PAVLOVAKAKE MED OPPSKRIFT.

Siste tida har det vore mange dagar å feire og på ei veke ikkje mindre enn fire her i familien.

Det har blitt i meste laget med kakeeting, så no framover må mosjonering prioriterast :)

Sistemann ut var minstemann som stod konfirmant i år. Han fylte 15 år og ville gjerne ha yndlingskaka Pavlova med mykje bær og frukt på.

Ei veldig enkel og rask kake å lage så eg har lyst å dele her på bloggen.

6 eggekvitar

3 dl. sukker

3 dl. melis  

  2 ts potetmjøl

       2 ts vaniljesukker

        Litt hakka mandlar.

Pisk eggekvitane stive. Tilsett sukker og pisk godt. Tilsett melis og pisk litt til. Rør inn potetmjøl og vaniljesukker.

Bre marengsen utover bakeplata til passe størrelse. Den blir bra stor. Eg passar den til eit avlangt firkanta stort fat som eg har.

Dryss over hakka mandlar.

Steik til lys gyllen i fargen ca. 1 - 1 1/2 time ved 140 grader ( dette varierer frå ovn til ovn, eg brukar 130 grader ) litt nedom midten i ovnen. Litt før den er heilt ferdig slår eg av ovnen og let den stå inni til ovnen er kald. Då held den seg like høg og fin overalt. 

Denne botnen kan steikast mange dagar før den skal brukast. Er berre å pakke den inn.

¤ 

Heimelaga vaniljekrem.

Like enkel å laga denne også.

5 dl. mjølk

   1 vaniljestang

6 eggeblommar ( dei som er igjen frå kakebotnen )

100 gr. sukker

2 ss. maisennamjøl

Kok opp mjølk med splitta vaniljestang i. Avkjøl.

Visp saman eggeplommar, sukker og maisennamjøl. Slå den avkjølte mjølka over eggeplommane og visp heile tida.

Sil blandinga tilbake i panna , varm opp under omrøring til kokepunktet og avkjøl.

Visp ein pakke kremfløte med litt sukker i og bland med vaniljekremen.

Eg brukar å ha på kremen om morgonen same dag som kaka skal brukast. Då blir den litt trekt og er passe crispy. Men dette er selvfølgelig smak og behag korleis ein ønskjer den.

¤ 

Rett før servering har eg oppå frukt og bær.

Det er alt ettersom kva som er ønskt. Her brukte eg kiwi, grøne og raude druer, jordbær og blåbær.

Her i huset er det ønskje om veldig mykje frukt på ca. 1 1/2 kilo brukte eg på denne.

Velbekome :) 

Denne vil eg dele på Helgegleder hjå Vivishagerom og litt til.....

Ha ein god og fin Laurdagskveld, frå MarJE.

VÅRTEIKN # 4 OG HELGEGLEDER # 21 I SVINGEN.

Her i Møre og Romsdal og ved rota av Sunnmørsalpane er det lite som minner om vår akkurat no.

Siste to dagane har det kome ein heil del snøv igjen.

Tidligare denne veka var det skikkelig vårlig. Det førte til nedvask av drivhuset og fristelsen var så stor at ein god del plantar fekk flytte inn.

Gjekk fint første natta, men så vart det 7 minus og eg har ikkje varme på. Gjett kva som skjedde ?? Det er slikt ein gjer visst ein vil kvitte seg med plantar. Det hadde ikkje eg tenkt, men slik blei det. 

Fuksiane fraus og store oppstamma Margarittar som eg har sådd for fleire år sida fraus også.

Staudene er like fine, dei tåler ein støyt.

Spor etter meg i snøven i dag.

Vårtein i drivhuset, Perleblome.

Frå bedet som eg viser kvar veke. I dag såg det slik ut......

.....og slik var det for ei veke sida. Det var visst meir vinter då likevel. 

Det var jammen bra og no vart eg i litt bedre humør.

¤

Når våren ikkje vil kome ute er det tid for vårforberedelsar inne.

Når sola skin gjennom vindauge er det forskjellig som viser seg i heimen, det er vel vårteikn det også : )

Så nedvask har vore ein våraktivitet her siste tida.

