Det står eit tre

det står eit tre

med tomme greiner,

strekk sine sprikande fingrar

mot ein himmel

høgt der oppe

det står eit tre

med tause tankar,

let røtene kvile

i trygg visse

om våren som kjem

det står eit tre

med stumme ord,

det er ikkje meir å seie

enn det vi

allereie veit –

det står eit tre

med tomme greiner,

ein dag kjem sola att

med liv

til tørre årer

Elastikk

det er som

ei levande bru,

flytande høgt

over djupa

det er som

elastiske band

strekk seg

tvers over fjorden

det er som

ein utstrekt arm

hentar oss

over til andre sida

Perspektiv

vi stiller opp vårt eige

framfor det høge

bøyer kne for det

og endrar perspektivet

til vi verkeleg trur

at vårt eige når lengst

Store

(Haiku horizons)

Glede

det er ei glede i verda;
å danse saman
under open himmel,
kjenne kjærlege armar
når regnet auser

det er ei glede i verda;
synge glade songar,
kjenne varmen
frå lukkelege menneske
i fellesskap

det er ei glede i verda;
oppdage, at medan du går
på kjente vegar
kan det likevel dukke opp noko nytt
rundt neste sving –

(Fototriss)