Klar for påske og påskesnop?

Sol får vi meir og meir av, ...forhåpentlegvis. 

Snø har vi, kanskje får vi litt meir av det og.

Og så har vi fått på plass litt påskesnop!

Litt gult og kult, og iallefall søtt og godt!

Søte, små dropsboksar med kaninar på.

Og gode drops i fine posar!

Alt er på plass i det gode, gamle sjokoladeskapet, i den gode gamle kiosken vår!

Godis i skapet

I kiosken har vi eit gammalt sjokoladeskap.

Stikk vi nasen inni der kan vi fortsatt kjenne angen av fordums godteri.

Etter nokre år med litt andre oppgåver, har skapet endeleg fått att sin gamle jobb.

Ikkje så mykje sjokolade, men iallefall ymse anna godsaker.

Nostalgisk som seg hør og bør.

Godsaker med fin emballasje med motiv med troll og dyr.

Velkommen innom om det freistar med litt godis frå eit gamalt sjokoladeskap ;-)

Litt hage....

Likar igrunn å surre litt i hagen....

Og nokre nye prosjekt kvar sesong er ikkje til å unngå.

I år har det blitt grusgangar. Det var eit vinn-vinn prosjekt, der grastorva forsvann opp på taket på gapahuken. Eg likar igrunn godt slike prosjekt som på ein måte er to på ein gang.

Bedet under terrassen måtte sjølvsagt også utvidast, for vi kunne jo ikkje ha ei stripe med plen mellom grusgangen og bedet! Trur dette var ei stor forbedring som vi vil setje pris på. Dessutan blir inngangen til Nostalgi-kjellaren både betre og finare. Faktisk var vel dette prosjektet kanskje tre-fire prosjekt på ein gang. Iallefall er det avkryssa på to-do-lista ;-)

Urtehagen som vi så smått starta på for eit par år sidan har også blitt udvida og utvikla. Kan fastslå at dei fleste urtane frå i fjor har overlevd denne tortur-kalde vinteren. Det er bra på ca 430 moh.

Inspirert av Nina i Paradiset, fekk eg i fjor sommar på plass eit badekar ute i hagen. Må innrømme at det ikkje har vore brukt så veldig mykje. Men eg syns det er ganske koseleg, og kjekt å ha muligheit for eit karbad i det fri!

Ein gammal utslagsvask pyntar opp veggen på hønsehuset, og ein gammal benk som eg har "redda" har også fått plass i dette hjørnet av hagen.

Vi har stort sett hatt open kiosk med ymse innhald i sommar. Diplom-is og kaffi er ein slager. -Og i går forsvann jammen eitt av mine heimelaga lappe-sengetepper heilt til Tyskland. Litt artig det!

Syslar med tanken på eit interiør-innlegg i neste omgang.

Har vel skjedd eitt og anna på den fronten og ;-)

Har eg bu så har eg bu!

Eg har ein gammal bevaringsverdig kiosk. Kiosken var ein del av ein bensinstasjon som vart bygd tidleg på 60-talet. Den fungerer delvis som ein kiosk, litt drift om sommaren, og litt museum... for bygningen er ei av få i sitt slag som er att i landet, og litt gamle saker som hadde sin plass i kiosken, har fortsatt sin plass der. Og sjølvsagt har eg samla ein del bilder frå bensinstasjonen sin start og fram til no. Nokre av desse er komt på veggen.

Eg likar å putle på og lage litt saker og ting, sjølv om eg gjerne skulle hatt mykje meir tid og høve til det...

Men av og til kjem symaskina eller noko anna kreativt fram på bordet. Overskotet av produksjonen havnar inn i bua. Ein stad må det vere ;-).

Inspirert av diverse livsstilsbutikkar som eg har observert i denne bloggverden og på andre nettstader, har eg også fått på plass pittelitt varer i bua. Vel, litt varer har eg hatt lenge, men no er det litt i gave og interiør-leia.

