White Snowflake

Eg må vise fram den søte perserkattungen til svogeren min! Han og madammen henta katten nyleg, og på vegen heim stoppa dei her. Det er ein svært sjarmerande liten katt, eg kunne nesten tenkt meg ein slik.

Samtidig er eg svært fornøgd med den litt late, litt tjukke og kastrerte Tigeren vår. Han klatrar ikkje i gardinene, akkurat, og det er heilt ok. Kanskje er det lov å bli litt lat når han er 9 år?

Fotspor....

Ein kan seie mykje om kor viktig og fint det er å sette spor etter seg. Eg er ikkje sikker på om eg er enig i dag....;)

Nymala dørstokk.

Pus snik seg inn gjennom ei dør som er berre nesten igjen...


Hææ? Eg??

Perler er ein god ide!

I dag har eg vore flink jente og ikkje leita fram strikkepinnane. Men perler er smart! Då eg var i Oslo kjøpte eg nokre få pakkar med perler, og i dag var ein god dag å bruke dei. Det vart to armband, og eg er ikkje sikker på om eg skal ha sjøl eller om eg kanskje kjem til å gje vekk eit eller begge. Time will show!

Litt fine er dei vel;) Dei er tredde på elastisk smykketråd, så dei er enkle både å lage og bruke.

Det snør i dag! Med tanke på all snøen vi hadde sist vinter, syns eg kanskje at snøen kan vente litt i år. Men det er vel ikkje eg som kan bestemme slikt... Jaja, i oktober er det ganske trygt. Litt snø kan det kanskje bli, men så smeltar den vekk nesten like fort.
Det er deilig å fyre opp for fyrste gong. Ingenting gir så god varme som fyr i omnen. Og i tillegg blir det vel tildels for varmt, slik at vi blir varme og sløve;)Effekten blir litt som å drikke eit glas rødvin for min del.... Det skal ikkje meir til, så vert eg trøtt!

Pus likar også godt varmen frå omnen. Han legg seg gjerne rett framfor omnen og magasinerer opp varme til han skal ut.... Tenk om det hadde fungert slik:)

Ha ein fin dag!

Stakkars pysepus.....

Denne gongen var det faktisk skikkeleg synd på pus! Han har gått og plagast med noko nokre dagar, etterkvart kom vi til at han naus, ikkje berre ein gong, men 10-12 nys tett etter kvarandre. Dette skjedde fleire gongar for dag, og etterkvart kom eg til at dyrlegen måtte konsulterast.

Vi var litt i tvil, men hadde ein magefølelse om at noko kunne irritere han. Dyrlegen dopa han ned, og etterkvart fann ho eit grasstrå på 7-8 cm i nasen hans! Ikkje rart at han ville prøve å nyse det ut....

Eg fekk med meg ein katt i dopa tilstand heim, og han fekk sove ut rusen på eit varmt golv.
Då han vakna var han ustyrteleg komisk! Han var nesten utan kontroll over kroppen, men hadde likevel stor lyst til å flytte seg rundt. Så han sjangla, ramla, låg og kvilte og sjangla seg vidare. Eg bar han på plass i kattesenga på vanleg plass, og måtte dandere katten, han klarte ikkje å stokke beina sjølv.

Etterkvart klarte han å spasere relativt beint, og resten av dagen var han berre litt ekstra kosete.
Han er vanlegvis redd kanina Trampe, og Tigerpus går store omvegar dersom Trampe er inne. Men etter narkosen tok katten kontakt sjølv. Han la seg til og med ned ved sida av Trampe, og det var ikkje fordi han var sliten.... Kanskje ein skikkeleg rus av og til gjer oss meir sosiale?? Eller mindre pysete??

Dagleglivets små absurditetar

Eg har tidlegare vist bilete av både katt og kanin, i dag har eg ikkje nye bilete.