Her i huset skal vi ha konfirmasjon om ein månads tid. Veret som har vore i helga passa perfekt til å forberede litt. Så i dag har eg baka nokre kaker som med fordel er bedre etter frysing.

Kransekake, firkløverkake og sukkerbrød som skal bli marsipankake. Skulebollar og bollar som skal fortærast til kaffien i dag :))

Deilig å ha fått det gjort. Då kan eg ruske ute når snøven reiser.

¤

Eg må innrømme at humøret ikkje likar denne lange vinteren. Skikkelig nedtur når ein skal kose seg i drivhuset med frodige vekstar i staden for djupfryste.

Men heldigvis har eg mange småplantar inne som ikkje skal ut før faren for forfrysing er over.

No i skrivande stund skin sola og då er det god snøvsmelting......heldigvis.

Dette var om eg kan kalle det mine vårteikn 

som Elin med bloggen I hagen ved skauen utfordrar oss i å vise.....

...... og helgegleder hjå Vivishagerom og litt til.

Klikk på bileta for å delta eller sjå andre sine vårteikn og helgegleder.

¤

No håper eg at om ei veke har det løyst seg vermessig og at våren er komen litt meir til syne.

Ha ein god og trivelig kveld til alle rundt omkring i landet vårt,

 og også til dåkke i det store utland.

Helsing MarJE.

FIRKLØVERKAKE MED OPPSKRIFT.

Litt av ei søt helgeglede frå meg.

Dette er ei kake som er veldig holdbar og den er best visst den blir laga eit par dagar før den skal serverast.

Eg brukar ofte å lage den i god tid å fryse den, då blir den veldig saftig og god.

Også kjekt å ha i frysaren visst ein skulle få overraskande gjestar : )

Her har eg laga den til dåpen for to veker sida.

FIRKLØVERKAKE .

200 gram knuste nøtter

200 gram melis

1 ts. bakepulver

1 ts. kveitemjøl

4 stivpiska eggekvitar.

Stivpisk eggekvitane og rør inn melisen. Dei andre ingrediensane vender du inn med slikkepotten.

Steikast i rund form 24 cm. på nederste rille ved 180 grade i 40 min.

FYLL.

4 eggeplommer

1 dl. sukker

1 ts. vaniljesukker

1 / 2 dl. mjølk ( knapt )

Bland saman alle ingrediensane og gi eit oppkok.

Ta fyllet av plata og rør inn 100 gr firkløversjokolade og pisk inn 90 gram meierismør.

Ha på fyllet når det har kolna litt og sett i kjøleskapet til det er heilt stivt.

Visst du vil kan den pyntast med krem rundt kantane o. l ,

 men p. g. a kremen blir den då ikkje så holdbar.

På kaka eg viser bilete av har eg brukt kvit sjokolade å spruta mønsteret ut på bakeparir.

 Når det stivnar er det berre å legge det på : )

Veldig enkel å lage og garantert smakfull !

¤ ¤ ¤

Ei søt HELGEGLEDE frå meg

 som eg har lyst å dele hjå Vivishagerom og litt til.

Gå inn HER så kan du kose deg vidare med andre sine helgegleder.

UUNNVÆRLIG JULETRADISJON.

Det blir ikkje jul uten middagsløfser.

Det er ein tradisjon mor mi hadde med seg frå heimstaden sin. Ho kjem i frå ei bygd i Sogn og Fjordane. Der er dette heilt vanlig. 

Det er det hjå oss også og uten desse løfsene vert ikkje pinnekjøt middagen slik den skal.

Nye medlemmar  som kjem til i slekta å får smaken på det, tek til seg tradisjonen med ein gong.

Prøvde meg eit år på eit forslag at vi kunne prøve uten, men då vart det streik. Så det var berre å hive seg på bakinga.

Er tenkt å demonstrere korleis vi gjer det.

Det er litt spesielt men nydelig godt.

 Her er bakeprosessen.

Når dei er ferdig steikte må dei bløytast, legast i lag og snu dei om ofte til dei er mjuke og kan rullast saman.

