Ferieproduksjon

Sjølv om det eigentleg kunne ligge til rette for storproduksjon i ferien, vart det ikkje laga så veldig mykje. Eg slit med eit vondt handledd, og lurer på om det kan vere ein senebetennelse. Dermed har det blitt meir dødtid enn eg likar....

Men eg har laga litt smykke. Her er eit armband i glasperler og sølvperler, på elastisk tråd.
To smykke:


Ein liten restegarnproduksjon: To strikka klutar og ein hekla, her på ei lita bananpalme:)

Glimt frå ei ferieveke

Den fyrste ferieveka er vel eigentleg straks over. Og no er det snart klart til Tyrkiatur! Vi får ikkje med oss eldstemann, men han får jobben med å passe huset:)

Kva har vi så fått gjort denne fyrste veka?
Jau, vi har besøkt svigerinne og svoger og fått krabbe! Og der helste vi på tre nydelige kattungar, blant anna denne. Eg fekk lyst på kattunge, men vi fekk tydeleg bekrefta at det er ikkje lurt. Prinsessa er allergisk mot kattar, og kattungane er så søte at ho ikkje klarer å halde nødvendig avstand... Heilt forståeleg, når ein ser slike små nøste.

Moldejazzen fekk eg fortalt litt om i forrige innlegg. Elles har gubben laga mur! Den vart vel flott! Muren skal berre stramme opp litt og gjere uteplassen litt meir ryddig.
Mitt prosjekt var å stramme litt opp på soveromet til prinsessa. Ho har kvit køyeseng, og no måtte ho få nytt nattbord. Eg mala nokre strøk med kvitt på eit gamalt furunattbord. I tillegg har eg mala skuffefrontane på det gamle skrivebordet i same farge. Det vart stilig! Frontane var raude, og det vart litt for dominerende. Eg leitar etter dei perfekte gardinene.... Ikkje at det trengs, for ho har persienner, men likevel er det fint med litt gardiner!
I hagen kan vi no nyte mange flotte fargar!


I dag var vi på hyttebursdagsfeiring til ære for eit syskenbarn. Det var mykje gildt folk samla, ein kombinasjon av hans vener og sysken/ syskenbarn. Hytta er perfekt plassert ved eit vatn her i kommunen. Vi har mange gode minne frå denne staden!




I garnkassene mine fann eg noko ullteppegarn som berre var til overs. No har eg hekla eit par tøfler, og tova dei. Det er enno litt garn igjen, men ikkje nok til eit par tøfler til. Så då må eg tenke litt....

Digert siteunderlag:)

Eg har strikka eit siteunderlag i dag, og det er sikker eit med plass til to rumper på... Eg la berre opp til eg hadde brukt opp enden på garnet, og så strikka eg striper til eg ikkje hadde meir garn igjen av den tjukke typen:)Det er mogleg at kan dele det i to etter at det er tova, men det er litt greitt å ha eit med plass til ei lita jente tett ved mamma også:)

Dette har eg strikka i dag, innimellom bursdagsselskap og denslags til ære for Prinsessa. No er visst klokka over midnatt, så det var visst i går eg strikka....

Det er snart leggetid, og så skal vi på hytta!! Må berre pakke litt fyrst, det rakk eg ikkje i dag. Det vart for mykje strikking....

Siste nytt frå vaskemaskin og strikkepinnar

Her er mine fyrste sokkar strikka i Big Fabel. Det verkar som eit godt garn, eg skal lage eit par mindre også. Desse er store nok til meg, og har laaaange skaft. Dei skal få vere med på hytta om eit par dagar.
Berre sjå kor lange dei er:)

Dei siste dagane har eg strikka to par tøfler som har fått krympe seg ein smule i vaskemaskina. Begge para har blitt vaska fleire gongar, og no er eg fornøgd med tovinga. Det eine er til meg, det andre er til husbonden. Det gamle paret hans har gått i søpla, det var hol under på begge to...


Det har visst vore fastelavenssøndag også, då laga vi bollar! Jentene er ivrige, men mest ivrige til å ete deiga:) Det vart likevel ein del bollar, og hjerte! Vi kjevla ut og stakk ut hjerte av ein del, og det vart veldig søtt!