Derimot kan eg fortelle om kor nydelig kaninen var då eg bar han ut att i uteburet sitt i kveld. Medan eg gjekk, klatra Trampe oppover og slikka meg på halsen:) Han er rett og slett ganske søt. Og så sette eg han inn i buret, gjekk inn att og mata katten. Pus får stort sett Friskies tørrfor, men vi har alltid nokre posar Whiskas våtfor i skapet. I dag tok eg ein pose og serverte Pus, og vart ståande og filosofere over det absurde i at eg serverer Pus kanin....

Søte, ja?

border="0" alt=""id="BLOGGER_PHOTO_ID_5425218657942407570" />

Herleg med litt dyr i heimen... Vi har altså katt og kanin, og dei har ikkje forstått kven som er sjef. Det vil seie at begge er redde for den andre. No har kanina byrja å bli litt modigare, så eg trur nok at kanina snart er sjef. Her har katten ein konkurrent på utsida av døra, og er nok ganske irritert på at den andre katten vågar seg heilt inn til døra vår... Men om vår pysepus hadde vore på utsida, hadde han ikkje våga å ta affære uansett:) Det er greitt å vere tøff på den andre sida av glaset, ja!

I dag er mamma heime med minstemor, som ikkje er heilt frisk. Heldigvis er ho ikkje så dårleg som eg trudde ho kom til å vere, men sidan ho kasta opp i går kveld må ho jo vere heime i dag. Barnehagen har ei spysjuke gåande, og den skal visst vere ganske hard. Men dette er heldigvis ikkje samme type:)

Vi kosar oss heime, og medan minstemor spelar data og ser tv kan mamma legge saman klesvask...

1. juledag

Må berre vise fram nokre små glimt frå den store svigerfamiliedagen:) Vi har alltid familiebrunsj hos svigers 1. juledag. Det er både hyggeleg og godt, og dessuten likar borna alltid å få vere saman med syskenborna sine. I dag har dei kosa seg både inne og ute, vi var på ein spasertur rundt den nye lysløypa på Leikongeidet. Det var litt meir snø der enn hos oss, og kaldt og fint. Målaren viste 5-6 minus, og det er kjøleg på Sunnmøre.

Vi har både katt og kanin, og har trudd at kaniner burde vere redde kattar. Her i huset er det omvendt. Katten er redd kanina, utan at vi veit om at kanina nokon gong har gjort noko som burde gjere han redd. I dag stod dei lenge og hadde stirrekamp, og brått gav katten seg og stakk... Igjen. Pysepus!

Den største kattesenga eg har sett!

Puffen eg strikka nyleg er svært populær i heimen. Nysgjerrig? Sjå her! Jentene ligg på den, sit på den, rullar over den. Den ligg framfor tv, så no er det nesten like ofte ei jente på puffen som i sofaen. Eg likte godt å ligge på golvet og sjå tv då eg var lita, så det er vel litt av det samme som slår inn no.

Men no er det langt over leggetid for jentene, og dei ligg i kvar si seng og søv søtt. Då er det fritt fram for pus. Han likar å ha det mjukt og godt, det er tydeleg. Så no ligg han og breier alle sine 5,3 kilo utover Puff Daddy;)


Elles har vi fått selbuvottar til jentene. Eg har ikkje strikka dei, berre så det er sagt høgt og tydeleg. Derimot kom ei "gamletante" på besøk sist søndag, midt i ein viss fotballkamp mellom Aalesund og Molde. Ho hadde med seg selbuvottar til begge jentene. Det einaste eg må gjere er å feste nokre trådar. Ho hadde nemlig ikkje stolt heilt på at størrelsen var rett, så ho kom for å prøve dei. Den eine jenta var ikkje heime, og den andre vart svært sjenert og ville ikkje prøve noko som helst med litt ukjende damer på besøk. Dermed vart det til at vi bestemte at vottane kunne prøvast seinare, og sidan dei passa, kan eg stå for festing av trådar.

Søte vottar, ja?

