ÅRETS SISTE ?

Ja skal tru om dette er årets siste rose.

Vanskeleg å sei med så fin haust. Siste dagane har det åpna seg fleire roser og knuppane står fortsatt i kø.

Rosa New dawn slik den står i hagen no.

Den har blømd heile sommaren og hausten og den har vokse godt.

Ekstra sart fin farge no seint på hausten.

Då gjenstår det å sjå om det er den siste eller om fleire knuppar sprett ut.

Haustsola skin i fjella.......

.........det livar opp med flotte fargar.

Mine helgegleder som eg deler hjå Vivishagerom og litt til....

God ny veke til alle der ute.

MarJE

HAUSTLYS OVER FJELLHEIMEN

Like før sola gjekk ned no kl.19.00 vart det eit magisk øyeblikk over vår flotte natur.

Mi flotte utsikt til Ørstafjella.

Regnbogen kom til syne.

Heilt spesielt lys.

Vallahornet fremst, bak t.v Saudehornet, t.h Kyrkjetinden.

Eit kortvarig øyeblikk, men mi HELGEGLEDE som eg deler hjå Vivishagerom og litt til....

Ha ei fin ny HAUSTVEKE.

MarJE

ÅRETS FØRSTE FJELLTUR.

I går var det ein nydeleg dag og den måtte nyttast til å gå på fjellet.

Her er fortsatt snøfritt så då er det lettvint å kome seg fram.

Men pulsen fekk virkelig prøve seg. Kunne nesten tru det var ei slegge som banka i brystkassa : )

Forhåpentligvis kjem det seg litt for kvar tur.

Vi  gjekk på Helgehornet.

Sola skein men vinden suste om øyrene og var iskald.

Her ser vi mot Volda.

Her ser vi bygda mi.

Hovdevatnet midt i biletet. 

Utsikt mot Dalsfjorden.

Utsikt mot Ulstein.

Frå denne toppen er det ei fantastisk utsikt i alle retningar.

God kveld alle saman.

HELGEGLEDER.

Helga var forbi i rekordfart så mine helgegleder kjem i dag.

Fint haust ver i dag så eg benytta meg å fekk planta siste løkane som eg kom over på salg før helga : )

Umulig å gå forbi slike reolar.

Denne helga prøvde eg ut oppskrifta til fuglemat som Anne på Moseplassen deler med oss.

Alt måtte prøvast, julemannformene og resten i plastbeger.

Enkel å lage og gjett om fuglane likte den.

Hengde opp litt prøvesmaking. Ut på dagen gjekk eg ut for å sjå om den falt i smak. Då hang det igjen berre ein liten klump i trådane. Dette var godsaker for fuglane.

Fuglane flaksa når eg kom fordi katten var hakk i hel.

Eit par Kjøttmeiser som gøymde seg inn i buska.

Det gjekk ikkje mange dagane før Kjøttmeisa fann vegen til fuglemataren på vindauget.

No er den blitt fortruleg med at vi bevegar oss inne, så den kosar seg i ro og mak med maten sin.

Til mat har eg lagt inn jordnøtt pellets og hakka jordnøtter.

Sein haust i hagen. To Primula sortar kjem med knuppar no.

Det var ein fin mild dag i går med temperatur opp til 12 grader.

Det vart eit spesielt lys i fjella når sola kom.

Eg deler hjå Vivishagerom og litt til.

God ny veke til alle.

MarJE.

HAUSTRO I NATUREN.

Her kjem fortsettelsen på forrige innlegg.

Det har blitt mange turar i skogen siste tida og det er noko spesielt med roa i naturen no om hausten.

Sansane og tankane kan sveve og kverne  medan eg vandrar og nyt inntrykka som viser seg.

Når eg har med meg speilreflekskameraet mitt er det vanskeleg å kome seg lenger enn hit til vatnet.

Her finn ein uendeleg med motiv. 

Det er nesten like klårt i vatnet som i lufta.

Ring i vatnet av kreda som gjorde eit hopp.

På midten skimtar vi ei bittelita grend.

Same grenda her både på land og i vatnet : )

Resten av bileta er frå turen i dag. Då kom eg meg vidare og gjekk heile runda rundt åsane. 

Desse bileta tok eg med kompaktkameraet. Det er så lite at eg stikk det i lomma.

Synest bileta er klåre og fine med det også.

Glinsande fargesprakande nyper.

Såg stor forskjel på fargane i naturen berre sida Tysdag. Det hadde gulna mykje.

Her er eg koma rundt og opp på åsen. Denne plassen heiter Høgetua. Det spisse fjellet til høgre er Liadalsnipa. Nede i dalen bak åsen kan vi skimte fjorden.

Dei andre bileta har eg tatt langs kanten av vatnet rett ned her.

