Delikat bakebok

Til påske kom denne flotte og delikate boka frå Hobbyklubben. 

"Bakeland" av Marit Hovland har nydelege bilder frå naturen,

og kakene er designa etter det. 

Altså heilt i mi gate.

Til meir eg bladde i boka, til meir begeistra blei eg. 

Så var det rett ut for å ta nokre bilder.

Ein vedkubbe passa for å halde sidene på plass. 

Lakrismakroner med bringebærfyll. Berre namnet gir vatn i munnen.

Og no gleder eg meg allereie til jul, 

Då blir det pepperkakekongler! SÅ fine!

Sjå på desse flotte kjeks-vedkubbane! 

Boka er veldig innhaldsrik, så dette var berre ein liten smakebit ;-)

Men kanskje stor nok for å friste :-)

Saman med boka kom denne artige kortstokken. 

Jammen er det kjekt å vere hobbyambassadør.

Bok, mønster til hals og premie

Denne flotte votteboka kom frå Hobbyklubben i går, 

og der er mønstre på heile

40 ulike vottar frå heile landet. 

I tillegg får du historia bak kvart vottepar,

og gode strikketips på kjøpet.

HER kan du lese meir og bla litt i boka. 

Mange fristande vottar her altså!

Og så var eg så heldig å få denne 

deilige halsen i merinoull frå Birgitte. 

Sjekk dei flotte knappane då.

Om du har lyst å strikke ein slik, 

så finn du gratis mønster på Gro hals HER. 

Eg har hatt vinnarlykke også. 

Eit gåvekort på 200 kr frå Woolspire var premie

på bloggen Lisbeths Verden. 

Ta turen då vel! Masse fine strikkerier.

Den siste tida har det vore god bruk for både

vottar, hals, og garn.

Snøen har lava ned. 

Nettet rundt ballbingen er reine kunstverket

på nært hald. 

HÅP om eit godt 2016 og litt oppsummering frå 2015

Det er første dag i 2016. Eit år med ein ekstra dag til oss.

Eit år eg håper skal bli betre enn året som har gått for mange. 

HÅP må ein alltid ha med seg.

I dag fyller bloggen min 4 år. 

Eg føler at det har skjedd mindre enn vanleg her inne dette året, 

men når eg blar meg bakover, var det faktisk meir enn eg trudde. 

Derfor fekk eg lyst å linke tilbake til nokre av innlegga. 

Bildet over her er ein del av ei bryllupsgåve.

HER er resten av det eg laga til brudeparet.

Bursdagsgåve til min jazzonkel kan du sjå HER.

No treng han dei beste ønskjer om god betring, 

etter ein lang og vond sjukeperiode.

Og så håper eg at doktor Nesehorn fekk 

dei 8 små sjiraffane friske igjen.

HER er det innlegget.

 Ugleopphenga blei populære, og eg har nokre bestillingar 

som eg skal gjere ferdig snart.

Nokre fleire ugler kan du sjå i DETTE innlegget.

Ei triveleg hending i 2015, var at eg blei plukka ut til å vere hobbyambassadør. 

I romjula kom denne koselege pinnemålaren saman med boka 

"Lun strikk til hele familien" fra Cappelen forlag.

HER kan du sjå første innlegget eg hadde om Hobbyklubben.

Dette har vore eit godt og inspirerande samarbeid for meg, 

som gjer at eg no har mange idéar til nye prosjekt i 2016.

 Bordet er her dekka til siste middag i 2015. 

No ser eg fram til mykje godt i 2016. 

HÅP om det beste for alle eg kjenner, 

og til deg som kjem hit på bloggbesøk. 

HÅP også til alle dei som opplever vonde ting i inn og utland. 

Måtte 2016 gi alle fred, mat og husrom.

Førjulstid

Den siste boka eg har fått som hobbyambassadør, er Førjulstid av Tone Merete Stenkløv og Miriam Nilsen Morken. Framsidebildet er akkurat i mi gate, og sidan eg er så betatt av pinnar og kvistar, såg eg veldig fram til at boka skulle lande i postkassa.
No var det ikkje så mykje kvistar inni boka, men veldig mange fine og koselege ting og gode idéar over 169 sider, så eg blei i alle fall ikkje skuffa.
Denne boka skal få følgje meg gjennom 2016 og inspirere meg fram til neste jul. På sida til Hobbyklubben går det an å bla i boka for å få eit inntrykk. Anbefalast!

