Barnebursdag!

Det har vore ei begivenhetsrik veke med Jonsokfeiring og 3 bursdagselskap for Hermine, som har fyllt 4 år! Bildene er frå barnebursdagen. Vi laga vimpler av gåvepapir som vi klipte til og stifta over ei snor. Dekorativt og enkelt.

Hermine ønskte seg Bratzkake. Noko eg ville gje ho, men kvidde meg til å lage. Men det gjekk nokelunde fint. Den er laga av ei sjokoladeplatekake som eg skar til i rundinger og bygde kjolen av. Mellom laga hadde eg sjokoladekrem. Kjolen er av marsipan som eg farga rosa og kjevla ut.

No kjenner eg det skal bli godt å gjere ingenting. Sofa og netflix here I come! 

Ha ein fin kveld!

Klem frå Bjørg :-)

Motivasjon!

 Vi har vore bleieskiftarbeidera i til saman snart 7 år. 

Yngstejenta vår Hermine på 3, snart 4 har vore veldig glad i bleiene sine. 

Gå på do eller potte skulle ho i alle fall ikkje. Det måtte ein motivasjonsfaktor til. 

Og du ser den her. Hennar største ønske var ein sengehimmel!

No er bleiene eit avslutta kapittel, og omsider er den finaste sengehimmelen på plass på rommet til Hermine. Gjett om ho er fornøgd. Det er vi foreldra og! Vi skal aldri skifte bleier meir! Det er godt vi har skaffa oss katter vi må tomme doen etter. Slik at 

overgangen ikkje blir for stor, liksom ;)

Ha ein herleg kveld!

Klem frå Bjørg :-)

Hipp Hurra!

17.mai er vi så gla' i..

Det er ikkje lenge igjen og det gledast!

Tog, leik med vener, (nesten) ubegrensa med is...

og i tillegg få svinse rundt i fine kjoler. Det er ein fin dag altså ;)

Årets 17. mai antrekk er frå Polarn O. Pyret. 

Dei har eit stort utvalg av herlege festantrekk både til jenter og gutar. 

Jentene våre var så heldige å få velge kvar sin kjole. Hermine gjekk for nydeleg retromønster og Ariel det meir stilfulle og klassiske. Dei veit kva dei vil, 

allereie i ein alder av 3,5 og 6 år ;) Strømpebukser og supersøte strikkejakker 

med hjerter er frå same butikk + paraplyen. Bur ein på 

Vestlandet må ein passe på å beskytte 

seg mot regnet med stil ;)

Det var særs viktig at kjolen kunne snurre-rundt, 

noko desse nøye utvalde kjolane kvalifiserte til med glans ;)

Ha ein fin kveld!

Klem frå Bjørg :-)

(Kle er sponsa av Polarn O. Pyret)

Påskepynt..

...har vi igrunn veldig lite av.

Difor har eg tenkt at vi skal lage litt i år.

Vi har starta med å lage påskeharer av mjølkekartonger, 

som vi har sådd karse i.

Eg klipte ut harefasongen. 

Så måla vi dei og teikna på kvar sin etterpå.

Jentene teikna fine fjes, mens eg juksa litt med ferdige auger ;)

Å så karse er kjekt for utålmodige små (og Mamma) 

Det veks raskt og resultatet kjem fort. Når det er sjølvdyrka så smaker 

det sjølvsagt ekstra godt også, ifølge jentene ;)

Ha ein fin kveld!

Klem frå Bjørg :-)

Julestemning

 Som vaksen er det sjelden at den store julestemninga 

eg husker frå eg var liten dukker opp. Men på julekonsert i kyrkja idag 

kjente eg den kom sigande. Kanskje fordi eg som lita jente var med å song inn jula på denne konserten kvart einaste år. I dag var første gongen Ariel deltok. 

#stoltmamma

Ha ein fortsatt fin Lucia!

Klem frå Bjørg :-)

Årets julekort!

Japan Photo, der eg jobber, har også mange spennande spesial-butikker. 

Det er sjølvsagt for meg å kjøpe julekort der. Det er veldig enkelt å utforme fine julekort. Når du i tillegg får ferdig tekst på kortet er det berre å putte kortet i konvolutten 

og sende avgårde med posten. Ei fin løysing for meg som tar ting med 

lave skuldre iår ;) Eg valde eit design laga av min kreative 

kollega Marie. Du finn dette og mange andre flotte 

design hos Eurofoto.no og Takkekort.no

Om du sjekker ut @husetvedfjorden på instagram finn du ein Give Away 

der du kan vinne gåvekort på kr 600,- hos Takkekort.no Ein superfin

 premie å bruke på årets julekort, eller til ei anna 

anledning resten av året. 

