HELGEGLEDER

Ei veke er snart over, medan ei ny er i vente. Den siste heile før jul.

Det har vore veldig variert ver siste tida. Frå mildver til full vinter, og tilbake til mildveret igjen.

Stormen Ivar var så vidt han sneia innom her for å vise krafta si med å velte litt krukker. Han berre sa ifrå at eg måtte få dei i hus før han kosta vidare.

Litt helgekos har eg holdt på med no i kveld.

Heime åleine, då må eg finne på noko og jammen smakte det godt også.

Medan eg venta på at brøda skulle bli steikt laga eg brente mandlar.

Tok meg skikkeleg tid å brukte svak varme så denne gongen vart dei slik dei skal ver, ikkje brente men karamelliserte. 

Farlig godt.

¤

Tidligare i dag oppdaga eg at det var fleire nye fugleartar i hagen. Bileta er tatt gjennom eit ikkje alt for reint vindauge og så har eg forstørra opp slik at det skulle ver mogleg å sjå dei. Kvaliteten er derfor dårleg. Eg har ikkje fått orientert meg om kva sortar det kan ver enda, men kanskje du som kikar innom veit det ?

Dei var i grusbedet å bada i støypekaret som er der. Der var så mange at det var kø for å få seg eit julelaug.

Spurven ville delta i selskapet.

Nokon som veit kven desse er? Det er dei som har dei gule stripene på vingane.

Eg regnar med at dette er par. Den eine er grøn på brystet medan den andre er meir grå.

Så var det denne  som står i venstre hjørnet. Den har litt brunt bakover vingen og på brystet.

Veldig klare teikningar i fjøyrdrakta.

Her bada dei så det sprutar.

Slik ser den ut framme. Kan sjå ut som dette også er eit par. Ser det er fargeforskjel og så har den eine skarpare teikningar.

No må eg ha meg fuglebok så eg kan finne ut kva slags fuglar som dukkar opp i hagen.

Hmmmmmm......kanskje ein ide å ønskje seg no i desse tider : )

Litt late som tok alle bileta gjennom vindauget i dag, men dåkke veit at eg kan skreme dei visst eg vasa meg utadørs : ))

Eit tips som fungerte supert. I staden for å lage fuglematen i beger å fylle i mataren, lagde eg det denne gongen rett i mataren. Den i midten her. Kledde den med plastfolie og fylde den opp. Stakk eit par pinnar gjennom så fuglane kan stå på. Den må få tjukne litt før du fyller den i.

Har laga fleirdobbel oppskrift og brukar Moseplassen si. Den fell i smak hjå denne gjengen.

Fann nokre avsette koppar i buda som vart fylde med mat og hengt opp og eit fuglehus som vart hengt mat støypt i kakeformer inn i. Ser nærmast ut som eit jugletred med alle slags matarar dinglande oppi.

Slik blir det når det dukkar opp nye gjestar. Dei må få mat.

På pinnane akkurat no......tilbehør til juleantrekket til barnebarnet.

Blir nok ferdig i kveld.

Då gjenstår det å ønskje alle ein fortsatt trivelig Laurdagskveld.

Eg deler helgegleder hjå Vivishagerom og litt til.

Frå hagen ein solskinsdag.

Gårsdagen var nydelig med god temperatur. 

Fekk røska og rydda litt i beda. Flytta på frøplanter som hadde sådd seg sjølv slik at dei kom i grupper og ikkje ein her og der. Kanskje det blir fint og frodig neste år.

Før eg starta med haginga tok eg ei runde med kameraet.

Denne sommarfuglen kom flaksande å landa på ein strandnellik. Etter det eg fann på nettet er det " brunflekket perlemorvinge ".

Den hadde ei rift i vingen heilt bak.

Frukta veks seg til.

Enorme forekomstar av plommer. Jau, vi har tynna, men må nok plukke meir. Det har allereie brotna greiner.

I vår grov eg opp rundt alle trea slik at det skulle bli lettare å klippe rundt. Trur dei har likt å sleppt nærkontakt med grasklipparen.

I desse beda har eg planta ringblomar, blodamurant, georginer med mørkt blad og heilt mørke pionvalmue. Ser det ikkje så godt her. Dette var eg så fornøgd med at det blir same sortane til neste år.

Når eg heldt på med dette prosjektet vart alle busker som stod i plenen også flytta. Utvida bed å planta dei der. Så no er det ingen hinder når plenen skal klippast. Til og med klesnora vart fjerna.

