STRIKKA BARNESMEKKER

Helgas produksjon......seks smekker vart det.

Greit med enkle småplagg inn i mellom som liksom går av seg sjølv.

Men veldig kjekke å ha for dei små når det kleiar for tennene og veldig mykje vått renn ut av munnen.

To forskjellige mønster har eg brukt og så har eg variert litt på dei også.

Desse fire er strikka av Drops baby merino. Heilt nydeleg mjukt garn til dei små. Kløfritt og når det blir vått kjennest det ikkje ekkelt ut fordi det er ull.

Skal eg anbefale så vil eg velge å strikke i god mjuk ull. Dei held mykje bedre på fasongen også.

Eg er litt sånn at eg forandra litt på mønstrene slik eg trur eller ser kan bli ein meir nyttig fasong.

Denne gongen følgde eg oppskrifta til punkt og prikke på eit av kvar modell.

Det øverste grøne  og det mørkaste rosa. Men på det rosa brukte eg pinnar nr.3,5 i staden for 4 p. g. a  at dette garnet er nok tynnare enn bomullsgarnet som var oppgitt. Og derfor forlenga eg litt reimane slik at det ikkje vart for stramt rundt halsen.

På det grøne er alt strikka og så er kasta midt framme opne. Det rosa har eg vridd kasta slik at det ikkje blir hol og så har eg hekla kanten rundt. Smak og behag. Har strikka mange av desse før og eg vrir alltid kasta for vitsen er at det er tett.

Heklakanten har eg hekla slik : 1 fm. hopp over 2 m. 2 st. + 2 lm. + 2 st. i neste m. hopp over 2 m. Eg tell ut slik at eg får spissen på ein rapport midt framme.

Mønstra har eg funne HER.

Som sagt så strikka eg det rosa som orginalen.

Det grøne la eg opp mindre maskar og auka til det antalet som står i mønstra. Det blir spissare, skråkanten i sida blir lenger. 

Alt etter bruksområdet. Skal ein bruke det til etesmikke er det nok lurast å ha det størst mulig.

Broderte litt pynt på.

Same smekkene her men strikka i Drops cotton light. Sjølv om det er ein tjukkare tråd brukte eg pinne nr.3,5 ellers vart det for laust.

Desse har eg lagt enda mindre opp på slik at dei er enda spissare.

Mønster finn du HER.

Fekk besøk av vesla og då prøvde ho desse siste her. Har ikkje strikka dei før så eg var spent på fasongen. Dei var heilt perfekte. Sat fint rundt halsen.

Så denne oppskrifta kan eg anbefale.

Litt kvardagsglede.

Eg skulle passe vesle Ella medan mammaen skulle eit ærend.

Sjå kva eg fekk.

Ei fin raud potterose.

Den skal eg ta godt vare på.

Når det blir varmare tider skal den få pryde hagen.

¤

No skal eg stikke hovudet under baderomsinreidninga.........sprø ?

Nei...berre hagegal og frøgal. Eg har tatt laust i føboksa og dei raskaste spirte etter 1 1/2 dag.

Fantastisk.

Koselig med alle som ser innom meg her på bloggen og takk for fine ord.

God veke til alle.

Klem MarJE.

SELBUVOTTAR TIL DEI MINSTE.

Dei to minste i slekta fekk kvar sin pakke til jul med selbuvottar, smekker og ball.

Guten som eg er gamletante til er eit 1/2 år og jenta som er barnebarnet mitt er 1 år.

Til utgangspunkt for mønster brukte eg DENNE som er til baby. La opp meir maskar og laga litt meir mønster.

På vottane til 1 åringen laga eg også tommel.

Brukte baby ull. Blir gode å varme når det er mønsterstrikk heile vegen.

Eg forstørra 8 bladrosa og laga meir mønster nede i midten og øverst.

Til gutevottane brukte eg baby ull og melert fabel frå Drops design til mønsteret.

Her ser du at mønsteret er litt mindre.

Håper dei små hendene likar vottane og held seg varme.

Kjekke å strikke, men eg skal innrømme at små tomlar med så tynt garn var eit aldri så lite pirkeri :)

MarJE

LISJEMORS KJOLE I BESTA`S BLOME ENG.

" Lillesøsterkjole " mønster av Tora Frøseth.

