Babyjakke i eksklusivt garn;)

Eg har meldt meg på utfordringar på Hobbyboden med vekslande hell;) Men denne er ikkje så dum. Kvar månad blir vi utfordra til å strikke noko relativt bestemt. I september skulle det vere ei jakke. Om eg skal bli ferdig med ei jakke i løpet av ein månad må det vere ei lita jakke...


Tenk så praktisk at eg har tenkt på å strikke noko til ein liten gut. Dette vart sparket bak! Eg treng slike små spark av og til.

Eg har verdas hyggelegaste garnbutikk i bygda, og då eg gjekk der og kika, sikla eg over eit deilig garn. Sandnes Kashmir Alpakka, tjukt og mjukt.
Butikkeigaren fortalde at dersom eg ville ha den fargen, kunne eg få det til halv pris, sidan fargen går ut! Snakk om flaks:) For eg syns garnet var utrulig deilig, men litt i overkant dyrt. Godt over 70 kroner for eit nøste... Halv pris er ein god deal!

Mønsteret fann eg litt tilfeldig på drops sine sider, og eg syntes umiddelbart det såg enkelt ut. Eg las ikkje så nøye, men eg la merke til at det stod "Ermsømløs" på oppskrifta. Det kan vi like. http://www.garnstudio.com/lang/no/visoppskrift.php?d_nr=b18&d_id=17&lang=no Her er linken. Men syns du at det er ermsømløst når eg må sy saman BÅDE PÅ OVERSIDA OG UNDERSIDA av ermene?? Eg må innrømme at eg aldri hadde valt denne oppskrifta om eg hadde lese litt meir nøye.

Enno har eg ikkje sydd i knappar, det må bli eit besøk på butikken fyrst.

Endeleg: Eg har strikka jakke!

Eg er stolt over å vere ferdig:) Tidleg i januar handla eg garn til denne jakka, etter at eg fann oppskrifta i boka Norsk strikk. Det gjekk fort å strikke, men det var det med å sy og klippe opp... Det tok lenger tid enn ein skulle vente!

Jakka er tjukk, eg trur den blir mest brukt open no framover. Neste vinter kan det bli godt å ha ei slik igjen. Jaja, det kan jo bli godt å ha no også, for det er vel ikkje heilt vår enno?
Garn: Sisu og Kitten Mohair.
Det einaste minuset med å strikke med dobbel tråd, er å ha 4 eller 6 nøste hoppande rundt på ein del av omgongane. Det blir ganske fort surr av slikt!