Pus på leiting etter adoptivforeldre

Vi har fått ein katt for mykje! Denne stakkaren snik rundt dørene her, men vi har jo alt både katt og kanin.
I dag pilte han inn saman med vår eigen katt, og kasta seg over tørrforet med ein fantastisk iver. Han hadde truleg ikkje fått mat på ei stund, for så fort går det nesten ikkje an å ete... Etter at han hadde fylt magen vart han sendt på dør, for vi vil jo ikkje eigentleg ha han her. Det vil seie at vi ikkje kan, for prinsessa er allergisk mot katt, og då er det vel nok å ha ein!!

Eg fortalde denne sjarmøren at han må gå heim, for nokon saknar han sikkert. Men han ville ikkje tru på meg;) Eg syns han er nydelig: Mørk gråstripete på ryggen, kvit på beina og på brystet, og lang pels og tjukk hale. Flott katt, rett og slett! Håper han vil gå heim...

Glimt frå ei ferieveke

Den fyrste ferieveka er vel eigentleg straks over. Og no er det snart klart til Tyrkiatur! Vi får ikkje med oss eldstemann, men han får jobben med å passe huset:)

Kva har vi så fått gjort denne fyrste veka?
Jau, vi har besøkt svigerinne og svoger og fått krabbe! Og der helste vi på tre nydelige kattungar, blant anna denne. Eg fekk lyst på kattunge, men vi fekk tydeleg bekrefta at det er ikkje lurt. Prinsessa er allergisk mot kattar, og kattungane er så søte at ho ikkje klarer å halde nødvendig avstand... Heilt forståeleg, når ein ser slike små nøste.

Moldejazzen fekk eg fortalt litt om i forrige innlegg. Elles har gubben laga mur! Den vart vel flott! Muren skal berre stramme opp litt og gjere uteplassen litt meir ryddig.
Mitt prosjekt var å stramme litt opp på soveromet til prinsessa. Ho har kvit køyeseng, og no måtte ho få nytt nattbord. Eg mala nokre strøk med kvitt på eit gamalt furunattbord. I tillegg har eg mala skuffefrontane på det gamle skrivebordet i same farge. Det vart stilig! Frontane var raude, og det vart litt for dominerende. Eg leitar etter dei perfekte gardinene.... Ikkje at det trengs, for ho har persienner, men likevel er det fint med litt gardiner!
I hagen kan vi no nyte mange flotte fargar!


I dag var vi på hyttebursdagsfeiring til ære for eit syskenbarn. Det var mykje gildt folk samla, ein kombinasjon av hans vener og sysken/ syskenbarn. Hytta er perfekt plassert ved eit vatn her i kommunen. Vi har mange gode minne frå denne staden!




I garnkassene mine fann eg noko ullteppegarn som berre var til overs. No har eg hekla eit par tøfler, og tova dei. Det er enno litt garn igjen, men ikkje nok til eit par tøfler til. Så då må eg tenke litt....

Åååååååååå, så irriterende!

No skulle eg hatt nokre saftige gloser å slenge rundt, men eg skal opptre sivilisert. Skal i alle fall prøve. Men når gullungen har hatt på seg alpakkavesten sin, har ho følt seg så fin! Og no har den vore ei runde i vaskemaskina.... Det var jo for så vidt meininga, men den skulle ikkje vere med saman med den vasken. Den berre sneik seg inn! Her kan du sjå korleis den såg ut for nokså nøyaktig 2 mnd sidan. Og slik ser den ut no:
Ny kjole til dokka.

Det var den utilsikta tovinga. Vi har også hatt ei lita runde med planlagt toving. Det vart tre ballar, til bruk av pus eller småjenter, alt ettersom. Ballane inneheld stort sett restar av diverse garn, og har brukt lang tid på å vekse seg store:)

Pus likte dei! Han går nok inn for å ta livet av dei ganske fort.... Vi får lage fleire etterkvart:)

Det er snart bursdag i heimen, og eg har laga to bløtkakebotnar i dag. Det er så greitt å lage botnane, fylle dei og smøre litt krem på utsida, og så putte dei i frysaren. Når det er på tide å ete dei, er det berre å ha på litt meir krem, eller marsipan, og pynte. Det funkar veldig bra! Og etter at svigerfar fekk cøliaki har eg blitt nødt til å lage litt meir kaker som er tilpassa han. Det er eigentleg ikkje noko problem, men ein må lage kakene, ikkje berre stikke innom bakaren og velge ei...