Juhu.....endeleg opplett slik at eg fekk ta litt bilete ute av sommarens handarbeid.

Har liggandes litt ferdig som kjem på bloggen etter kvart.

Tråden til denne kjolen kjøpte eg til eit strikkeprosjekt til mammaen til barnebarnet vårt. Den vart ikkje brukt den gongen så no kom den til nytte i denne kjolen.

Det er Gjestal bommul sport og den var litt tjukkare enn den i mønstra så den første eg strikka måtte rekkast oppigjen. Den vart skulejente størrelse. Så 3 månader vart ca 1 1/2 år slik som eg skulle ha den.

Når tråden var gamal passa det å bruke knappar som eg har tatt frå kle som er kassert.
To sølvknappar kvikka litt opp.
Kjolen er strikka frå halsen og nedover og avslutta med ein hekla kant av fastmaskar rundt halsopninga.

Her heng kjolen på buen av treverk og rusta armeringsjern.

Her fekk eg bruke dei merkelappane som eg synest var litt i lengste laget når eg fekk dei. Passa no når plagga har blitt litt større.

Kjolen vaiar i vinden og lukta av erteblomane øverst her er berusande god.

Dette er ein enkel og rask kjole å strikke også for dei som er i startfasen med pinnane.
Mønster finn du her gratis.

God kveld til alle som ser innom bloggen min.
Frå MarJE.

LEGGVARMARAR OG LESTAR TIL BABY

Her kom det eit ønskje om leggvarmarar til vesle Ella som nærmar seg tre månader.

Eg undervurderar visst størrelsen på små damer. Så eg strikka ferdig to par leggvarmarar som var alt for små. Det var berre å rekke opp igjen og strikke nye i større format.

Det lyse paret er strikka i babyull og det rosa i Alpa.

Lestane vart strikka i litt av kvar garntype så passar dei til begge para. Her har eg ikkje brukt mønster, strikkar etter hovudet.

På babyullgarnet brukte eg pinnar nr. 3 og la opp 50 maskar.

Mønstra går ut på 10 maskar.

Til pynt hekla eg ein liten blome.

Alpa garnet er tjukkare så det brukte eg pinnar nr. 4 og la opp 40 maskar.

Til pynt hekla eg ei remse og knytte til sløyfe.

Eg har gått ut ifrå DENNE mønstra.

¤ ¤ ¤

Tusen, tusen takk for alle gode ord som dåkke gir meg her på bloggen !!!

Nye følgarar er komne til også.....Hjartelig velkomne, kjekt at dåkke vil sjå kva eg styrer med.

Ha ein lun kveld , her er det kaldt men det er ute : )

HEKLA OG STRIKKA BABYTØFLER.

Har laga nokre par tøfler til små damer.

Inspirasjon frå ein blogg, frå Drops design og mønster frå Familien.

Denne mønstra fann eg i Familien nr. 1 - 2012. 

Eg brukte bomullsgarn Tuva og heklenål 3, 5. Desse måtte eg lage litt større enn i oppskrifta.

Oppskrifta eg tok utgangspunkt ifrå fann eg på bloggen Hjerte GO`H Design.

Måtte forstørre denne også, då dei første eg strikka var for små.

Brukte baby ull og Drops Fabel melert på pinnar nr.3.

Eg strikka den rundt på strømpepinnar. Då slepp eg saum midt bak.

Så strikka eg ein rett og ein vrang på heile skaftet. Har brukt to fargar og strikka inn nokre omgangar til reim og kontrastfarge rundt om og til sålen slik at det skal sjå ut som tøfler / sko.

Til slutt sette eg på knappar.

Veldig enkel og rask å strikke.

Har fått gode tilbakemeldingar på desse. Dei sit godt på foten.

Mønster frå Drops Design. 

Strikka i Drops Fabel melert på pinne nr.3 og heklekant med baby ull.

Når ein strikkar så små plagg med melert garn kan det hende at det kjem eit langt parti med t..d rosa som på denne farge eg har brukt. Då kan det bli at eine tøfla blir berre rosa medan den andre kan bli i mange fargar. Det eg har gjort då er å klippe vekk ein del av det rosa for å få litt av kvart i begge tøflene. Det eine paret med knapp passa det seg slik at dei vart stort sett rosa og lilla begge to, men under er den eine meir farga. Vart litt artig det synest eg.