Frys dei ned i porsjonar.

Sidan eg ikkje har julemiddagen å demonstrere med brukar eg eit tørkepapir. Det skal forestille maten  : )

1. Vi legg alt som høyrer til middagen slik du ser papiret på biletet.

2. Brettar opp snippa og rullar det saman til ein rull.

3. I skåla er det ribbefett utblanda med krafta frå panna med dampamår.

Opp i der dyppar vi rullen og et den. For kvar bit dyppar vi på nytt.

NB!!! Kvar person har si eiga skål.

Det kan ikkje samanliknast med å ete maten på vanlig måte.

Dette er så mykje meir smakfullt .

For oss uunværlig.

¤ ¤ ¤

Løfsene vart baka ei helg tidlig i Desember, så med dette innlegget vil eg vere med på Vivis..... HELGEGLEDER.

Fleire helgegleder kan du sjå HER.

¤ ¤ ¤

Ønskjer alle ei god, lun og trivelig helg.

SNICKERS KULER.

I dag har det vore dagen med matlaging av ymse slag. 

Brød må ein ha sjølv om jula nermar seg. Julesurkålen er kokt og litt søtt til jule kaffien er kome i boks.

Har lyst å dele oppskrifta med Dykk på snickers kuler, ei herlig konfekt.

                                             1 boks peanutbutter

                                             2 dl lys sirup 

                                             1 dl. sukker

Smelt desse 3 ingrediensane i ei panne.

                                              10 dl. cornflakes

                                              1 dl. kokosmasse

                                              1 ts. vaniljesukker

Bland ingrediensane i den smelta massa.

2 plater lys kokesjokolade + ein klatt delfiafett smaltast i vannbad og kulene dyppast i.

Kulene skal vere så små at det er passe til å ha heile i munnen. 

Bruk ei teskei ( dypp den i vatn så det ikkje set seg fast ) å sett dei med på papirkledd plate.

Sett kaldt så dei får stivne før du dyppar dei i sjokolade.

I staden for å dyppe dei er det lettare å ha sjokoladen i ein plastpose. Klipp eit urlite hol og sprut på. Går mykje fortare og blir ikkje noko søl.

Oppbevar dei i tett boks på ein kjølig plass ( kjøleskapet er perfekt ).

¤ ¤ ¤

Så må eg få takke alle kjekke bloggarar for koselige besøk og for alle gledelige kommentarar som vert lagde igjen. Tusen, tusen takk.

Klem frå MarJE. 

  

HELGEGLEDER I MASSEVIS.

Fredag starta det med shopping. Ikkje det at det er så gledelig men det vart det denne gongen.

Skulle avgarde for å handle kle til mi gamle mor som bor på sjukeheimen.

Det er ein fast butikk det vert handla på til ho. Det er fine kle i god kvelitet og det er viktig at den eldre garde får opprettholde følelsen av å bli tatt vare på.  Møre konfeksjon heite den før i tida men no heiter den More Women ( litt reklame ). Før var dette ein butikk for litt over stadiet godt voksne damer. Men dei seinare åra er den forynga og har kle til damer i alle aldrar. Den har opphav 10 min. køyretur frå meg og det er utsalg over heile landet. Denne bedrifta brukar Anette Stai som modell (enda meir reklame ).

( guri....her er det litt av kvart )

Det eg egentlig skulle fortelle her var at eg datt i stavar når eg såg alt det flotte dei hadde og ikkje minst som eg kunne tenke meg sjølv. Det vart ikkje berre tenking....handla til meg sjøl også og er storfornøgd.

  Dette var det eg kjøpte meg.