Dei brune kvistane som krokar seg midt i biletet er ein dverg lønn med mørke blad . Den var kjempediger og fylde ut eit stort parti i bedet. Men etter denne vinteren var den død ( trudde eg). Fekk stå lenge før eg gjorde noko for å ver på den sikre side. Viste ikkje teikn til liv anna enn heilt ytterst på ei grein og greinene var sprø og tørre. Så eg gjekk i gang med saksa. Var tenkt å fjerne den heilt men synest den var så artig i forma at det fekk stå igjen litt som kunne ver som ein skulptur.
Utrulig men sant.....den kom med mange nye skydd som har vokse godt.

Frå grusbedet sedum Bertram Anderson.

Frå den minste av dammane.

Pyntekorg , sjølv her som det har regna så mykje blømer denne godt.

Men i dag måtte den drage hetta over hovudet. Det pøsregna.

Med desse bileta vil eg ynskje alle ei god og trivelig helg.

¤ ¤ ¤

Hjarteleg takk til alle som ser innom  og les bloggen min. Ei ekstra takk til dåkke som tek dåkke tid til å legge igjen gode ord......slikt blir ein glade av.

Så til mine to nye følgarar...velkomne til Hagen i svingen.

Klem frå MarJE.

LENGE SIDA SIST.

Sjølv om det er ei stund sida siste livsteikn her på bloggen skjer det litt likevel.

Eit godt vårteikn at eg har styrt så mykje i hagen og litt ellers at det har blitt lite av oppdateringa her inne.

Konfirmasjonen er vel i havn , vi hadde ein strålande dag på alle måtar. Så no blir det avslapping og mykje haging framover.

Eg har ikkje vore inne å sett meg rundt på bloggane kor langt våren er komen rundt om i landet, men her hjå meg går det veldig seint i år. Beda er fortsatt veldig brune og tome men håper fortsatt det vil spire opp meir. Ser at det livnar litt meir for kvar dag.

Stort sett berre denne sorten Primula som har starta litt med bløminga her i hagen.

Ganske så tomt i bedet enda. 

I dette bedet har det vintergrøne klart seg. Ein av få Rhododendron som er fine.

Dette er bak grusbedet. Oppstarta prosjekt med å legge ned ein kant med stein og grusgang. Må ha meg både meir stein og grus for å gjere det ferdig.

I grusbedet som eg laga i fjord etter inspirasjon frå Magnar Aspaker ser det ut som plantene trivest. Etter det eg kan sjå er det stor overlevelseprosent.

Det er minst 20 cm tjukt gruslag øverst, så røtene må strekke seg nedover for å finne jord og fuktigheit.

Her er det småhjerte Dicentra Burning heart som har spirt opp og står med knupp.

Stauder som eg sådde i fjord. Veldig kjekt når dei kjem igjen.

Physochlaina orientalis,  Ligularia stenocephala og Centurea bagadensis.

Desse frøa kjem frå Magnar.

Ein av Pionane er komne med spirar, Allium, Tulipanar, Geranium, Akeleier og Aconitum.

Mange liljespirar. Dette er dei eg kallar Keisarkruner. 

Rognebusk med bladverk i fine fargar, Sorbania sorbifolia Sem og formklipt Buksbom.

Stemorblomar og løkar i krukkene.

¤

I drivhuset med sine heile 5 kvadrat er det smekkfullt og mange av staudepottene har spirt.

No ventar eg berre på varmare tider slik at sommarblomane kan få kome ut å få litt bedre plass.

¤.

No vil eg ha meg ei runde rundt om i bloggane å sjå kor langt våren er komen hjå andre.

Ha fortsatt ei god veke og ein fin 17. Mai til alle.

Frå MarJE.

VÅR ?

Eg er med på vårteikn hjå Elin med bloggen I hagen ved skauen. Denne veka er eg alt for seint ute, men så er det heller ikkje så mange vårteikn her i hagen.

Sterk vind i fleire dagar og no etterfulgt av regn, 

 har gjort at all snøv og is har reist.

Varmkomposten som eg starta opp Fredag for litt over ei veke sida har starta prosessen for lengst. Der er det god varme og eg ser for meg kor mykje fin jord eg får : ))

Denne vinteren har vore hard for mange plantar. Mange rosebusker ser heilt svarte ut og mange av Rhododendronane ser ikkje livlige ut.

Slik ser dei ut, veldig tørre. Har prøvt å vatna med godt temperert vatn så får eg berre vente å sjå om det hjelp.

Nokre få Klosterklokker er det einaste som har kome opp bortsett frå snøklokkene.

Ikkje ein einaste tulipanspire har vist seg sjølv om eg har veldig mange. Dei ligg nok rett under jordflata å ventar.

I grusbedet som eg laga sist sommar ser det ut som alt har overlevd.

Desse sådde eg sist sesong av frø eg kjøpte hjå Magnar.

Lewisia Little Plum, Androsace carnea og Anthyllis vulneraria coccinea.

