As novas tecnoloxías e as redes sociais serán os contidos a tratar: o seu uso e como ensinar/previr os seus riscos.
Seguimos crendo na información como fonte de formación continua, de aprendizaxe ao longo da vida e no imprescindible papel das familias como primeira escola: inFORMÁNDONOS en comunidade.
Esta semana a aula de 4º de Primaria iniciou o Programa de saúde e benestar emocional promovido pola Asociación Vieiro de Carballo, a cal lle estamos moi agradecid@s por achegarnos programas tan necesarios na escola e a custe cero.
O programa consta de 8 sesións nas que da man de Fani (psicóloga da Asociación) @s nen@s, a través da recreación de contos nos que as hortalizas son as protagonistas, coñecen situacións persoais que poden vivir nesta etapa evolutiva: celos, burlas, diferenzas físicas/culturais, presión de grupo, resolución de conflitos...; contribuíndo á maduración psicoafectiva e a adquisición de hábitos de saúde e benestar emocional.
A primeira sesión foi todo un éxito, tod@s se identificaron coas características dalgunha das hortalizas protagonistas; aínda que non sexa doado reflexionar sobre como son e como me sinto.
Premendo na imaxe accederedes ao álbum de fotos do programa que se irá incrementando segundo se vaian desenvolvendo as 8 sesións (1 sesión semanal)
Coidando de NÓS, coidándonos!