I dag (6.12.15) får du heile 40% på 6 siders kort,

 som har rikeleg plass til ei fin julehelsing.

Husk å bruke koden TKSUPERJUL 

i handlekorga :)

Ha ein fin søndag!

Klem frå Bjørg :-)

Hipp Hurra..

..for Ariel som vart 6 år idag! 

Vi er så stolte av deg, og ikkje minst glade i deg.

Gratulerer med dagen finaste du!

Klem frå Mamma :-)

Gammal skulepult!

Eldste dottera vår Ariel er blitt skulejenta, og då høyrer det med å få leksepult på rommet sitt. Sjølv om eg tviler på at den blir brukt til lekser med det første. Leksa blir gjort i stova ;) Men det er jo kjekt å ha ein plass å teikne på rommet sitt. Ariel er hvertfall veldig fornøgd!

Pulten er gammal og frå ein skule. 

Vi var så heldige å få den frå ei snill dame, tusen takk :)

Eg har vurdert å måle den, men kjem egentleg fram til at eg liker den slik den er. Med fine spor etter at mange elevar har mottatt kunnskap på den :)

Eg håper du har ein fin dag!

Klem frå Bjørg :-)

Snart Halloween!

Eg liker Halloween! Litt moro på ein trist og mørk haustkveld er gull, synast eg. 

Her feirer vi med noko pynt og kler oss ut. Ein grei regel er å gå til dei husa der vi 

veit vi er velkomne, og dei står klar med godteri. Slik "prakker" vi ikkje på nokon

 denne nye tradisjonen uten at dei vil det sjølve ;)

Som de ser, vi gler oss villt ;)

Eg og jentene har allereie funne fram litt pynt. 

Og graskaret er klart til å få skummelt fjes ;)

Feirer du Halloween?

Klem frå Bjørg :-)

Muffins med epler frå hagen

Onsdager er ein fin dag! Eg og Ariel har fri frå jobb og skule. 

I dag ville Hermine vere med oss og, så ho fekk ein fridag frå barnehagen. 

Det er heilt supert med litt "helg" midt i veka! 

Vi hadde ei gryte full av epler frå 

treet i hagen. Då var saken enkel. Det måtte bli eplemuffins ;)

Det er kosleg å ha gode hjelperar på kjøkenet. 

Også blir det ekstra stas for jentene å ete muffinsane etterpå ;)

Muffinsane er på mystisk vis snart vekk! 

Dei var veldig gode og oppskrifta fann eg her!

Ha ein herleg kveld!

Klem frå Bjørg :-)

Barneseng med gode minner

Hermine er over 3 år, så det var på høg tid å bytte ut sprinkelsenga. 

No er den fine barnesenga Pappaen sov i som liten på plass :) Senga har vore 

i hans familie lenge, og det er Besta hans som har rosemåla den. 

Hermine fann seg fort til rette og var særs fornøgd med 

ei litt større seng ;)

Eit innebygd skap har blitt kosekrok med oppbevaring under. 

I taket er det laga stjernehimmel av LED-lys (som ikkje syner å bildet ;)

 Hermine er fortsatt superfornøgd med leikekjøkenet 

sitt frå Jollyroom som du finn her! Ho elsker å styre og stelle her. 

Det er så kjekt å sjå på :)

Eg håper du får ei god ny veke!

Klem frå Bjørg :-)

/sponset innhold

Styggfin tapet

Eg liker forandringer i interiøret! 

Skapet i stova pleier å ha tapet i glasrutene for å endre utrykk

 og gjere det gladare, men mest for å skjule rotet ;) Den har allereie skifta tapet nokre gonger. Eg hadde liggande ein retrotapet eg kjøpte på facebook for litt sidan. 

Ein sånn styggfin tapet som kan funke eller bli heilt feil. Eg har 

ikkje heilt bestemt meg endå, men eg trur den får bli 

sidan den har den sennepsgule fargen i seg som 

eg liker så godt.

Tapeten er festa på innsida med brei tape, 

slik at den er enkel å fjerne viss behovet for forandring kjem over 

meg atter ein gong ;)

I dag har eg vore heime med ei febersjuk Ariel som trengte Mammaen sin. 

Det blir fort kjedeleg å vere sjuk, men det blir også mykje kos!

