Celebramos a chegada do Samaín coa XVI Semana das Lecturas Terroríficas na biblio.
Producións propias e alleas que se representarán ao longo da semana no escenario da nosa biblioteca, dinamizando a lingua, animando á lectura e á escritura, conmemorando.
A música, o cine e a literatura como artes a tratar, atendendo ao PDI que nos ocupa.
Recomendamos visitar os blogs de ciclo para coñecer e saber máis sobre cada actuación.
Unha semana de cantos e contos para pasalo... de medo!
Todas as aulas representaron, dramatizaron..., tendo en conta o lema da Asesoría BEGA para o presente curso: Biblioteca escolar, a escena!
O teatro, inspirado por obras alleas ou de produción propia, foi protagonista dunha semana na que hai que felicitar a tod@s polo esforzo e motivación amosado na variedade de actuacións, as cales se irán publicando nos blogs de cada ciclo.
Pasámolo... de medo!
Feliz Samaín a tod@s.
O Samaín... xa está aquí!
A nosa tradicional exposición de cabazas creadas en familia, un curso máis, está adicada ao PDI que nos ocupa: "Cabazas... do máis natural!"
A creatividade de nen@s e familias non deixa de sorprendernos: animais, bosques, plantas... e ata un personaxe de conto (Naturizo, o porco espiño amigo de Leo)
Parabéns a tod@s!
O noso Samaín ten como protagonistas a nenas e nenos que orientados polo profesorado preparan a súa produción, propia ou allea, para a XIV Lecturas Terroríficas.
Actuacións que se desenvolven na nosa biblio e que recollemos na seguinte imaxe (premendo nela accederedes ao álbum de fotos)
Parabéns, un curso máis, a tod@s polas terroríficas presentacións.
Presentamos as caixas sensoriais relacionadas coa proposta de actividades, "Medo me dá!", que estiveron expostas polos corredores da nosa escola.
Unha semana para experimentar, para sentir... neste Samaín!
Pechamos a semana, na que iniciamos a XIV Lecturas Terroríficas, co concerto de Xoán Curiel.
Un concerto que tod@s gozamos: bailamos, cantamos e tamén nos asustamos. Pasámolo... de medo!
O concerto finalizou e Xoán Curiel regalounos o seu último libro-cd, en colaboración con Charo Pita, "Estamos no verán" e con dedicatoria incluída; tamén nos regalou parte do seu tempo para asinar outros exemplares da nosa biblio como podedes ver na seguinte imaxe (premendo nela accederedes ao álbum de fotos do concerto)
Agradecid@s a Xoán Curiel e o seu gran labor cultural e de dinamización da lingua.
A exposición Leo le... SAMAÍN! divulga exemplares acaídos para informarse, interpretar, adiviñar, contar... Unha exposición para tod@s, para ler sen fin neste Samaín.
Presentamos o fin do noso Samaín: zombis danzando ao ritmo da música de Xoan Curiel e a Banda do Verán con "Toca o teu pé!" de A Casa do Terror, dispoñible na nosa Biblio (preme na imaxe para acceder)
Grazas á mestra de Música, Estefanía, polo seu fantástico traballo de Música e Danza co cal mobilizou a todo o colexio; así como ao profesorado pola súa implicación e ao alumnado pola súa motivación e esforzo para que o lipdub fora terroríficamente executado.
Que nunca nos falten a Música e a Danza, artes indispensables para a expresión emocional e a interacción social.
Celebramos a XIII Semana das Lecturas Terroríficas... NA NOSA BIBLIO!
Voltamos retomar a xuntanza de tod@s, despois de dous cursos escolares, arredor de producións propias de cada grupo-clase moi, moi terroríficas.
Demos a benvida ao outono, festexando unha das nosas tradicións culturais: o Samaín (en etimoloxía gaélica significa "fin do verán") Sen perder o rumbo, seguindo o noso PDI, arredor de Galicia, para non olvidar de onde vimos e liberarse de celebracións que non nos son propias.
Premendo nos seguintes enlaces poderedes gozar das fantásticas e terroríficas actuacións de cada aula:
PARABÉNS, con maiúsculas, por tanto e tan bo: investigando, escribindo, protagonizando, interpretando, creando, contando, comunicando... Un Samaín moi noso: producións propias para valorar e salvagardar.
E rematamos a intensa semana coa... ZOMBIDANZA!
Premendo na imaxe accederedes á galería de fotos da XIII Semana das Lecturas Terroríficas.
Un peche musical de... MEDO! En próximas publicacións coñeceredes o fin do noso Samaín, ata entón
Presentamos, en formato audiovisual, a nosa tradicional exposición de cabazas do Samaín:
No presente curso, seguindo a proposta de actividades do 1º trimestre en relación co noso PDI, solicitamos a colaboración das familias para decorar cabazas moi, moi galegas: historia, arquitectura, música, paisaxe, tradicións, gastronomía... de Galicia
Parabéns, un Samaín máis, por tanta inventiva compartida en familia. Non deixa de sorprendernos a vosa gran creatividade.
Presentamos a exposición do 1º trimestre que, dende a apertura da nosa BE-LeoLab (3 de outubro), está ubicada no corredor do 1º andar para dar continuidade e nutrir o noso PDI NÓS: patrimonio in-MATERIAL!
Exemplares de consulta, cómic, narrativa, música...; na nosa lingua e temática arredor de Galicia: historia, lendas, seres mitolóxicos, tradicións, celebracións, gastronomía... Títulos para animar á lectura, á búsqueda de información, á experimentación...; conmemorando celebracións propias da nosa cultura: o noso Samaín, que tan ben investigaron e gravaron en Radio Balea o grupo 3 do Laboratorio de Son de 2º e 3º ciclo de E. Primaria.
Presentamos os produtos finais do Laboratorio Documental, que implementamos ao longo deste mes de outubro, arredor das nosas tradicións orais: cantigas, refráns, lendas... e recollido na proposta de actividades do 1º trimestre.
Este curso, ao igual que o pasado, non temos a posibilidade de celebrar a Semana de Lecturas Terroríficas na nosa Biblioteca; mais non perde a súa esencia e seguimos a conmemorar un Samaín lector en diferentes formatos e soportes.
Premendo nos seguintes enlaces podedes desfrutar das producións de cada nivel:
Parabéns a todas e todos polos fantásticos produtos finais!
Celebramos un Samaín... lendario!
Un curso singular, mais celebramos a XI Semana de Lecturas Terroríficas.
Contra vento e marea, seguimos creando e desta vez adicamos as Lecturas Terroríficas a Gianni Rodari e a súa técnica binomio fantástico.
Os produtos finais de produción propia están publicitados nos blogs de cada ciclo a onde accedemos, dende as aulas, ao longo desta semana para disfrutalos.
Nesta entrada deixamos o resumo do gran traballo feito en dous formatos:
Parabéns a todo o alumnado e familias polas Cabazas Fantásticas creadas!
Celebramos a XI Semana de Lecturas Terroríficas moi ben acompañados/as coas cabazas SH: SuperHeroes e SuperHeroínas da literatura, do cine, da nosa invención.
Para celebrar un Samaín fantasiando, imaxinando, creando e que nos faga sentir o que estamos a ser e facer día a día: auténticos e auténticas SH.
Quen dixo medo?
UN SAMAÍN FANTÁSTICO!