Regnbogekjole

Minstemor er veldig glad i regnbogen. Så då vart eg inspirert til å strikke ein kjole/tunika i regnbogefargar. Fargane er sterke og klare, og står i stil til kvarandre, syns eg, men dei kunne nok ha vore sartare for å gje eit meir "luftig" inntrykk.
Garnet er Rauma Finull, der er det visst over 100 ulike fargar tilgjengeleg. Imponerende!

Oppskrift? Neida;)

Hemmelig uvenn-kjole

Eg var så heldig at eg fekk ein stor og innhaldsrik pakke full av det verste garnet ei anna strikkedame hadde i hus. Det var store mengder akryl der, ja...

Mykje av garnet er teke med til skulen der eg jobbar, og no er det 2a som lagar vev med det garnet som materiale;)

Men minstemor syntes at noko av garnet var såååå lekkert, mellom anna dette: fluffy, lett glitrande i ein melert rosalillakvit farge. Det var utan mageband, så eg veit ikkje kva det er, men det er i alle fall kunststoff...

Eg kom til at eg måtte lage noko av det, så eg leita litt i skuffene og fann to nøster lilla Sterk som passa i fargen. No har det blitt ein kjole til minstemor:)

Lett røykt

Vi var så heldige at vi fekk ei runde til med snø. I relativt store mengder, faktisk. Og etter at vi fekk på plass høveleg utstyr på traktoren igjen, var det eigentleg greitt. Heile bygda, inkludert meg, sleit på tysdag, då var det så mykje snø overalt at bilane spann og sette seg faste på flat veg... Men så kom plogane i sving, og det var jo mildt, så snøen smelta fort på vegane. Snøen på markane forsvann ikkje like fort.

Og snø kan jo brukast til noko kjekt også!
I dag hadde vi skidag på den flotte skulen eg arbeider på. Det skulle ha vore lukt og lyd på bloggen min, for eg klarer ikkje å skildre opplevingane utan... Eg var stor sjef for eit bål, og er godt innrøykt. Pussig at røyken liksom flyttar seg etter meg?

Lyden av 200 sjarmerande born på ski og akebrett er herleg. Og synet av like mange med kakaobart og grillpølse på pinnen, det er ikkje ille.
Veret var perfekt til vår bruk i dag. I går var det strålande sol, men i dag var det behageleg også utan solbriller.

Forresten fekk eg ny tittel: Ei lita jente lurte på om eg var rektor over grillpinnane. Det syns eg var passe til meg, så eg godkjende min nye tittel utan for store protestar;)

Elles kan eg vise fram den siste kjolen til minstemor, med jenta inni;)I dette innlegget kan du finne meir om kjolen:)

Supermjuk og deilig kjole:)

Minstemor har fått ny kjole. Denne er dels eigenkomponert, dels strikka etter oppskrift. Eg fekk noko spennande garn frå Molde for noko sidan, og bakgrunnen for det blogga eg om i dette innlegget. New Zealand lammeull var eit nytt bekjentskap for meg, og eg leita ei stund etter eit prosjekt å bruke det på. I leitinga kom eg over Non-stop-top. Denne linken til ravelry er til det engelske mønsteret, men det er der også på norsk. Og så er det jo noko med minstemor i heimen, ho er veldig glad i kjolar....

Og eg likar å strikke kjolar:)

Så dermed vart det ein nonstop-kjole! Denne oppskrifta er super, eg kjem til å strikke fleire plagg med utgangspunkt i den. Den er strikka frå toppen og ned, og eg måtte feste ytterst få trådar då eg var ferdig. Ingen saumar, ingen plager. Og ikkje behov for den forhatte symaskina.

No heldt eg på å gløyme at eg brukte dobbelt garn. Eg fann eit anna nytt bekjentskap, Sandnes Silk Mohair. Tilsaman vart dette mjukt, varmt og deilig. Og fargekombinasjonen vart også lekker, med det lyse rosa saman med det raudlilla. Prikken over i-en vart at minstemor fann ein knapp som passa perfekt:)

Fargen er vanskeleg å gjengi, men bileta med den grå bakgrunnen stemmer best.

Om du er nysgjerrig på kva eg gjorde, kan eg jo fortelle at eg var flink jente og fulgte oppskrifta ned til livet, og så gjekk eg over til glattstrikking. Eg sette inn 4 markørar, og auka på begge sider av desse, omtrent kvar 5. omgong. Eg veit ikkje kor mange masker eg hadde til slutt. Denne oppskrifta er visst på linje med besta sin "mjøl til passe deig". Det er litt opp til kvar enkelt kva som er passe;)

Wow! Maskepi-kjolen er ferdig!