¤ ¤ ¤

Kor kjekt med alle besøk og koselige tilbakemeldingar dåkke gir....tusen takk!!!

Veldig inspirerande.

Nye medlemmar har også kome til......Hjartelig velkomne. Kjekt at dåkke vil følge meg.

Ha ein trivelig dag og nyt vårlyset.

Klem frå MarJE.

SELBUVOTTAR TIL BABY.

Veslejenta trengde vottar så ikkje dei små fingrane skulle fryse.

Mora ønskte selbuvottar. 

Mønster er det mange av på nettet så eg har brukt ei av desse.

Strikka dei av lys babyull og til mønsteret brukte eg  melert Fabel frå Drops. 

Strikka dei på pinnar nr. 2 ,5.

Blir litt annleis når ein brukar melert garn til mønsteret. 

Snertne og raske å strikke.

Her ser du både tråden og dei gode hendene som skal bruke vottane.

Visst du har lyst å strikke dei finn du ei av mønstrene HER.

¤ ¤ ¤

Snart vekeslutt igjen. Dagane går like fort kvar veke.

Har fått nokre frø i jorda også denne veka. Dei skal eg kome tilbake til.

Eg må få lov igjen å sei TUSEN, TUSEN takk for alle fantastiske besøk og gode, fine ord som vert lagde igjen her hjå meg. Ufattelig kjekt.

Velkomne til nye følgarar....koselig at dåkke vil sjå kva eg sysslar med.

God Torsdags kveld, frå MarJE.

STRIKKA DÅPSKJOLE.

Denne kjolen var det eg viste til mi mor for ei tid tilbake sida med eit innlegg her på helgegleder.

Ho bur som sagt tidligare på sjukeheim og har alzheimer, men hadde stor glede av å studere dette strikket. Visst du har lyst kan du sjå det innlegget HER.

No er dåpskjolen ferdigstrikka og klar til bruk.

Eit plagg som er meininga kan brukast av den som ønskjer det i familien.

Slik vart den sjåandes ut ferdig. Det er hua som heng på toppen.

Litt av borda som er nede.

Rundt alle kantar er det hekla ein omgang med picot og blomane er også hekla.

Som avslutting på holmønsteret er det knutar ( viste ikkje så godt på biletet ) .

Sløyfa framme har eg sydd til i fasong. Synest den blir finare i fasong enn når den er knytt.

Knappane bak i splitten har små sølvstriper. Kjolen er fora og på det har eg brodert navn og dåpsdato.

På eit slikt plagg får ein prøve ut fleire sider av handarbeidkunsten. Strikking, hekling, montering, sying av for og brodering. Må innrømme at ikkje alt er like topp men i mine tidligare dager var eg flittig med alle desse kreativitetane. Så når eg leitar i husken formar det seg etterkvart : )

Hua.

Oppskrifta fann eg i ei bok som heiter Små kreasjoner til baby og dukken av Anne Grethe Gaaserud.

Veit ikkje om eg kan anbefale den fordi diagrammet var heit feil forklart. Men når ein har strikka litt ser ein av biletet korleis det skal vær.

Tråden eg brukte var den som var anbefalt og det var Pandora 100 % pima bomull.

¤ ¤ ¤

Eg MÅ få sei det igjen...til dåkke der ute som kjem inn til meg på besøk å les og til dåkke som også tek dåkke tid til å legge igjen varmande gode ord. Eg blir så umåtelig glad og inspirert av det.

Så tusen hjartelig takk til alle saman.

Ser også at det har kome fleire nye følgarar....kjempekjekt og like hjartelig velkomne til dåkke.

¤ ¤ ¤

Ha gode fine dagar framover. Det blir lysare og lysare for kvar dag, og med lyset kjem også energien til å finne på enda meir kreativitet.

Varm klem frå MarJE.

DEN FINASTE ROSA.........

.......kan ikkje måle seg med det vi har opplevd denne jula.

Vi har blitt besteforeldere til ei flott lita jente. Vårt første barnebarn og det er det første på begge sider.
Så vi er jublande glade alle saman.

Tova tøfler som besta har strikka til vesle jenta.

Med fire nybakte besteforeldere og 4 onklar er det vel stor fare for at vesle jenta får det akkurat som ho ønskjer. Slik skal  det være for oss.