Litt anna som kikar opp. Trollius pumilus, Campanula " Snøkvit ", Påskeliljer og Aurikkel.

Ein liten tur innom drivhuset. Erteblomar, i midten er det toårige svarte fiolar som eg vann frøa av Elin. Dei var ikkje heilt enkle å få til å spire. Frøa opna seg fort men så skjedde det ikkje meir. Prøvde å sette dei i kjøleskapet, der spirte dei etter få dagar.
Dahliane er kraftige og veks seg til.
 Ein liten stemor, det er det einaste som gir litt farge akkurat no.

¤ ¤ ¤

I eit tidligare innlegg fortalde eg om Fuksiane mine som fraus i drivhuset. Eg kasta dei selvfølgelig ikkje....for tenk om det er liv inni : ) Og jammen er det fleire som har spirt  igjen : ) )

¤ ¤ ¤

Har så vidt starta grovrenskinga i beda. Her er utrulig ruskete i år.
Eg hadde virkelig håpa at kulden hadde tatt livet av dei brune sleipe....men der tok eg feil. Hadde heldigvis saksa på meg så eg fekk klipt den rett av.

Hagelaget som eg er med i skal heldigvis ta opp kampen mot sneglane i år. Vi skal selge Nemaslug.
Eg er ein av dei ansvarlige for dette og håper mange vil kome å kjøpe så vi kan få bukt med problemet.
Kanskje det blir sneglefrie tider etterkvart.

Dette var det meste eg fann av vårteikn denne gong.

Klikk deg inn hjå Elin på biletet.

GRUSBED

No er tida koma for å vise ei oversikt over grusbedet som er laga tidlig i sommar og ligg på aust sida for huset.

Dette bedet har eg fått inspirasjon til å lage av Harstad mannen Magnar Aspaker gjennom heimesida hans. Der har han eit eige innlegg om korleis ein opparbeider eit grusbed.
Kjøper også frø frå frå han og driv fram plantar som passar i slike bed.
I bakkant og ein ring i nedre kant rundt eit plommetre har eg laga vanlig bed som heng saman med grusbedet.

Det første eg gjorde var å ta av grastorva, grov ut mold, la tilbake torva oppned og hadde molda over. I dette området stod det eit stort kirsebærtre som klovna og bles ned. Det var eit enormt rotsystem, tjukt nesten som eit underjordisk tre. Var  nokre liter svette som gjekk med på å få fjerna røtene. Så var det berre å trille på singel. Det vart brukt to forskjellige grovheiter på singelen og det gjekk med ca.3 kubikk. Singellaget er ca. 20 cm tjukkt. Så det vert spennande å sjå om plantane vil overvintre godt og trivest.

Dette var laga før mi bloggtid så eg har diverre ikkje før bilete. Og veldig lite undervegs, men viser her det eg har.

Heldigvis var det ein kjekk kar som svinga inn med trillebåra..........Har lagt ut ein del stein som vi har plukka litt rundt omkring.

Her har kanten rundt kome på og litt plantar.

Her ser vi bakre kant som er vanlig bed og nederst der som plommetreet står. Eit stykke rett inn her stod kirsebærtreet.

Småhjerte, nellik, små einer, takløk o.s.v. som veks i grusen.

Frå ein annan vinkel. Her har eg teke breidare singelgangen rundt og plantene har vokse seg litt til.

Her ser vi litt bedre gruspartiet. Mesteparten av plantane der er frøplanter frå i år så dei er små enda.

Her er småplantene, øverst til venstre Centaurea bagadebsis, i midten øverst Sedum pachylados, øverst til høgre Lewisia Little Plum, midtbilete Gullbergknapp variegatum, nederst til venstre minimini rhododendron (tok ikkje inn navnelappen), nederst til høgre Anthyllis vulneraria coccinea.

Sedum Bertram Anderson.

Arrhenaterum bulbosum.

Der stå også eit kar som eg har støypt for fleire år tilbake. Hadde eit rabarbrablad som eg trykkte nedi støypen for å lage mønster. Har vorte litt utvaska med åra av ver og vind.

Her ser vi godt neste delen der plommetreet står. Dette treet har ikkje hatt noko plommer før, berre så vidt vi har fått smakt dei. Men i år er det veldig mykje. Kanskje det har likt å få selskap av div. planter :)

I plommetreet klatrar denne.......

....klematisen. Veit ikkje navnet.

Og b.l.a desse veks her.

Dette er noko av det som veks i den bakerste delen av bedet.

Hjelpe meg, dette vart langt. Skal tru om nokon heng med.

Visst så er ØNSKJER EG DYKK EI VIDUNDERLIG GLEDELIG HELG!!!