Messe på Vigra

I helga skal eg delta på messe på Vigra. 

No er det innspurt, og her kjem det siste eg er ferdig med.

Det blir ein del ugleoppheng i ulike variasjonar.

Desse to fekk flytte på ei grein eg forelska meg i i sommar.

Desse to turtelduene er i det romantiske hjørne.

Dette har eg vist i eit tidlegare innlegg.

No har eg laga nye versjonar av motbakke.

Har dekorert bakgrunnen for å skape meir spenning.

Ein litt mindre versjon.

Synst det passar mot solnedgangen.

Dette er stort, og det er meir som skjer.

Det tek tid å sy rundt kvar ein stein også.

Litt garn, band, tyll og leik med stoppefoten.

Alle vegar er ikkje like lette å gå, 

og det vanskelegaste er kanskje å komme i gang.

Det hjelper når det er ei lysning i sikte.

Det er i motbakke det går oppover.

Så får vi sjå kva veg det går på messa. Uansett gleder eg meg. 

Og det hadde vore ekstra kjekt å treffe nokon som er innom her på bloggen.

Messa på Viking Vigra er open 

laurdag 29.okt 12-18

og søndag 30.okt 12-17

Ugler i fleng

No har det blitt nokre nye ugleoppheng. 

Alle får sine særpreg, og ingen blir like.

Ei dame ønska gul-brune ugler, så ho kan ta denne, eller paret lengre ned.

Denne likar seg best åleine.

Dette paret er bestilt som gåve til

ei dame som fortjener ein takk.

Alle opphenga er laga av bjørk og 

pynta med ei heklerose, små kongler og naturpynt.

Denne mammakoppen fekk eg ein morsdag for mange år sidan. 

Alltid koseleg å drikke av den. 

No får den halde selskap med dei andre uglene her. 

Ugleoppheng

Då er det berre å fortsette med ugler, sidan eg er i det moduset.

Eg fekk plutseleg ein idé om å sy ugler til oppheng. Sjølvsagt må eg ha min eigen design, 

så eg laga eit mønsterutkast først og tilpassa det etter kvart. 

Her er ein liten uglefamilie på tre.

Trea får ikkje vere i fred for meg, 

men heldigvis er det meir enn nok å ta av. 

Eller dei fleste meiner vel at det er for mykje som veks opp over alt.

Her har eg laga kransar av kvistane. 

Nokre store og nokre små.

Uglene flyttar inn etter kvart som dei blir ferdige.

Både par og einslege treng ein plass å bu..

Denne karen var faktisk min første.

Og desse har no fått det rett så koseleg. 

Men alle har flytta frå meg, så no lagar eg nye til neste messe.

Klasseprosjekt

For ei tid tilbake hadde vi prosjekt i forming med å lage fellesbilete. 

Kravet var samarbeid både med bakgrunn og dekor. 

Kvistar frå naturen skulle vere med. 

Bakgrunnen er maling og effektar på lerret.

Kvisten er pynta med perler på ståltråd og utstansa sommarfuglar.

Hjartepynt av tyll, lim og perler.

Her er bakgrunnen i same stil, 

men pynten er eit stort kvisthjarte, som er dekorert med ståltråd og diverse perler.

Det er kanskje ikkje så vanskeleg å sjå at det er ei jentegruppe som står bak. 

I alle tilfelle så pyntar dei fint opp i klasserommet.

Rådhusmessa

No kom eg på at eg har ikkje blogga om Rådhusmessa i Molde, som var 29. november. 

Endå eg hadde kongen som den høge beskyttar! Og jammen var han til god hjelp også, for sidan vi ikkje kunne henge opp på veggane, fekk eg feste litt til ramma hans.

Det var første gong eg deltok på Rådhusmessa. Mange deltakarar var spreidde utover den store salen, men eg skilte meg nok litt ut med alle naturtinga mine. Det er sjølvsagt ikkje alle som likar så røffe og spesielle ting, men uansett var det mange fine kommentarar å få. Greia mi er å lage ting som andre ikkje har. Eg hadde litt andre ting til salg også då;)

For å få plass til alt, måtte eg prøve å få ting opp i høgda også. 

