snikkaren for to veker og er godt fornøgd med framgongen. Då vi kom opp var det berre å ta over byggestafettpinnen og starte på kledninga. 

Hadde det ikkje våre for at vi gikk tom for overliggara, hadde vi våre nesten ferdige utvendig. 

Ein liten smakebit :) Deler fleire bilder når eg kjem heim til pcen. 

Eit bygg blir til

Mandag - Tirsdag- Torsdag

Mandag reiste Lidvar og snikkaren på hytta for å starte på bygginga av anekset. Dei jobba effektivt, og berre i løpet av denne føreste veka har dei kome longt i bygginga. Onsdag fikk dei besøk av Ole så dei var mannsterke når takstolane skulle på.

Det klør i fingrane etter å kome opp å inspisere bygget, men det blir ikkje hytteturmuligheit på oss før neste helg, enn så lenge må vi nøye oss med bilder.

Plate støypt

To sementblandara, ei trillebåre, fire mann og tre timar effektiv jobbing var det som skulle til, plata til annekset er no støypt og det er klar for bygging.

Vi er heldige som har mange kjekke i flokken våre som stiller opp på dugnad

Torsdag var fridag og eg og ongane reiste på hytta for å nyte litt hytteliv sida vi tre hadde fri også fredag. Dagen vart nytta til tur i skogen og lunch i det fri. 

Eirik, Ole, Yngve, Thip og Lidvar kom opp etter jobb på fredag og det var igjenn mykje folk samla. Laurdag var arbeidsinnsatsen på topp, spadetaka var mange, trillebårlass i massevis og etter god innsats frå dugnadsgjengen var plata på plass.

 

Resten av sanden og singelen vart fordelt utover på oppsida av hytta. Kjekt å få det litt "reinare" rundt hytta, eg var litt lei av å støvsuge sand ut av hyttegangen.

 

Litt singel på oppsida av hytta, plassen virka plutselig mykje større. Kan kjøre bilen inntil døra no om vi skulle øsnke det ;)

På laurdags kveld starta eg å male andre strøket på hytta. Vi tok eit strøk i fjor og skal ta andre strøket i år. Strøket frå i fjord har trekt godt inn i veggen og den var blitt lys og matt i fargen. Det gjorde seg virkelig med eit strøk nr 2 no. I løpet av søndagen fikk eg malt ferdig oppsida (med unntak av arken på loftet). Om de ser nøye på bildet ser de forskjellen på eit og to strøk, eit under overbygget og to på veggen til venstre i bildet.

Ei helg med mykje sol, litt kald vind og mykje arbeidsglede :)

Tilbake til arbeidet

Då var vi i gong igjenn. Snøven har smelta og tela i bakken har slept. Eirik og Ivar reiste oppover fredag etter jobb og starta på helgas dugnadsaktivitetar. Tobias, Lidvar og Ole kom på laurdag og dugnadslaget var komplett.
Målet for helga var å støype ringmuren til annekset.

Då dette er ein relativt liten mur var planen å blande støypen sjølv. Dette var tidkrevande og hardt arbeid, men med mange arbeidara fikk dei på plass støypen i ringen og det er no klart for rørleggaren å gjære sitt.


Ringmuren ferdig

I tillegg til muren ute har Eirik fått på siste detaljen på kjøkkenet. Mur og dekkside på kjøkkenbenken.

Kjøkkenet har fått dekkside og mur

Det har våre deilig å ha byggefri ei periode, å kunne reise på hytta med einaste formål å slappe av og kose oss,men no kjem det nok til å ta seg oppatte med aktivitet, både på byggefronten og her på bloggen. Vi brettar opp armane og gjær oss klar til ein sommar med hytteliv og hyttebygging :)