Svart skjørt i ein fin strikka kvalitet. Viser dårlig på bildet men skjørtet i midten er i eit småruta stoff i svart og bruntonar. Dette er berre lekkert med svarte støvlettar til :)) Så ei tynn strikka jakke (fargane er ikkje heilt rette her ) Ikkje nok med det mykje i butikken var 1/2 pris. Dama bak disken sa dei brukar å ha Januar salget no. Det passa fint :)

¤ ¤ ¤

På veg heim ligg Plantasjen og jammen var bilen min så snill at den blinka seg inn og parkerte utafor. Når dørene opna seg stod der noko som aldri skulla stått der. Eg greide ikkje å gå forbi ( håper dei i heimen ikkje les dette innlegget ) Veit ikkje om eg tårer å skrive det for det berre datt 7 sortar i handlevogna mi og det passa ikkje i det heile tatt med alle dei minusgradene det har vore no. Hold deg for augene, blomsterløk på 70 %. Kva gjer eg ? Må plante dei i krukker og oppbevare dei i garasjen litt isolert. Eg er ikkje heilt klok.

Kan ikkje skrive meir om denne handledagen for det blir aaaaaalt for langt.

( hjelp, langt vert det visst likavel )

¤ ¤ ¤

Så kjem eg egentlig til det som eg ville vise. Laurdag vart det.

Har fått lys i treda  ved inngangen og laga til litt pynt.

Vart i mørkaste laget før eg vart ferdig så bileta er deretter.

Epla som eg hadde hatt i komposten var supre å bruke. Dei var rimfrosne. La dei under treet og i støype karet.

Mosehjerte med lerkekrans rundt og raude bær frå hekken ( heng på lykta ). Det er laga for ei stund sida. I støype karet mitt lagde eg to moseballar, la rimfrosne epler i, kongler, bær, litt grønt frå hagen og kvistar frå skogen.

Så vart det ei stjerne med kvistar frå hekken. Stjerna er laga frå blogg inspirasjon.

Slik ser den store krukka ut. Eit slags metall materiale er den av. Støype karet i nær studie.

Etter mørkrets frembrudd. Dette vart virkelig mørkt.

¤ ¤ ¤

Så dagens slutt.

Eit godt måltid. Lutafisk med potet, erterstuing med gulrotbitar i, bacon og grov sennep.

Nydelig for ganen.

¤ ¤ ¤

Dette var nokre av mine helgegleder. Fleire kan du sjå  HER hjå Vivis hagerom og litt til.....

Ha fortsatt ei trivelig helg og nyt adventstida.

Stor varm KLEM frå MarJE.

BLOGGINSPRIRASJON.

Det har vorte lite hagearbeid siste tida. I går var det fin vind så det fekk tørke opp litt. Eg var fast bestemt på at i dag skulle det bli litt hagesysslar. Neidå, slusene måtte openbare seg og no er det vått igjen. Men kanskje det vert i løpet av helga. Har ein del som må opp av jorda, men heldigvis har eg fått ned i det som skal.

¤ ¤ ¤

Då var det berre å finne på noko innadørs.

Litt matlaging måtte det bli og det er frå inspirasjon av Dykk i blogglandia.

Frukthausten har som sagt vore rik og epla ventar på å bli brukt. Er grense for kor mykje ein kan ete.... Noko eg ikkje har prøvt før måtte prøvast og det vart eplemos. Eg trudde liksom ikkje det var så supert, men etter denne dagen er eg overbevist. Nydelig godt..........

Lagde av 4 kg. epler. Dette er nok fint å bruke også til anna enn sylte på maten t.d. fyll i gjærbakst.

Brukte ei enkel oppskrift eg fann på nettet.

1 kg. eple

      1 1 /2 dl. vatn

   3 dl. sukker

Så kokte eg ilag med ei vaniljestang.

Vart veldig smakfullt.

¤

Måtte ha noko å ha eplemosen på .

Det måtte bli kveitebollar i dag.

Mi oppskrift :

2 pk. gjær

 12 dl mjølk

  300 gr. smør

    300 gr. sukker

               1 1/2 ts. kardemomme

                 ca. 1 1/2 kg. kveitemjøl

Det som eg synest er viktig for å få luftig bakst er at det ikkje vert tilsett for mykje mjøl før heving.

Deiga må vær ganske laus. Det er bedre å bruke litt mjøl til utbaking.

Steikast på ca. 220 gr. i ca.12-15 min. Det et er stor forskjel på ovnane så følg med.

¤ 

Det heng igjen ein del plommer på treda så då ville eg lage litt dissert.

Denne laga eg i går. Den er best når den har fått trekt over natta.