Putene vart laga i fjor på denne tid....

Men her er litt av dei ikkje-heimelaga-varene. Litt i mi ånd er det... Produkta kjem frå Sagen Vintage Design, og ideen er å bruke motiv frå blant anna gamle postkort, samla av ein samlar....( og det kan eg vel kalle meg eg og.....)

Serviettar, kort og fyrstikkøskjer er det eg har fått på plass i bua, så langt. Kanskje finn eg noko anna spennande å putte inn der og etterkvart...

Men dei kan jo ikkje berre stå der til pynt, så om nokon treng ein liten presang til seg sjølv eller andre no i desse tider, er det berre å stikke innom ;-).




Desse rosene fekk eg i presang av meg sjølv før helga. I denne mørketida, og kalde tida, er det viktig med litt oppmuntrande blomster i stova. Og telys! Enten telys eller sydentur ;-)

Ha ei god natt! Skal prøve å komme tilbake om ikkje så lenge!

Bloggar om alt på ein gang....

Begrensar meg ikkje denne gangen, men bloggar om alt på ein gang! Har lasta opp altfor mange bilder også, så dei har plassert seg litt rart utover....

Tenkte eg først skulle vise litt frå kiosken. Den typiske 60-tals betongklossen. Her har eg fyllt inn ettterkvart som eg har sydd og produsert, og det ser snart ut som ein velfyllt butikk ;-).

Eg har også fyllt inn med litt lokalt produserte produkt, foreløpig Balholm frå Balestrand, men utover våren skal det inn litt andre produkt også, og så blir det vel litt utsalg til vegfarande i sommar tenkjer eg.

Ellers er det litt gamle nostalgiske saker frå tida bensinstasjonen var i drift. Kanner, oljeflasker, litt informasjonsskilt og ein del bilder frå kiosken si historie er hengt opp på veggane.

Kven er det som har laga alle desse hjerta, skal tru...? ;-)

Har lyst å vise denne muggen (trur ikkje eg har gjort det før...). Denne fekk eg av ein supersnill kollega, som hadde dumpa bort i den på eit loppemarked. Eg har nemleg heile servicet med dette mønsteret, men hadde ikkje mugge... Då dette kom for ein dag, var eg så heldig at eg rett og slett fekk heile muggen! Takk og takk! Eg jaktar stadig på delar som denne dama manglar til sine arvegods.

På ein av mine turar innom gjenbruk denne månaden oppdaga eg denne muggen. Eg syns det var noko veldig kjent med den.. men det plinga ikkje før eg var på støvtørkingsraid i min nostalgi-kjellar. Då oppdaga eg til alt overmål at eg hadde 3 skåler i same mønster. Muggen sto fortsatt i butikken neste gang eg var innom, og då vart det handel. Eg kan berre gremmest over den vesle terrinen som eg ikkje kjøpte tidlegare i haust, også i same mønster. Då plinga det nemleg ikkje. Og den er selvfølgeleg vekke no....

I kveld vart trappa opp til 2. etasje pynta. Girlander med lys og lysglas i trappa vart skikkeleg lunt og "julete". Litt grønsåpelukt kom det også ut av denne seansen.

Og kva skal dette bety? Jo, den utflytta kattungen er heime på juleferie. Og ein morgon eg kom ned hadde den leika litt hardt med ein orkidè... Det meste av blomster låg fint ved siden av... Det var berre å late som det var avskårne blomster og putte dei i vatn...

Snøen har omsider lagt seg såpass at mannen i huset (den eldste), kom seg avgårde for å prøve skia. På Gaularfjellet fann han denne utsikta.

Turboreven, som er maskoten til Barnas Turlag, kviler ofte her hos oss mellom turane sine med barna. Han fekk difor lov å vere med på denne turen. Eg trur han var lykkeleg for det!

Eit av dei siste sengeteppa eg har sydd i lyseblått, lilla og rosa-tema. Dette er pakka inn og blir å finne under eit juletre om nokre få dagar...

