Leo le.. NOVIDADES!

Premer na imaxe para acceder á galería de fotos

Presentamos as novidades que mercamos e catalogamos ao longo do 1º trimestre do presente curso.

Novidades de literatura de ficción e non ficción: narrativa, banda deseñada, poesía, informativos...

Libros para todos os gustos, para o empréstito a domicilio ou para as aulas, un mar de letras para gozar da lectura como fonte de placer e benestar, para informarse e aprender. 

Valorando a literatura como a arte da palabra e as nosas librarías de proximidade como motores de promoción da lectura e da cultura, xa que hoxe están de celebración como se reflicte na seguinte imaxe:

Imaxe de www.diadelaslibrerias.es

Continuará...

Últimas adquisicións: Leo le... NOVIDADES!

Premer na imaxe para acceder á galería de fotos

Presentamos as últimas adquisicións do curso 2024-25, que ao longo do 2º e 3º trimestre foron ampliando o catálogo da nosa biblioteca con exemplares diversos.

Exposición, a de novidades, que é a máis visitada de todas as que dinamizamos ao longo do curso; a quen non lle gusta ter nas súas mans novos libros e novas historias, aventuras, informacións en formatos e soportes diversos.

O vindeiro curso... máis lecturas para tod@s!

Leo le... Banda Deseñada!

 

Premer na imaxe para acceder á galería de fotos

Presentamos a exposición Leo le... Banda Deseñada!, coincidindo co Día da Ilustración 2025 que se celebra cada 30 de xaneiro, data de nacemento de Castelao.

Unha exposición que, curso tras curso, é moi valorado: a ilustración como papel relevante acompañada de texto ou non, para todas as idades.

Longa vida a Banda Deseñada ou cómic, e feliz Día da Ilustración, hoxe e todos os días do ano!

Leo le... NOVIDADES!

Premer na imaxe para acceder á galería de fotos

Un curso máis, ampliamos os nosos fondos con exemplares de recente publicación e mercados, maioritariamente, na nosa libraría de cercanía. Libraría a que queremos felicitar, ao igual que o resto de librarías, que hoxe están de celebración:

Autora do cartel: Helena Pallarés

Que sería de nós sen as librarías, espazos que nos achegan grandes regalos en forma de emocionantes lecturas e moita cultura. Que sigan medrando!

Ao tempo, recordar que as nosas novidades tamén seguirán medrando ao longo do curso, segundo as vaiamos catalogando; así que non deixedes de visitar o expositor de novas lecturas para lectores/as diversos/as.

Leo le... ENSINO!

 

Premer na imaxe para acceder á galería de fotos

Presentamos a exposición Leo le... ENSINO! que, coincidindo coa celebración do Día do Ensino, quere pór o foco na formación continua do profesorado, na busca da calidade educativa.

Libros para tod@s, para informarse e formarse, para desenvolver metodoloxías activas acordes ao tempo no que vivimos e, sempre, prestando especial atención ao benestar persoal e social d@s nen@s.

Aprendizaxe ao longo da vida, hoxe e sempre!

Leo le... NOVIDADES!_2º e 3º trimestre

 

Premer na imaxe para acceder á galería de fotos

Presentamos os libros que ocuparon o expositor Leo le... NOVIDADES!, ao longo do 2º trimestre e inicio do presente 3º trimestre.

Celebramos o Día do Libro Infantil 2024 coas novas adquisicións que xa catalogamos e viaxan ás aulas, aos domicilios... para gozar da lectura, hoxe, e todos os días do ano.

A seguir lendo... crecendo!

Leo le... NOVIDADES!_1º trimestre

Premer na imaxe para acceder á galería de fotos

Ao longo do 1º trimestre o expositor de novidades foise renovando, segundo adquirimos e catalogamos os novos exemplares.

Libros diversos para atender ao PDI que nos ocupa e outras temáticas de interese: álbum ilustrado, libros de divulgación ou consulta, biografías, narrativa, poesía, ensino...

Grazas ao orzamento plambe e ao orzamento de centro seguimos adquirindo exemplares de calidade para nutrir o catálogo da nosa biblio.

No 2024... máis!

Leo le... BANDA DESEÑADA!

 

Premer na imaxe para acceder á galería de fotos

Continuamos dinamizando a banda deseñada/cómic como recurso valioso para a lectura por placer e para informarse; así como para exemplificar a actividade anual proposta: Galicómic.

Unha exposición que é moi ben acollida polo comunidade, presentando dúas exposicións ao longo do 1º trimestre.