Har skreve i eit tidligare innlegg korleis denne vert til. Enkelt.

Kok opp sukkerlake, du kan tilsette krydder etter smak. Her har eg kokt i lag med vaniljestang. 

Ha oppi plommene og gi eit oppkok. La stå til neste dag for å trekke til seg smaken. Vanilestanga skal ligge ilag med.

Med krem på smakar det godt.

¤

Sida eg har vorte inspirert av alle her på bloggane, vil eg invitere Dykk på ein kopp kaffi og bolle med eplemost....

......velbekome!!!!!

¤

No ser det likevel ut som skylaget held på å sprekke opp, så då vert det nok gjort litt haging i løpet av helga. Det kan jammen trengast for bukselinningen kjennest ut som den har krympa......det kan umoglig ver for mykje av noko anna ! : )

Ha ei fantastisk helg alle saman !!!

TEBRIKS OG TEPPE.

No må eg tre i våtdrakt i tillegg til dykkermaske og snorkel så då fann eg ut at det er best å finne på noko kjekt inne i staden for å ergre seg på været. Det eg er mest bekymra for er alle plantene eg kjøpte for ei stund sida som absolutt skulla vore komne i jorda. Men, men vert vel etter kvart.....

Kva kan vel passe bedre enn noko å bite i ? : )
Innimellom husvak og klesvask vart det nysteikte tebriks. Ei enkel og grei oppskrift som eg har lyst å dele med Dykk.

Trur ikkje det er råd å misslykkast med denne oppskrifta her. Dei vert lette og luftig og er fine å fryse.
Her kjem grunnoppskrifta :

Etter som åra går og ein har prøvd seg fram med det meste, og vorte nokre erfaringar rikare er oppskriftene for meg veiledande : )

Slik som i denne er det brukt alt for mykje gjær. 1 pk.er nok, dobblar du kan du bruke 2 pk.

I staden for berre kv.mjøl  erstattar eg ein god del med grovt mjøl. Dette er selvfølgelig smak og behag. Og mjølk tek eg det eg har, skumma og lett mjølk går heilt fint. I dag hadde eg litt H-mjølk og spedde på med vatn.

Det eg synest er viktig med gjærdeiger for å få lett og luftig bakverk er at du ikkje må tilsette for mykje mjøl. Bedre at den er litt laus enn for fast. Då er det berre å tilsette meir mjøl ved utbaking.

Slik gjer du etter at deiga har heva.

Her ser du det. Midterste bilete er dei ferdig bretta.

Under heving og klar til steiking. Steikast i ca. 15 min. men dette er veiledande, så følg med.

Der var dei klare til å smake på : )

¤ ¤ ¤

No skal det verte deilig å krype under teppet og kose seg med noko kjekt å lese.

Dette teppet har eg strikka i superwash ullgarn med mønster frå Ravelry.

Har forandra litt på denne framgangsmåten også. I staden for å strikke den i remser slik mønstra seier, har eg strikka det i eit. Då slepp eg å montere det saman og det vert ingen synlige saumar..... 

......... la opp nokre få meir maskar mellom raportane der det er rillestrikk.

¤ ¤ ¤

Når alt anna var klart til helga måtte det selvfølgelig noko nytt i ei krukke. 

I dag vart det tre Saintpaulia.......

.........kvit med.......

..........blå krusete kant.

Krukka dei står i er i litt grov matrialet med roser rundt kanten....og den står på ei grå hardangerbrodert brikke.

Då er helga så nær den kan bli.

¤ ¤ ¤

Det er ikkje berre teppet mitt som luner og varmar, det gjer alle dei koselige kommentarane frå Dykk som besøkjer meg her også.

Så med det vil eg ønskje alle ein lun, varm og trivelig Fredagskveld.

UVER I ANMARSJ.....

Det er meldt skikkelig uver med sterk vind......håper at det ikkje vert så gale, men det ruskar godt rundt " nåvene " no.

Når eg høyrde vermeldingane var det berre å få på seg støvlane og ut for å berge inn det meste av det som kunne flakse rundt.