Vi satser på at dagen i morgon blir betre :)

Eg ønsker deg ein herleg kveld!

Klem frå Bjørg :-)

Sweet as Candy

Når eg innreier jenteromma så gjeld det å mimre tilbake til barndommen

 og tenke: kva var det eg likte då. Ein må også sjølvsagt sette seg inn i kva eigaren av rommet liker. Hermine på 3 år er veldig glad i rosa. Difor har rommet hennar blitt rosa og sukkersøtt. Ho er ei skikkeleg jente-jente. Og då må det kjøkenkrok til på jenterommet. Vi fekk ein henvendelse frå Jollyroom om vi ville teste ut eit produkt frå dei. 

Det vart eit vanskeleg valg for dei har utruleg mykje fint! 

Men vi landa på dette supersøte leikekjøkenet. 

Sjølvsagt i rosa ;)

Hermine elsker det nye kjøkenet og leiker masse med det!

Her blir det kokkelert både i steikeovn, på komfyren og i mikroen. Eg får smake den bestaste tomatsuppa du kan tenke deg. Etterpå blir til og med oppvasken tatt! ;)

Du finn leikekjøkenet her hos Jollyroom.no :)

Ha ein sukkersøt dag!

Klem frå Bjørg :-)

/sponset innhold

Ryddig barnerom, så lenge det varte!

Ryddige barnerom er sjelden vare her i huset. 

Eg tenker på det som eit sunnhets teikn. Hadde det alltid vore 

strøkent der, så hadde det igrunn vore litt trist! Men den halvtimen det

 var ryddig sist gong eg tok ein sjau på Ariel sitt rom, 

så måtte det forevigast ;)

På Ariel sitt rom er det meste gjenbruk. 

Grønmåla hylle som min Besten har snekra. Ikea stoler og bord har 

fått ei oppdatering og teppet på golvet har eg hekla av 

gammalt sengetøy rive i remser.

Vogga hadde eg når eg var lita. 

No er det jentene våre som legg dukkene sine i den.

Treet på veggen har eg laga sjølv ved hjelp av måling og tapet-restar.

Eg håper kvelden din er fin!

Klem frå Bjørg :-)

Sunn is

Jentene våre er, som alle unger, veldig glade i is. 

I år har eg gått til innkjøp av isformer frå Nicolas Vahe. 

Eg liker spesielt godt at det er ispinner med i settet ;)

No blir det sunn is så ofte jentene vil ha ;) 

Isen lager eg av smoothie med bær og appelsinjuice. 

Sunt og godt :)

Ha ein fin sommarkveld!

Klem frå Bjørg :-)

Snart skulejente!

Ariel har no sine aller siste veker i barnehagen. 

For første gong får vi ei skulejente i huset. Det er litt vemodig, litt skummelt

 og veldig spennande! Kanskje mest skummelt for oss foreldrene ;) 

Ariel gleder seg og er veldig klar. Det gleder 

eit Mammahjerte :)

Eg husker frå då eg gjekk på skulen

 at det alltid var stas å få nytt utstyr til det nye skuleåret. 

Følelsen av ein ny start var spennande. Og dei nye skulesakene var med 

på å forsterke forventningane.

Eg digger butikkane til Søstrene Grene. 

Billege, fine og fargerike produkt, akkurat slik eg liker det!

Eg bur dessverre langt unna nærmaste Søstrene Grene butikk. 

Men når eg er på ein større stad, er eit besøk 

der obligatorisk!

Alt på bildene utenom koppen (Ment) penneholderen(måla hermetikkboks) 

og magasinholderen(Ikea) er frå Søstrene Grene :)

No er vi litt meir klar for skulestarten til hausten;) 

Men først ein etterlengta sommar og ferie!

Ha ein fin kveld!

Klem frå Bjørg :-)

Hermine 3 år!

I går feira vi Hermine sin 3 årsdag, 

litt på forskudd sidan vi ikkje er heime på dagen hennar. 

Vi dekte langbord og inviterte familie og venner. 

Det vart ein fin fest og Hermine var

 spesielt fornøgd ;)

Kaka vart ein reprise av Ariel si bursdagskake. 

Sidan det var det Hermine ville ha. Veldig greit for meg sidan det er 

den enkle varianten ;)

Vi pynta med heimelaga vimpler 

som er laga av snor, gåvepapir og stiftemaskin ;)

Dagens "nesten" sunne 

variant var fruktspyd med marshmallows :)

Ha ei fin kveld!

Klem frå Bjørg :-)