Ein god dag å vere inne på!

Det er rett og slett innever. Ikkje nokon med vitet i behald vil synest at dette veret er brukande utever! Jaja, gubben var ute og jogga, men han er litt sprø:)

Eg har meldt meg på lue-alongen 2009, det betyr at eg skal strikke ei bestemt lue kvar månad heile året. Det kan bli mange spennende små prosjekt, det!
Denne heiter enkelt og greitt the boy hat. Eg har brukt 40 gram tweedmelert Smart. Dette vart ca passe til ein gut eg er tante til. Litt for liten til vaksne, men det er berre lengda som avgjer det. Det er god passform på grunn av ribbinga, så den kan gjerne strikkast litt lenger og passe til eit større hovud.I dag fekk vi plukka ned siste rest av jul i heimen. Det er ikkje berre praktisk å ha julestjerna hengande så høgt, men det er jo litt stilig, da! Gubben må nok få seg ein teleskopstige snart, for no må vi flytte kjøkenbordet bort til vinduet, og sette gardintrappa oppå bordet. Dermed vert det ikkje gjort før vi har tenkt på det ei lita stund;)Sjekk om Pus er skeptisk! Det er Gullungen som er fotograf, eg trudde faktisk ikkje at ho ville klare å ta eit skikkeleg bilde... Det var mange bilde av beina mine, golvet og andre ting på høgde med ein to-åring. Og så eit par bilde av Pus.
Slik ser vi katten ofte. Han likar å ha oversikta, og det har han i vinduskarmen. Av og til ser eg at han fyl med på kva som skjer ute, og då er det gjerne ei kråke eller ein måse på besøk i hagen. Elles er det hans jobb å passe på alle oss andre i huset. Så han har det travelt, det ser du vel:)

Ein skulle vøri 4 år i romjul

Eller, om ein ikkje er 4 år, er det vel ikkje så ille å vere 5 heller?

Vi har hatt nokre fine romjulsdagar hittil, og enno er det ikkje slutt!
Her er nokre bilete frå besøk hos svigerfamilien. Vi brukar alltid å vere der 1. juledag og ete brunsj, middag og kaker. Det er ein ok tradisjon. Og i tillegg har vi nesten laga ein liten tradisjon med ein tur til "kringlemyra", det er ein rask tur, kort nok til at alle kan gå. Og der kan vi finne langbord og restar av ein gapahuk. Det er nok nokon som brukar den oftare enn oss, men vi kosar oss der kvart år 1. juledag:)

Vi rotar litt, men ryddar etter oss også....

I år vart det laga bål, og det starta som eit fint lite bål, og så utvikla det seg til ein test av kor mykje røyk det går an å lage. Svigerfar er ein mester på tull og tøys, og fekk med dei 5 borneborna på kappløpet om å finne einer og kaste på bålet. Det vart ganske kvitt av røyk over myrane, ja! Men røyken lukta godt;)


Vi har også besøkt ein svoger med perser. White Knight er namnet, og han er ikkje så verst å sjå på! Ganske søt, rett og slett.
Eg innrømmer med ein gong at eg aldri kunne tenkt meg å ha ein perser sjølv, eg likar best å ha ein heilt "vanleg" katt som kan vere ute om natta og klare seg sjølv litt meir enn ein perser kan.

I dag har eg gjort noko som eg aldri har gjort før: Eg har laga karamellpudding! Dersom dette vert bra, er eg fornøgd med meg sjølv. Det er nokre ting her i livet som eg ikkje har prøvd, og no har eg testa ut ein ny ting. Så er eg eit skritt nærare å kunne vere Husmor, ikkje sant?

Eg har strikka eit par svarte sokkar til meg sjølv desse dagane. Dei er strikka av Hjertegarn, og er kjempegode!