Vi er så heldige her at vi har alt som naturen kan by på. Høge fjell rundt alle kantar. Vatn, sjø, skog med mange fine stiar. Snur eg meg her på dette biletet til motsatt retning har vi flyplassen og ikkje minst heimen til vår nynorskmann Ivar Aasen. Det er her i Ivar Aasen - tunet nynorsksenteret ligg. Kan gå dit frå stien her.

Då gjenstår det berre å takke for følget til vatnet og rundt åsen.

Håpar sansane dåkka også likte seg : )

¤

No er det noko som held på å skje med himmelen så eg trur ikkje det blir slike bilete i morgon.

Men vi får ta imot det som kjem.

Ha ein god ettermiddag og nyt haustkvelden.

Turklem frå MarJE.

SVARTSURBÆR TIL NYTTE OG PRYD.

Svartsurbær eller Arenia melanocarpa som den heiter på latinsk.

Ei plante som blir mykje brukt til hekkar, men eg har den som ei pryd og nytteplante i bakkant av eit bed.

Eg hadde i utgangspunktet to planter. Men eg er ein resar med saksa, så tynning blir det ein god del av. Når eg held på med det ser eg selvfølgelig etter ( grev litt ned i molda ) om der er røter på greinene. Som oftast er det det og vips så har eg fleire avleggarar. 

Dette synest eg er litt av sjarmen med å drive hage å lage mine egne plantar.

Har laga nokre som er oppstamma. Dei er ikkje så store enda og sida eg klipper dei ofte for å få fasongen var det ikkje bær på dei i år.

Men no til bære. Denne sorten har store, saftige og smakfulle bær.

No var dei heilt modne, så i dag vart dei plukka.

Planta er fin i alle stadiar. Våren med skjermar av små kvite blomar. Så kjem bæra frå grøne til raude og til slutt heilt svarte slik som dei er her.

Planta er hardfør, trur faktisk den er H - 7.

Haustfargar. Den gløder.......kjempefin.

Ei stund til den kjem til dette stadiet i år. Bilete frå i fjor.

Det vart ikkje den store fangsten, men akkurat to kilo. Nok til ein porsjon sylte.

Tenkte først å koke saft men med den gode smaken hadde eg lyst på sylte i staden for.

Skulla hatt ein heil hekk.......då kunna det blitt mykje godt av det.

Så mykje vart det av to kilo.

Den er heilt mørk på farge, nesten svart som navnet på buska er Svartsurbær.

¤

Vi har eit heilt fantastisk haustver her. Litt kjølig om netene men det har ikkje vore frost enda.

Hagen har fortsatt ein god del bløming å by på enda. Eg brukar kameraet flittig men eg er på etterskudd med blogginga. Kjem meg liksom ikkje til, har så mykje på gang : ). Så det blir nok fleire innlegg etterkvart både om hage, turar i fjellet og skogen, og ikkje minst om mine hobbyar.

Slik var utsikta mi rett før sola gjekk ned no.

Ha ein fin og trivelig haust kveld alle som kikar innom meg.

Frå MarJE.

VI KASTAR LOSS OG SETT KURSEN TIL SJØS......

......vil du vere med så kom ombord :)

Den dagen ferien var over kom det nokre fine sommardagar her på Sunnmøre. Sjølv om eg jobbar nattes tider, kunne ikkje finversdagane brukast til soving. Her gjeld det å benytte seg av kvar stråle ein kan få.

Vi var fleire turar denne godvers veka og her kjem ein av dei.

Vi set kursen ut fjorden.

Rett ut for havna ser vi desse fjelltoppane som eg har vist på bloggen mange gongar før.

Midt på biletet Vallahornet 830 m. o. h. i front og bak Saudehornet 1303 m. o. h.

Midt i biletet Melshornet.

Fremste toppen er Hagekamben, i midten Lågehornet og bak Heidskredhornet.

Mellom fjella i dalen går Skorgedalen.

Her rundar vi Lianeset og når vi ser fram og opp.......

..............ser vi Liadalsnipa 924 m. o. h.

Liadalsnipa i bakgrunnen og Raudøya t.h.

På Raudøyholmen som ligg like ved Raudøya går villsauene å beitar.

Vår flotte fjellheim.

Eiksundbrua som går frå Eiksund til Eika og vidare derifrå er det undersjøisk tunell     " Eiksundtunellen " 287 meter under havet. Dette sambandet vart opna i 2008.

No er vi komne på andre sida av brua og fer vidare.....

......vi ankra opp i Langevågen som er ei lita vik på øya Eika.

Frå båten hadde vi denne utsikta.

Vi kosa oss heile dagen med forskjellige aktivitetar. Bading, fridykking med fangst av kamskjell, fisking, strikking og soling :))

Herlige late dagar i frisk luft......berre å nyte roa og lytte etter lydane av fuglekvitter og bølgeskvulp.

Der var jammen den dagen over......

......på veg inn havneløpet.

Nesten komne heilt inn til havneplassen vår.

Takk for turen folkens....dette var ein strålande dag.

Skipsklem frå MarJE.