Censo da poboación nidificante de mergullón cristado nas Areeiras da Limia.

O pasado día 17 de xullo de 2010 foi censada a poboación nidificante de mergullón cristado (Podiceps cristatus) asentada nas Areeiras da Limia (Sandiás), con tal fin foron visitadas todalas barreiras con posibilidades de acoller parellas desta especie, obténdose como resultado a confirmación de 23 parellas, todo un record para este espazo natural incluído dentro da ZEPA A Limia.

Algunhas das parellas observadas aínda se atopaban chocando ovos, autras transportaban ás costas polos de curta idade (costume habitual nos mergullóns), namentras que outras cebaban polos xa medrados. Tamén foron observados certos conflictos territoriais entre as parellas asentadas nas lagoas que acadan maiores densidades, esta defensa do territorio é acusada nas parellas que están aínda en período de incuvación, defendendo un perímetro de seguridade ao arredor do niño.

Os merguilletes cristados quentan motores para a crianza.

Xa están de volta os merguilletes cristados (Podiceps cristatus) coñecidos como galancia nalgunhas partes da Limia.

As areeiras da Limia acollen unha das poboacións reproductoras máis importantes de Galiza desta especie, sen embargo durante o inverno a maior parte da poboación abandona as areeiras para voltar na época reproductora que é a que agora nos ocupa.

Estes exemplares, 10 en total, foron localizados en varias das areeiras da Limia en Sandiás o día 20 de marzo de 2010.

Mergullón cristado no encoro de Castrelo de Miño.

O encoro de Castrelo de Miño acolle dende os anos 80 un certo número de mergullóns cristados (Podiceps cristatus) invernantes, ao igual que outros encoros da provincia, o pasado día 24 de xaneiro de 2010, foron localizados 5 exemplares neste encoro do río Miño, ao seu paso pola bisbarra do Ribeiro.

Mergullón pequeno en Ourense.

Exemplar de mergullón pequeno (Tachybaptus ruficollis) localizado no río Miño ao seu paso por Ourense o día 6 de xaneiro de 2010.

Os polos de mergullón cristado na Limia.

Este é o aspecto que, a día 13 de setembro de 2009, teñen os polos de mergullón cristado (Podiceps cristatus), que este ano nacerón nas areeiras da Limia en Sandiás, como pededes apreciar, o súa plumaxe é inconfundible.

Mergullón pequeno na Limia.

Nesta foto das areeiras da Limia en Sandiás o día 29 de agosto de 2009, podedes apreciar como os mergullóns pequenos (Tachybaptus ruficollis) nados este ano xa adquiriron a plumaxe de 1º inverno que manterán ata a próxima primavera, na que xa terán a plumaxe nupcial.

Mergullón pequeno na Limia

O mergullón pequeno (Tachybaptus ruficollis) é o podicipediforme máis frecuente da provincia, e a Limia conta cunha das poboacións nidificantes máis importantes de Galicia, o día 23 de agosto locolazouse unha concentración duns 20-30 exemplares desta especie nunha das areeiras da Limia en Sandiás, feito habitual nesta época do ano.

Mergullón cristado na Limia

O mergullón cristado (Podiceps cristatus) instalouse como nidificante na provincia a finais dos anos 80 do pasado século, con posterioridade comezou a criar na Limia, onde hoxe en día é unha especie frecuente.

Estas fotografias, optidas o día 9 de agosto de 2009 nas areeiras da Limia en Sandiás, nelas podedes ver a diferencia de plumaxe dos polos, cun raiado que recorda os xabatos, e os adultos, de cabeza adornada de vermello.