Ekstra: Etterlysningar etter oppskrift funkar sjeldan her i heimen, for eg strikkar veldig ofte diverse småplagg utan oppskrift. Men desse tøflene har eg ein gong sett oppskrifta på. Den eg brukte no, vart omtrent slik:
Pinnar 8, Fritidsgarn.
Legg opp 60 masker, strikk 20 riller. (40 omgongar)
Fell inn 10 masker i starten og slutten av pinnen. Fortsett med riller over dei midterste 40 maskene. Strikk 15 riller, fell av til tå: Strikk 2 rett, 2 sammen annakvar omgang, berre rett utan felling dei andre omgangane.
Sy saman bak på tøflene, dvs oppleggskanten, og frå fellinga og framover til tåa.
Sleng i vaskemaskina, 40 grader er ein god start.

NB! Desse tøflene vart ganske store, så eg tova dei fleire gongar før dei vart små nok til størrelse 39-40. Men det er lett å gjere dei mindre i oppskrifta også!

Eit par tøfler på vekta

No er det leggetid. Eg må bere fyrst dokumentere at eg har strikka eit par tøfler til. Både dette paret og det forrige må nok visast fram ferdigtova etterpå:)

Nye tøfler til mannen i mitt liv

No er tøflene til gubben i vaskemaskina. Eg trur nok at dei vil krympe ein smule i løpet av prosessen. Slik såg dei ut før dei gjekk i vask:)

Sidan dette er eit bidrag til konkurransen om regional strikking i hobbyboden, må eg dokumentere kva vekta er også...


Det er ikkje berre tid til strikking i heimen, eigentleg altfor lite tid til strikking... I går laga vi blant anna sjokoladekake til barnebursdagsselskap om nokre dagar.


Her er gårsdagens ovnsvott ferdig tova. Den er litt vid, men eg trur den funkar. Om eg rekk det, strikkar eg ein ny, litt smalare:) Mottakaren er på hyttetur, så eg har litt ekstra tid før overrekkinga.

Gullungen syns dette var ein stilig vott, men bittelitt stor;)

Bursdagsgåve, får vi håpe:)

Her er mitt fyrste bidrag i konkurransen om å strikke mest, dvs tyngst... Eg har strikka eit forsøk på ovnsvott til svigerfar. Han har behov for ein slik for å klare å handtere den glovarme ovnsdøra si. Så eg håper at denne, etter ein omgang i vaskemaskina, vil verte ca passe til formålet. Eg har brukt ein tråd ullteppegarn og ein tråd Fritidsgarn, og votten er diger no:) Den er i ferd med å bade litt i vaskemaskina, så eg får oppdatere etter at den er ferdig der!

Sidan dette er ein del av konkurransen, er vekta dokumentert. 94 gram:)


På bordet mitt har eg ein fargerik tulipanbukett. Det er litt koselig å kjøpe blomster og ta inn i stova, særleg når det er grått og regn ute!

Konkurranse!

På Hobbyboden finn damene på mykje rart. Det er ganske mange med stoooore garnlager der, og det siste no er ei konkurranse mellom regionane om å strikke mest:) Litt at poenget er å bruke av garnet ein har på lager, for å minke lageret litt. Men eg har ikkje rett garn til dei neste prosjekta uansett, så eg handla litt i går.

Fritidsgarnet skal bli tova ovnsvott og tova tøfler, og i tillegg har eg lyst på eit par sokkar til meg sjølv.
Det kan nok skje at eg plukkar ned litt meir frå loftet, men dette er i alle fall starten. Eg har ikkje lov til å starte enno! Det er offisiell start i kveld kl 18.00. Då smell strikkepinnane saman over store delar av landet;)

Dei som har meldt seg på, har ei "kvote" på 500 gram som skal strikkast så fort som mogleg, eller i alle fall fortare enn dei andre laga! Men eg kan strikke meir eller mindre, det er laget som skal fylle den samla kvota.

Litt dumt at Prinsessa må vente enda litt lenger på strikkebuksa si, for påbegynte prosjekt tel ikkje i konkurransen. Dermed vert det ein pause der!