Her har eg laga ei trapp av skuffer opp-ned, og ei oppslagstavle på toppen av dei igjen. 

Til slutt blei heile byggverket kamuflert av ein duk. Så kunne eg slå stiftar gjennom duken og oppslagstavla og henge opp ein del av tinga, og stable ting opp gjennom trappa. 

Synest sjølv at det var ein god idé;)

Det er ikkje lett å å lage utstilling med så mange  ulike og til dels skjøre ting.

For ikkje å snakke om pakking og frakting før og etter. Men med god hjelp kom eg i mål denne gongen også.

Rakk akkurat å kome meg bak bordet i det dørene blei opna for publikum.

Rart kva ein rekk når tida er knapp.

Eg blei eigentleg fornøgd med standen og utnytting av plassen.

Og det var kjekt å ha Birgitte ved nabobordet. Ho både strikkar, heklar, syr og designar eigne mønstre for sal. Birgitte har gitt ut mønstre i det nye året også, så eg vil anbefale eit besøk på bloggen hennar, Birgittes forglemmegei. 

Det er kjekt for mor og datter å ha handarbeid som hobby, Sjølv om vi har ulik stil og lagar forskjellige ting, er vi kvarandre sin kritikar og gode rådgivar og hjelpar. Og begge lagar ting av eigen design. Eg reknar med at begge kjem til å delta på messer neste haust også. 

Takk til dei som står på og arrangerer! Eg veit det er veldig mykje arbeid.

Bursdagsbilde

Unike damer fortjener spesielle ting. 

Tanken var å lage eit kort, men eg enda opp med et lite bilde.

Idéen starta egentleg med at eg kom på teksta;

"Denne blomsten er plukket til DEG"

Naturmateriale og fuglar har blitt mitt design den siste tida.

Og frihandsquilting er min stil;)

Fotomodellen stiller gjerne opp.

Spesielt om det er ein godbit i vente;)

Signatur er viktig, og denne gongen blei det på kanten.

Fordi det egentleg skulle vere eit kort, så limte eg ein bit kartong og ein konvolutt på baksida. 

Det kan vere lurt å ha ei skjult pengelomme for seinare bruk også;)

Jubilanten lurer på om det skal få henge under klokka på kjøkkenet. 

Håper det kan bringe koselege øyeblikk, for 

"denne blomsten er plukket til DEG"

Vil du vinne dette skiltet?

Endeleg fekk eg ferdigstilt dette opphenget, som eg vil gi til nokon som har lyst å vinne det. 

Det er eigen design, og ingen som har maken. Eg lova ein give-away då eg runda 100.000 sidevisningar på bloggen min, men så gjekk eg visst i dvale. Men no er eg ute av hiet, og skal vere meir aktiv på blogg igjen.

Engelen har kjole av ullfilt, som er dekorert med blondar, effektgarn og frihandsquilting.

Håret er av silkegarn eg arva frå bestemor. Ein kvardagsengel som vil det beste for andre.

Kvardagar er det flest av, og vi bør kanskje bli flinkare til å sjå og sette pris på det som skjer rundt oss. Kvifor skal vi strebe framover, når det beste kanskje skjer her og no?

Kva er viktig her i livet?

Kanskje vi berre skal sette oss ned, -observere, tenkje, lytte og sjå. 

Nyte øyeblikket.

I morgon er dagen i dag historie. 

Gjer det beste ut av den.

Kanskje vi skal bli flinkare til å gjere dagen god for andre? 

Eit smil, nokre hyggelege ord eller ei hjelpande hand kan gjere ein forskjell.

Eg vil gjerne bringe litt glede til ein av mine venner på blogg eller facebook. 

Har du lyst å vinne dette skiltet frå Edny sine puslerier, så får du 

2 lodd for å legge igjen ein kommentar her eller på facebook, og

2 lodd for å dele/linke på din blogg eller på facebook.

Trekninga blir måndag 30. juni.

Bruk dette bildet når du linkar.