Når det var gjort såg eg at plommene hadde begynt å blåse ned.......fram med bøtta og plukke det som var mest modna. Plukka ei bøtte då striregna det slik at det var berre å kome seg i hus.

Noko MÅ gjerast med plommene......kva skulle eg lage? Ei kake......sylte......??????

Plommekake....har aldri laga det før. Brukte oppskrift til eplekake. Med krem attåt mmmm...

Her vart det sylte. Den er god til kakefyll også t.d i blautkake.

Det heng igjen mykje på treda. Er tenkt å fryse ned ein del i porsjonar som eg skal ha til dessert.

Til dei kokar eg opp sukkerlake med 1/2 - 1 splitta vaniljestang i alt etter som kor stor porsjonen er.  

Så slår eg plommene oppi gir dei eit oppkok, og dei får stå og trekke i denne laken over natta. Server med krem attåt. Enkelt og virkelig nydelig.

¤ ¤ ¤

Meir vart det ikkje i dag. Var ikkje råd å ta noko bilete ute slik som det regnar og røskar i treda.

¤ ¤ ¤

Då vil eg ønskje alle ei fortsatt solfyllt, vindfull, regnfull og fantastisk god veke.

¤ ¤ ¤

Eg må få sei det igjen. Eg er overvelda og glad for alle komentarane Dykk legg igjen. Noko 

så kjekt : ) Tusen takk.

Så ser eg også at eg har fått nye følgarar. Hjarteleg velkomne alle saman......koselig.  

HUSMOR GENENE SETTE INN....

Sida det var meldt regnver i dag bestemte eg meg for at husmor genene måtte ta i eit tak. Veret har vore upåklagelig bra det. Lyst overskya med god tempratur. Men det som er bestemt er bestemt. Det var berre å brette opp armane og starte.......
Sette brødeig, fylle opp vaskemaskina, stryke kle, støvsuge og vaske gulv, lage opp og steike brøda,  handle, lage middag og rydde opp.
Minstemann på 14 år (er berre han som bur igjen heime) ønskte seg spekesild til middag i dag. Det var eg ikkje sein med å konstatere at eg var svært nøgd med det valet. Ikkje ofte born vel slik kost.

Ekte husmannskost. Spekesild med potet, kålstuing, rå løk, rødbetar og flatbrød. 

Til kaffi . Jordbær med sjokoladetrekk mmmmmm........

Nysteikte brød : )

¤ ¤ ¤ ¤ ¤

Kva passar vel bedre enn å gå ut i hagen  og ta bilete av ei skjønnheit som eg kjøpte og fekk i jorda i går. Var på gartneri utsalet og skulle BERRE kjøpe meg ein Klematis. Med meg heim vart to Klematis, fire Roser og to Dagliljer : D . Dette MÅ ver mitt siste gartneri besøk i år, då eg ikkje greier å motstå alle fristelsane : )) 

Skjønnheita er " Astrid Lindgren", ikkje heilt utsprunga her på biletet. Den skulle ha alle dei trekka eg var ute etter. Hardfør, sterk mot sjukdom, blomstervillig og den har ein nydelig farge.

Vakker.......................... 

¤ ¤ ¤ ¤ ¤

Til alle som ser inn om til meg her. Ha ein praktfull ettermiddag : )

Ferie og selskap.

I dag er det første feriedagen og den skal nytast i lange drag. Tempraturen er berre 12 grader, regn og det er sjikkelig surt.
Herren i huset har "bursdag" så det måtte feirast. Etterkomarane kom på middag med påfølgande kaffi. Koselig stund : )

 Middagsbordet pynta med gammeldagse Roser som luktar nydelig. Kaffiserviset er arvegods over 50 år gamalt og like fint. Det er Porsgrund porselen.

Til kaffi var det Pavlova kake pynta med jordbær, bjørnebær, blåbær og kiwi. Jordbær med vanilje saus og sjokolade.

Så må eg ha med litt blomster frå hagen.

   Geranium koreanum (sjølvsådd).

Geranium phaeum (sjølvsådd).

Blodbeger sådd av frø frå Impecta. Alle fem frøda i pakken spirte : ).

Ha fortsatt ein fin aften.