Ikkje så strategisk å melde seg på slikt akkurat no, kanskje? Det er jo eit bursdagsselskap om nokre dagar, eg må lage litt kaker og diverse dill! Muffins har vi laga, dei ligg i frysaren og ventar på rosa glasur og pynt...

Lageropptelling

Jepp. Det er tid for å skrifte. Eller telle opp litt.

I år har eg for fyrste gong prøvd å halde kontroll med kva eg har laga, og kor mykje garn eg har brukt i prosessen.

Ut frå det eg har notert, ser det ut til at eg har brukt 6690 gram i år, til strikking og litt hekling. Eg har kjøpt 5600 gram. Det betyr at eg har brukt 1090 gram meir enn eg har kjøpt. Hemmelig venn gjekk nesten i balanse, med 1850 gram inn og 1800 ut. Då trur eg at summen tilsvarer at eg har 1040 gram mindre no enn for 1 år sidan. I teorien...

Dette må eg sjekke opp mot kva som ligg i korgene mine;)

OPPTELLING:

Raggegarn: 340 gram
Bomullsgarn: 80 gram
Diverse superwash: 940 gram
Diverse tovbar ull: 900 gram
Alpakka: 270 gram

Sum 2530 garn pr. 01.01.09.
For eit år sidan hadde eg litt meir, 3270 gram. Tala viser seg å ikkje stemme heilt overeins. Eg har nemlig nettopp rekna ut at eg skulle hatt 1040 gram mindre enn i fjor, men eg har berre 740 gram mindre. Det betyr at eg ikkje har vore heilt stø i tellinga, truleg har eg rota litt underveis...

Nokre er ivrige etter å ha mykje garn i skuffer og skap. Eg syns for så vidt at det er hyggeleg, men eg trur nok at butikkane har meir egna langtidslagring enn det eg kan tilby. Så for meg har det vore eit poeng å bruke av det garnet eg har, heller enn å kjøpe nytt. Og eg har vel vore ganske flink?

Garnet er stort sett lagra i skoesker, godt merka. Og i tillegg er det sortert litt i posar, slik ar same type garn kan finnast fort:)


Det er faktisk litt for lite i eskene, for eg tok bilda før eg var heilt ferdig med ryddinga...

Kvartalsrapport. Eller syndsvedkjenning.

Her er det på tide med ein kvartalsrapport. Eg hadde jo planar om å redusere på garnlageret mitt, og ikkje auke det. Og så er det noko med at det er umulig å oversjå enkelte gode og/eller fristande tilbod... Men eg har vore flink!

Eg ser på oversikta i høgre marg at eg har brukt opp 5325 gram hittil i år. Og så har eg visst gitt vekk 1550 gram. Det betyr 6875 gram ut, på den eine eller andre måten. Men noko kjem jo inn også, og no har eg fått 1300 gram og handla 4600 gram.

I sum trur eg det betyr at eg har brukt 975 gram meir enn eg har fått inn. Så då har lageret mitt krympa bittelitt. Og i alle fall har eg hatt ein viss sirkulasjon i kva garn eg har lagra! Det er jo også ein fin ting.

Dagens nyheiter

Hurra, fjelldag! 2.-4. klasse var på fjelltur i dag, og eg fekk den store ære å vere fremst:) Det var morsomt, i alle fall var det ein langt lettare jobb enn å vere blant dei siste, og måtte hale med seg slitne born som ikkje kan forstå poenget med å surre rundt på fjellet.

Vi gjekk ikkje så langt, vi som gjekk fyrst brukte litt over ein time opp til ein gammal sommarfjøs. Så hadde vi laaaang pause:)

På heimebane har eg brukt opp litt garn. Dette garnet er farga med rødvin, for lenge sidan! Men eg har ikkje kome på noko å bruke det til. Så no måtte eg berre kome på noko... Slik vart det rett og slett garnslanking!

Det vart ein hekla og tova gryteklut. Eg burde ha laga to, men det var tomt for garn!