Seguiremos divulgando o cómic como recurso educativo imprescindible, como narrativa gráfica valiosa para a educación en valores, a competencia comunicativo-lingüística, a creatividade, o traballo en equipo, o pensamento crítico...

Leo le... ENSINO!

Premer na imaxe para acceder á galería de fotos

Seguimos alimentando a formación e a información mediante a exposición que, desde comezo de curso, divulgamos: Leo le... ENSINO!

Unha exposición que se vai renovando ao longo do curso e que é imprescindible como recurso documental para a mellora da nosa práctica docente, para apoiar/nutrir o deseño de tarefas integradas, para aprender ao longo da vida.

Continuará...

Mes da Ciencia en Galego nas Bibliotecas

Mes da Ciencia en Galego nas Bibliotecas 2023

Leer más publicaciones en Calaméo

No mes de novembro a lectura activa e a medicina, en relación co PDI que nos ocupa, serán o punto de partida da experimentación e do tratamento de valores para a igualdade e a convivencia.

As exposicións ubicadas no corredor e no escenario da biblioteca acollen exemplares diversos: álbum ilustrado, poesía, narrativa... para receitar lecturas de vida.

Premer na imaxe para acceder á galería de fotos

Un mes para experimentar na nosa lingua e para valorar a lectura activa como ferramenta de construción educativa e social que facilita o cambio.

Leo le... SAMAÍN!

O Samaín está a chegar e con el a nosa XIV Semana das Lecturas Terroríficas.

A exposición Leo le... SAMAÍN! divulga exemplares acaídos para informarse, interpretar, adiviñar, contar... Unha exposición para tod@s, para ler sen fin neste Samaín. 

Leo le... BANDA DESEÑADA!

                                     Premer para acceder á galería de imaxes

Pechamos o 1º trimestre coa exposición Leo le... BANDA DESEÑADA!

Unha exposición que acolle diversos exemplares de Banda Deseñada, na nosa lingua e en castelán, para dar tratamento ao cómic mediante a actividade anual proposta para desenvolver en cada grupo-clase: Galicómic.

O cómic é unha gran ferramenta para o ámbito lingüístico: interrogativas, exclamativas, onomatopeas, maiúsculas, minúsculas, narración, diálogo...; ademais de ser unha moi boa iniciación á lectura para lectores/as que atopan nel a lectura de textos curtos e lectura de ilustracións que completan a obra humorística, de misterio, aventuras....

Lendo cómic na escola aprendemos a rachar límites! !!

(da viñeta de Xosé Tomás publicada en www.nosdiario.gal)

 

8M: tarefa de TOD@S!

Conmemoramos o Día Internacional da Muller, de TODAS e... de todos porque a igualdade de xénero é tarefa de TOD@S!

Coa exposición Leo le... 8M! divulgamos lecturas arredor de Mulleres que se fai necesario valorar, iluminar e de valores de igualdade tan necesarios... aínda a día de hoxe.

No corredor do 2º andar o alumnado de 6º de Primaria, coa súa titora Uxía guiando, elaboraron o mural Muller tiña que ser!. Un mural para investigar, para documentarse sobre diversas Mulleres protagonistas da historia e relacionar diversas imaxes (obxectos, ideas...) coa ilustración de cada unha delas.

Agradecemos a colaboración da titora e o seu alumnado para sumar, para compartir recursos con tod@s nunha data moi especial.

Asemade, ao longo deste mes estamos implementando o Laboratorio de Son arredor do noso PDI e o Día da Muller, Oficio e tradición... en feminino! Mulleres e oficios en forma de entrevista escrita e realizadas na nosa Radio Balea para valorar a nosa tradición, visibilizando o relevante papel das nosas Mulleres.

Rememorar a actividade desenvolta no 1º trimestre arredor do Día das Escritoras e Día das Bibliotecas, implementando o Laboratorio Documental a través do cal puxemos cara a

18 ESCRITORAS GALEGAS. Mulleres para coñecer, para ler!

Por e para unha educación en igualdade de xénero hoxe e todos os días do ano.

Leo le...contra a Violencia de Xénero

Leo le...para seguir educando en IGUALDADE DE XÉNERO (ODS 5), para eliminar prexuízos e estereotipos sexistas camiñando cara unha igualdade real que nace na familia.

Lecturas compartidas: en familia, entre iguais, entre nós. LECTURAS DE VIDA!

Contra a violencia de xénero, EDUCACIÓN.