Det er nesten ikkje meir å seie....

Det tok tid, men no er flettekjole frå boka Maskepi ferdig:) Eg tok ikkje sjansen på alpakka i denne, eg syns alpakka har ein tendens til å sige. Etter litt vurdering vart det Smart-garn, i ein blåfarge eg verkeleg likar.

Eg er spent på korleis denne vert i bruk:) Varm og god vert den i alle fall. Og no trur eg at eg må handle ein langerma gensar til å bruke under kjolen til vinteren. Alltid kjekt med ei unnskyldning for å handle....

Ferieproduksjon!

Bilferie er tingen. Då må ein ha enkelt strikk med seg. I alle fall må eg det;)



Denne ferien gjekk jo rundt i sørlege/austlege Norge, og på turen vart det strikka tre luer i Drops Merino, og noko som viste seg å bli ein kjole til minstemor. Det var spennende ganske lenge, både kven av jentene som ville få noko, og kva det ville bli. Eg argumenterte litt med Prinsessa, og meinte at det kunne bli ein vest til henne. Men det viste seg at dette var KLØgarn av store dimensjonar;) Det visste eg jo for så vidt, då det er Viking sitt sportsraggegarn... Garnet vart kjøpt i Kristiansand, fordi eg hadde for lite garn med meg. Og då falt eg for fargen, kombinert med at eg ikkje hadde lyst til å kjøpe dyrt garn til slike svært tilfeldige prosjekt. Minstemor er fornøgd etter at det kom ein ekstra volangkant i nedre kant;)





Luene er også slike prosjekt som blir til ettersom dei vert strikka. Unntaket er den stripete Tychus-etter-hukommelsen-lua. Eg har strikka nokre slike Tychus-luer før, og ca i Oslo kom eg på at det kunne vere gøy å strikke ei til:) Alle luene er strikka av Drops Merino, mjukt og kløfritt!

Spenser/tunika/kjole

No var det endeleg prinsessa på 7 sin tur til å få eit nytt strikkaplagg.
Litt tilfeldig igjen, men denne gongen var eg ganske lydig mot oppskrifta. Med eit stort unntak: Fargane vart altfor sukkersøte for meg, så eg bytta ut nesten samtlege fargar, med god hjelp frå Barbro på Trådkråa. Ho har eit godt auge for endringar i oppskrifter;)
Eg vart veldig glad i desse fargane! Tre ulike lillafargar, grønt, gult og litt kvitt. Det er mykje meir passande til Prinsessa enn den rooooosa under her!

Oppskrifta er henta frå Sandnesgarn sitt hefte nr 1004 barn, og kjolen er strikka med mandarin petit.

No har eg sjølvsagt nok garn til å strikke minst ein til.... Så kanskje får minstemor oppfylt sitt ynskje om å få ein liknande kjole. Men med sving, sjølvsagt;)

Kjole full av tilfeldigheiter

Eg krympa den rosa kjolen til minstemor litt, nok til at den ikkje var så full av sving som den var... Så då var det berre å strikke ein ny!





Då vi var i Tyrkia sist sommar kjøpte eg 400 gram rosa garn i ei blanding av bomull og viskose. Eg har ikkje kome på kva eg skulle bruke det til, men no kom det til nytte.

Oppskrift? Nei, det har eg ikkje. Så då er det berre å legge opp og strikke i vei...

Minstemor har masa jamt om at eg må strikke så kjolen vert ferdig. I dag festa eg trådane og ho fekk prøve. Heldigvis vart den godkjent!

By the way: Om nokre timar reiser eg til Riga. Dersom du ikkje har meldt di interesse for ei gåve frå Riga, må du bla litt nedover i bloggen og gjere det! Trekning mandag:)

Little sister dress

Denne er vel søt, vel:)Little sister dress har vore på lista mi ei lang stund, men no har eg ei lita tantejente å strikke den til! Etter litt stussing kom eg til at eg ville teste Debbie Bliss Baby Cashmerino. Det vart eit godt val. Garnet var mørkare rosa enn eg hadde tenkt, men resultatet vart bra, syns eg.

Gullungen min på 3 år ville også ha slik kjole... Ho syns stort sett at alt er fint, men ho vil ikkje nødvendigvis bruke det likevel. Om ho skulle hatt ein slik, måtte det bli med MYKJE ekstra vidde i skjørtet. Trur eg skal la det kvile ei stund, ho ombestemmer seg ganske ofte;)

Kjolen er strikka i str. 3 mnd, men eg trur den vil vere litt stor enno. Det går jo over!