Det vart nemlig også eit par tøfler, gubben håpte på at dei var til han. Så då er dei det. Modellen her er meg, med assistanse frå minstemor. Ho syns ho også burde få tøfler. Men så er jo det eigentleg standardkommentaren til alt: Ej mæ ha!

Eg har ikkje brukt oppskrift på desse, og garnet er to ulike restar som eg slett ikkje aner kva er. Så dette er eit typisk "bruke opp garnet-prosjekt"

Garn til barnehagen

Eg har sett gjennom ei av strikkekorgene mine. Og konkludert med at det ikkje er mogleg å lage noko fornuftig av det eg har der. I alle fall ikkje alt;) Mange små nøste er berre på 10-20 gram, og eit par er nøste som eg ikkje kan fordra. Det er dermed berre eit fornuftig val her: Gje vekk det som er overflødig!

Etter ein liten sekvens med vidare rydding, har eg enda med 180 gram garn som barnehagen skal få ta over. Det er ei moderat mengde, men det er fordi eg gjorde det samme for eit halvt år sidan, eller deromkring. Og sjølv om det ikkje er store mengder, er det mange fine smånøste som har tildels flotte fargar til jentene i barnehagen:)

Og garnslankinga, korleis går det med den??

I starten av april hadde eg eit innlegg der eg kom til at lageret knapt hadde minka i løpet av fyrste kvartal. Så no må eg sjekke igjen!

Eg har altså brukt opp 3570 gram det fyrste halvåret 2008. I same periode har eg handla 2500 gram, fått 1000 og gitt vekk 720 gram. Kva lærdom kan vi trekke av dette?
1. Eg må verte flinkare til å sende Hemmeleg ven-gåver med mange nøste i, sidan eg har meir garn inn enn ut...
2. Elles har eg klart å bruke litt av garnet eg har hatt, men ikkje så mykje:)

Lageret mitt har minka med 720 gram i løpet av dette halvåret.

Og det er ikkje så ille:)

Tenk at eg har garnslanking, rett nok i liten skala, medan andre har lager på 35 kilo (!!) Det er mange nøste det!!

Må nesten le:)

Eg starta året med garnopptelling. No har eg laga meg system med garnoversikt på sida av bloggen her, så eg har full kontroll over kva eg har brukt, kva eg har handla, gitt vekk eller fått.

No kom eg på at eg kunne ta ein sjekk på status etter 3 mnd. Det er vel dette som heiter kvartalsrapport, ikkje sant?

Og kva ser eg? Jau, eg visste det jo eigentleg...

Ved årsskiftet hadde eg 3270 gram garn. Så har eg brukt 1670 gram, gitt vekk 350, fått 300, handla 1550 gram. Etter å ha rekna saman tala, kjem eg fram til at eg no har 3100 gram.

Konklusjonen er altså at eg har skarve 170 gram mindre no enn eg hadde for 3 mnd sidan. Og eg som skulle bruke opp ein del.... Jaja, det går jo rette vegen!

Rooosa vottar

Eg gjer ein liten innsats for å slanke unna nokre garnnøster:) Då er det strategisk å gå laus på det tjukkaste garnet, det monnar mest! Så no har det blitt eit par rooosa vottar til gulljenta. Dei er litt store enno, men det kjem seg nok etterkvart...

Desse er strikka i Cortina, oppskrift hadde eg ikkje. Men eg henta nokre tips frå Jul i Blåfjell-vottane. Tova i tørketrommelen!

These mittens are made mostly to use some of my Cortina yarn, and they are felted in my tumble dryer. Still a little too big, I guess the size is 2 years.

Garnslanking

Barbiekjolar og babylestar;)

Her er siste prosjekt innen garnslanking!

For dei som ikkje er med på terminologien: Garnslanking er noko som foregår på Hobbyboden. Poenget er å bruke opp garn som ligg og samlar støv, heller enn å kjøpe nytt.

No har i alle fall storesøster på 4 fått ullbukse til vinteren. Vi håper at den ikkje kjem i bruk før november! Erfaring tilseier september... Men no er den i alle fall klar;)

Det store spørsmålet er om ho vil godta den, uten prinsessepynt og i feil farge! Rosa er det ypperste, ultimate.