Eg vil ønskje den vesle hjartelig velkoma til bestemorhuset,
 når ho vil, visst ho vil og aller helst heile tida.

Vi gled oss til å bli  kjende.

¤ ¤ ¤

No er snart eit innholdsrikt år over og med det vil eg takke for all oppmerksomheit her på bloggen min.
Det er overveldande å få slik god respons på innlegga og kjekt at dåkke tek bryet med å svare når eg stiller spørsmål. Det er det som gjer blogginga så trivelig og inspirerande.
Tusen takk alle saman.

Må nok også innrømme at eg har gått over mine breddegrader med å dele om meir nære ting, slikt som eg har vore veldig restriktiv til tidligare med mine born. No er det nesten dei som må stoppe meg  :D
Men slik har det blitt fordi det er så mange kjekke bloggvenner rundt omkring.

Med dette vil eg takke alle bloggvenner og alle lesarar for eit kjekt, inspirerande og innholdsrikt år.

GODT NYTT ÅR !

På gjenhøyr alle saman.

Stor varm bestemorKLEM
frå

MarJE.

HENTESETT TIL BABY

No er hentesettet som eg strikka i Drops Alpaca ferdig.....

Det er strikka i str. 0 - 3 mnd.

Mønstra fann eg på Drops Design og den kan du sjå HER.

Av og til har ein litt flaks og det hadde eg denne gongen. Etter at eg var godt i gang med dette settet oppdaga eg at babyteppet eg har strikka frå før høyrer til  : ) ) Det var jammen supert. Det kan du sjå HER visst du vil.

Hekla snorene til sokkane og hua av dobbel tråd og lagde små duskar i endane.

Rundt kragen, framme på armane og på hua rundt oppbrettkanten + ein kant lenger bak slik at den fekk kyse fasong. Hekla litt annleis enn kantane i mønstra.

Då er settet vaska og klar til bruk : ) )

¤ ¤ ¤

Til alle kjekke, koselige besøkande - TUSEN takk for alle besøk og gode ord som vert lagde igjen.

Ha ein god varm kveld alle saman.

KLEM frå MarJE.

KØYREPOSE TIL BABY.

Her går det i strikk til småfolk for tida.

No er køyreposen klar til bruk. Det går så ufattelig tregt med meg når det skal monterast. Vert lagt ned i korga ( trur visst at korga har begynt med monteringsarbeid. Men når eg kika ned i låg den der slik eg hadde lagt den frå meg, merkelig.... ), og så startar eg på nytt prosjekt i staden før. Er snart ferdig med eit sett til, så no måtte eg få ferdig posen før neste prosjekt skal monterast.

Har strikka den etter mønster frå Drops Design den finn du HER.

På mønstra er den open nederst med knappe lukking. Eg har den tett. 

Holet er til bilbelte.

Detaljar.

Den er strikka i Drops Merino Ekstra Fine 100 % Merino ull. Ein mjuk og deilig tråd. Eg strikka den litt stor str. 6 - 9 mnd.

Sydde på søte knappar av tred.

Detaljar av flettene, bilbelteholet og hetta innvendig.

Måtte ut å ta bileta sjølv om det regna og er surt og grått.

¤ ¤ ¤ 

Tusen takk til alle som kikar innom meg. Det er så kjekt med alle dei koselige kommentarane.

Ha ein vidunderlig aften alle saman !

 Stor Klem frå meg.

BABYTEPPE I ALPACA.

No har eg endelig fått ferdig babyteppet.

Det som stod igjen var berre å feste trådane. Det vart lagt til side medan eg starta eit nytt prosjekt og då er det lett for at det vert liggandes ei stund. No er det i vert fall gjort og ein vask har det fått.

Dette teppet er laga med mjukt varmt sinn......vi er så heldige at vi snart skal bli besteforeldre for første gong ( i juletider ). Då må vi selvfølgelig forberede og gjere oss klar til den oppgåva  : )

Her heng det og luftar seg i det fri.

Detaljar.

Eg har strikka det i Drops Alpaca og brukt denne oppskrifta.

Fleire detaljar.

Som Dykk ser er himmelen blå!!!! Det har vore ein strålande dag.

¤ ¤ ¤

Tusen, tusen takk for fine tilbakemeldingar på mitt forrige innlegg.

Ønskjer alle gode haust dagar vidare.

KLEM : )