Badet i kjellaren held på å få sitt særpreg. Det er detaljane som tel heiter det.. Difor har eg fått sendt nedover to parfymeflasker frå Paradiset hage og interiør. Desse held nemleg stilen som badet skal få..

Ei lita trekvit hylle vart innhandla for kr 15,- på gjenbruksbutikken for nokre veker sidan. Denne har fått seg ein omgang eller to med malerkosten, og er havna på veggen på badet med diverse "stæsj" på.

No må natteravnen opp i senga. Det er nemleg eit poeng å komme på beina igjen før seinvakta i morgon! Ha ei god natt!

Kiosken

Kiosken

I 1963 (mest sansynleg) var denne kiosken bygd. Mine besteforeldre hadde då starta med bensinstasjon. "Siste fylling før fjellet" var rådet til dei forbifarande. Og det var det absolutt, kun eit par kilometer til med bebyggelse og fastbuande og så er du på Gaularfjellet. Denne bygningen er i typisk byggestil frå den tida. Betongklossar, enkle bygg, ein liknande bensinstasjon kan du sjå i Luster. Den er såvidt eg veit freda. Iallefall, vi syns den er verdt og ta vare på. I fjor hadde vi litt utsalg av kaffi, is, brus og Balholm (lokalt produsert eplesaft). I år hadde vi litt rehabilitering på gang, så det vart ikkje utsalg. Neste år håpar vi at vi kan opne døren litt att. Håpet er at vi kan presentere og selge ulike lokale produkt her. Hadde eg nådd over alt eg ville, så hadde det og vore mange sjølvlaga produkt her.



Dette er eit kjennemerke langs vegen. Ofte når eg treff folk og skal forklare kor eg bur, endar vi opp med denne kiosken som eit landemerke. Mange har minner til at her måtte vi "alltid" stoppe og kjøpe sjokolade td. Artig! På bildet over, som er tatt ca i 1980, vil eg tru, poserer nabojenta. For oss ungane var det flott med ein snopekiosk så nær. På sommaren innreda vi oss hytter både her og der, rett som det var, og då måtte vi ha hushald, då var det samling av pengar og innkjøp av 10-øres karameller. Då fekk vi mykje for pengane! Jøyemeg!

Dette bildet er tatt i sommar. Vi har støypt ny platning utanfor, vi har fått nye vindauge, ny dør på toaletten bak, og rehabilitering av heile toaletten. Det aller morsomaste er at eg har fått lagt nytt hyllepapir i hyllene inne, skal prøve å legge inn bilder av det seinare. Neste prosjekt er å få tetta taket på eit vis. Ikkje det at det lek, men eg trur heile bygningen har godt av at det kjem eit totalt vannavstøytande "toppdekke" på det. Hadde det berre slutta og regne no, slik at vi fekk det tørt nok til å gjere noko som helst....

På skiltet over døra står det campingproviant mm. Dette resulterte i at vi fekk campinggjester på bøen ei natt i sommar. Ein kar som hadde minne til at han hadde campa her for lenge sidan, tok seg ned på bøen då han ankom ei sein natt. Han hadde sett at det stod camping på skiltet. Det stemmer nok at han har campa her før. Besteforeldra mine opna alltid opp for campingturistar etter at slåtten var ferdig om somrane før. Både vi og dei fekk seg ein overraskelse når det lysna av dag...

Camping og stasjon

Turisme i stor målestokk! Når sommaren kom var det om å gjere å få graset fort i hus, så bøen kunne bli campingplass. Nokre kom att år etter år. Ei fin tid!

Bensinstasjon

I dei dagar...... då Gaularfjellet var ei hovedfartsåre var dette ikkje eit uvanleg syn. Rett som det var i høgsesongen kunne vi oppleve kø ved bensinpumpene. Bensinstasjonen kom på starten av 60-talet. Kiosken var bygd i 63. Dette biletet er truleg frå 70-talet?