Tora Frøseth Design og kjolen kan du finne her!

Kjole til meg sjølv!

No er eg ganske stolt! I dag hadde eg på meg ny kjole, strikka av det mjukaste, varmaste garnet eg har kjent på lenge:) Eg har kosa meg med å strikke den, og trur nok at eg kan kome til å bruke den på dei kalde dagane. Men det er IKKJE ein kjole for våren... I dag feira vi gubben som straks fyller 39 år, og alt før alle gjestane var komne måtte eg skifte kjole. Det var nemlig ein gubbe som hadde fyrt så kraftig at eg ikkje orka å ha på den nye kjolen... Jaja! Det er kaldt ute enno, sjøl om det ikkje er så kaldt som det har vore.

Kjolen er strikka av det nye garnet Puno frå Rauma, det er ei blanding av baby alpakka, ektra fin merino og polyamid. Resultatet er tjukt, mjukt og deilig. Strikkepinnar 6, det går fort å strikke nokre cm då!

Sidan eg ikkje klarte å få bilete der detaljane med ribbestrikk på ermene og glattstrikk på resten viser, låner eg bilde av blekka med oppskrift... Butikken min hadde ikkje rett farge, eg måtte velge mykje mørkare eller mykje lysare enn originalvalet. Så eg tok den mørke, og då er det nesten uråd å få gode bilete. Slik er det berre.


Eg strikka kjolen nokre cm kortare enn oppskrifta, så det er meir som ein tunika, kanskje. Eg trur det vert varmt nok, og sidan eg ikkje aner om garnet vil sige, satsar eg på å strikke kort. Vi får sjå korleis det oppfører seg!
Ha ei fin veke!!

Titt tei:)

I går annonserte eg med brask og bram og høge kneløft at heretter skulle det bli fancy bilete. Så no har eg vel eit lite ansvar for å følge opp....

Her har du siste dagars aktivitet. Ein turkis kjole med sving (minstemor sin definisjon på kjole som svingar rundt når ho snurrar) var i ferd med å bli litt kort. Så no har den rett og slett fått nokre omgangar med hekla kant. Det utgjer ca 5 cm på lengda, og gav enda meir sving. Kan knapt bli betre:)

Eg har brukt opp resten av garnet frå Hemmeleg venn i september. Dette er ein hatt som kan passe til ei av jentene, omtrent. Det er ikkje avgjort kven som skal få den.

Dessuten tok eg med eit bilete av ei av dei mange haglbygene som har frest over bygda siste dagane. Det er spennnende med hagl når ein er inne, litt ubehageleg når ein er ute...

Kjole med sving?

Gullungen er midt i ei rooooosa periode, og er ganske feminin:) Ho har eit sterkt krav til kjolar og skjørt: Dei skal ha sving. Altså at dei er så vide at dei svingar seg rundt henne når ho snurrar... Denne er eit forsøk. Eg fann oppskrift på nettet, HER, men eg måtte ha nokre korrigeringar på størrelsen. Kjolen er strikka ovanfrå og ned, og eg måtte berre feste nokre trådar etter at eg var ferdig. Ingen saumar som måtte syast! Herlig:)
Garnet til denne roooosa kjolen kjem frå Tyrkia, det heiter Alize cashmira:)Ganske mjukt!

Kjole som svingar

Eg har to kjolejenter i huset. I alle fall er dei ivrige etter å ha på seg kjole eller skjørt, og gullungen syns at kjolen skal SVINGE. Dermed er mange smalare kjolar og skjørt lite attraktive.

Ho har eit absolutt favorittplagg, og det er ein mørk blå kjole. (Blogga i juni 08) No har ho to av ca same type.
Garnet er på veg ut, så butikken hadde berre litt igjen. Mandarin Fiesta er lett å ha med å gjere, og det går fort å strikke ein enkel kjole av det. Den andre kjolen har heldt seg fin, trass i at den har blitt vaska og tromla mange gongar! Oppskrifta er frå Alt om Håndarbeide. Denne kjolen er litt sjølvstendig i forhold til oppskrifta, men fasongen er lik.

Det vert nok turkis kjole når kleda skal plukkast ut om nokre timar;)

Kjole!

Hugsar du at eg sukka over å ha ødelagt ein vest/tunika for nokre veker sidan? No har eg tatt konsekvensen av slik øydeleggande åtferd... Gullungen måtte få ein kjole som erstatning.

Oppskrift hadde eg ikkje, eg tok eit par pinnar nr. 2,5 og nokre nøster av ulike alpakka-typer. Det lilla og mørk koksgrå er Sandnes MiniAlpakka, det rosa er Inca frå Rauma.
Etter nokre diskusjonar med ei prinsesse og ein gullunge vart det knappar til pynt på kjolen. Resultatet er ikkje så verst.