Kvistar og natur var også med meg på Rådhusmessa i Molde.

Ugleopphenga er årets idé, 

og konglekransane laga eg for første gong i fjor.  

No er eg spent på kva idé eg får neste år.

Ingen blir like når naturen styrer.

Kvistenglane var ein idé som dukka opp då eg jobba med Naturprosjektet mitt i 2012/2013, 

Alle får si personlegheit her også.

I denne førjulstid så blir det litt pynting og dilling. Men kvar skal ein gjere av ting, når adventspynten tek over? Bjørkekransen med roser og husbjelle heng på ytterdøra til vanleg, men måtte vike for lyskransen. Men så prøvde eg å henge den utanpå det hekla hjertet på døra til badet. Til saman blei dei no riktig bra, så då blei det eit lagringsproblem mindre;)

Ugler i posen og Hobbyklubben

I haust har Molde Quiltelag hatt ei ny utfordring. 

No fekk vi ein stoffbit som måtte brukast til minst ein blomst, og ellers stod vi fritt.

Med meg blei det ein pose med ugler på.

Og sidan eg er glad i å skrive fritt med symaskina,

måtte det bli "Ugler i posen". Både pose og motiv er eige design.

På baksida blei det større blomster av stoffet, 

og skyggequilting rundt for å få posen stødigare.

Resten av stoffbiten blei løpegang.

Og forstoffet er sjølvsagt med ugler, for det er jo ugler i posen.

I eit tidlegare innlegg fortalde eg at eg hadde blitt valgt ut til å vere Hobbyambassadør

for Hobbyklubben. Det er så kjekt;)

Ein ny bokpakke kom dalande i postkassa. Og her var bl.a. ein vekeplanleggar.

Det er ulike teikningar på kvar side, og dei er klare til å fargeleggast om ein vil det.

For meg er det inspirerande berre å bla i sidene. Når det i tillegg er felt å notere i for kvar dag, 

men utan datoar, så har den eit større bruksområde. Perfekt for meg.

I bokpakken var det også julekort, to filtpennar og ei flott bok med sjarmerande motiv.

Alt klart til fargelegging.

Ingen blir vel overraska over at alt er av Fam Irvoll. 

Herlege strek. 

Besøk Hobbyklubben og bli inspirert du også! 

No gleder eg meg stort til neste bok, som heiter Førjulstid, og ser ut til å vere 

midt i blinken for meg med kvistar, greiner og heimlaga pynt..

Hobbyklubben

Her om dagen låg det ei pakke på trappa då eg kom heim frå jobb. 

Kjekt med serviceinnstilt landpostbud som leverer på døra;)

Inni pakken var det ei kjempestilig veske, 

og det første eg tenkte på var at den var perfekt til skjerfet mitt!

Blad og haustfargar er jo meg.

Pakken var frå bokklubben Hobbyklubben, og her er eit utdrag frå brevet. 

Og ja, det var skikkeleg overraskande og gledeleg! 

Eg har vore medlem i Hobbyklubben i mange år. Dei utviklar seg i takt med tida og har bøker og utstyr for dei fleste hobbyinteresser.

I eit medlemsblad såg eg at dei ville kome i kontakt med og samarbeide med nokon som bloggar om sine hobbyar. Då sendte eg inn ein søknad og presentasjon om meg sjølv og bloggen min. 

Og så var eg blant dei heldige som får vere Hobbyambassadør;) 

Til meir eg kikka i veska, til meir overraska blei eg. 

Der var ei moderne fargeleggingsbok og to etui i same stil som veska.

Og ikkje nok med det, for etuia var ikkje tomme.

Her var både heklekrokar, strikkepinnar og saks.

Gjett om alt skal prøvast!

Veska er praktisk, stødig, sydd i regntett stoff og har glidelåslukning. 

I tillegg er den romsleg, har ei glidelåslomme inni 

og to sidelommer med magnetlås på utsida.

Eg har allereie tatt den i bruk på arbeid. 

Den rommar både småsaker, matboks, bøker og heklearbeidet til fergereisa.

For to år sidan fekk eg dette nydelege haustskjerfet. 

HER kan du sjå innlegget om det på Birgitte sin blogg Handmade by BiR. 

No gleder eg meg til hausten med både veske og skjerf. 

Tusen takk til Hobbyklubben for kjempefin og overraskande gåve!

"You made my day."