Hekledilla har kanskje tatt tak i meg...

Denne kjolen til minstejenta gjorde at eg måtte leite fram heklekroken til kantar. Og kva resulterer slikt i? Jau, den boka der eg fann ut korleis eg skulle hekle kant, vart inspirasjon til fleire prosjekt. No heklar eg hattar...

Men vi må jo gjere litt anna også!

I går hadde vi ein fin tur til den ytterste enden av verda, i alle fall nokså nær. Vi vurderte ein tur til Runde, men svinga av og tok turen til Mulevikja, forbi Fosnavåg, vidare gjennom Kvalsvika og til denne stranda. Det er ikkje alltid sand her, det varierer frå år til år. Men i år er det ein god del sand, og det er kjekt å erte storbåra der. I går var det berre små bølgjer, men vi kosa oss der ei heil stund.

Prinsessa har fått seg hekla hatt, og har funne ei lita krabbe. Møtet var meir vellukka for jenta enn for krabba, som rett og slett ikkje overlevde sjokket...

Vi gjekk mellom sauene på veg ned til stranda. Kor mange sånne ulldottar måtte eg ha plukka med meg for å få nok til ei lue, mon tru?? Eg gadd ikkje å teste...

Ny kjole til gullungen

Eg har strikka kjole! Det er lenge sidan sist eg gjorde det, men no fekk eg iveren over meg... Oppskrifta fann eg i bladet Alt om håndarbeide, men dei opererer berre med sin eigen tråd. Så eg måtte stusse litt før eg kom til at eg kunne bruke Mandarin Fiesta. Den har rett strikkefastheit, 16 masker:) Det var nok medverkande til at eg fekk lyst til å strikke denne. Det går jo så fort!

I dag har eg kosa meg i sola. Med god salat og bok for å lære meg å hekle... Det skulle jo vere hekla kantar rundt kjolen. Så då var det berre å prøve å finne ut korleis det skulle vere. Eg er ganske fornøgd med resultatet!

Og no får vi vente på passe ver til å teste ut den nye kjolen!

Eg trur eg skal bruke restane av garnet til ein hekla hatt!

Kjole til prinsessa:)

Kjolen er ferdig med å bade! Det vart eit bad på 40 grader, kort finvask. Og eg var veldig spent på resultatet då eg stod opp! Det er gøy å strikke uten mønster, men det er litt nervepirrande også... Den har krympa ein god del, men eg trur den skal passe. Eg har ikkje fått prinsessa ut av senga enno, så eg får ikkje testa på henne.
Slik ser i alle fall kjolen ut no! Måla har krympa til 42 cm vidde nede, og 51 cm lengde. Det er ganske mykje mindre enn i går...

Gullungen heldt oss våken lenge i natt, ho kunne ikkje fatte kvifor mamma nekta å stå opp klokka halv fem. Vanlegvis søv ho (med nokre puppepausar) til klokka 8-9, men dei siste nettene har ho våkna midt på natta og trur sola betyr at det er dag. Og det kan ho vel ha rett i. Det dumme er at vi vaksne ikkje er enige...

Og prinsessa var like våken etterkvart, når veslesøstera remjar er det vanskeleg å sove! Så ho får vel få lov til å sove no, da! Sjøl om eg ventar med lengsel og smerte på å få prøve kjole;)

Kjolen vert forresten altfor varm i dag, det er SOL og akkurat no er det 18 grader i skuggen. Det er bra kl. halv ti.

Wow, det tova veldig mykje!

Det er ganske spennende å strikke uten mønster og uten å ha prøvd med ein liten prøvelapp. Så i dag strikka eg ein liten lapp, stappa i maskina og venta spent. Den vart nesten borte!!

Rett nok var det ein vask med ein del andre ting i, men at det skulle vere så effektivt?! WOW!

Eg må nok berre prøve å strikke meir, og ca til dobbel størrelse...
Prosjektet skal bli ein kjole til gullungen, og eg tenkte å lage selar uten å feste dei saman på skuldrane. Då har eg litt å gå på om krympinga skulle gå litt imot meg.


Slik ser det ut når gullungen vil sjekke kvaliteten:)



Det går veldig seint framover dette, men eg har hatt for mykje å gjere!
Vi var på songarstemne i helga, og det er ikkje egna til utstrakt strikking. Og eg fann ut at å strikke i baksetet er omtrent likestilt med å lese i baksetet. Det endar med kvalme...