Fyrste heimepåske på 20 år....

Oppdatert knekkebrødoppskrift

Eg har tidlegare blogga om desse knekkebrøda, både ein og to gongar. Men etter at eg la ut oppskrifta har eg gjort nokre små justeringar. Og då ei svigerinne som nyleg feira 40 årsdag (hurra!!) ville ha oppskrifta, fann eg ut at det kanskje var like greitt å legge den ut på bloggen igjen.

3,5 dl sammalt rug
3,5 dl havregryn
1,5 dl sesamfrø
2 dl solsikkefrø
1 dl linfrø
1 dl kli
1,5 dl graskarkjerner
1 ts salt
7 dl vatn

(Ein kan sjølvsagt gjere endringar i mengdene, og det er ca like godt med valnøtter i staden for graskarkjerner. Men eg har brukt salte graskarkjerner, og det vart snadder! Eg har også teke vekk 1 ts honning, om du syns det er godt med litt søtt, er det kjekt å teste!)

Eg heller alt i ein stor bolle og rører saman.

Fordel deigen utover 3 steikebrett, på bakepapir. Slikkepotten er grei å fordele røra med.
Set i omnen på varmluft 160 grader, 10 minutt.
Skjer knekkebrøda i passe størrelse. Bruk eit pizzahjul.
Set tilbake i omnen og steik vidare.

NB: I originaloppskrifta er deiga fordelt på to brett, ikkje tre. Men eg likar knekkebrøda best når dei er tynne, så difor vart det tre brett her. Og då steiker eg like godt alle tre bretta samtidig.
Varmluft og 160 grader er supert, men eg byttar plass på bretta to gongar. Fyrst steiker eg dei i 20 minutt, og så flyttar eg nederste brett til toppen og dei andre eit hakk ned. Steik vidare i 20 nye minutt, flytt på samme måte. Steik i 20 minutt til.

På denne måten blir alle knekkebrøda vanligvis godt steikte. Men om det skulle vere nokre som er litt mjuke under, legg eg dei på rist i omnen ei stund på ettervarmen.

Det aller beste er slike knekkebrød med smør og kvitost:) Mmmmmmm!

Når en pepperkakebaker baker pepperbakekaker

Jepp, i dag var det pepperkakebaking på gang:) Jentene fekk former og minikjevle i kalendaren, og det måtte jo testast... Dei var kjempeflinke, og veldig ivrige!
Oppskrifta er kjempegod, eg trur det er Morten Schakenda si oppskrift. Eg klipte den ut frå ei avis for eit år eller to sidan. Kok opp sirup, sukker og smør- det liknar veldig på starten på karamellkoking, ikkje sant? Det smakar karamell av pepperkakene også:)
I gamle dagar, då eg var lita, hadde vi nokre standard former. No finn eg stadig nye, spennende former. Vi har kaniner, hund, bamse, baby, elefant.... Og ein haug til:)
Nam!!!

Og no kjem det store spørsmålet. Jentene har kosa seg med melis og nonstop. Men mora kom ikkje på at melisglasuren burde blandast ut med eggekvite, så her vart det vatn i staden. Tabbe... Dei sprø pepperkakene blir sikkert mjuke fordi melisglasuren aldri tørkar... Jaja, det kan jo hende at det fungerer. Dei får ligge leeeenge til tørking!

Glutenfrie kjeks!

Passion4baking er ein blogg eg har nemnt før. Og det er mykje fristande å finne der!

Eg falt for denne oppskrifta på glutenfrie kjeks med valnøtter, sjokolade og tranebær. Sidan svigerfar har cøliaki er det greitt å utvide repertoaret ein smule av og til. Det må bli kjedeleg når eg berre har nokre få kaker å variere mellom, så no har eg testa og godkjent denne oppskrifta. Kjeksa er gode, med store bitar av valnøtter, sjokolade og tørka tranebær.
Svigerfar har fått ei boks, og nokre vart igjen her i heimen. Eg har prøvesmakt ganske mange gongar, og framleis meiner eg at desse er gode....

Bananbollar:)

Eg har laga noko heilt nytt - for meg, i alle fall.

På kjøkenbenken min låg tre brunflekkete bananar, og dei blir ikkje etne her i huset. Vi vil ha bananane faste og gule, mine skal helst vere gulgrøne i endane...

Så kva gjer ein når bananar har gått ut på dato (vår dato, ikkje bananen sin)? Jau, då går ein i gang med å lage noko som dei kan puttast i. Mange har snakka varmt om banankake, men eg hadde høyrt nokon snakke om bananbollar. Så eg tok tak i Det søte liv og fann ei oppskrift på bananbollar. Den kan du også finne, dersom du klikkar her!
Bollane smakar litt banan, men ikkje for mykje. No fulgte eg oppskrifta slavisk, for det er viktig når ein skal teste noko nytt:) Det går an å blande ein banan i deigen i staden for to, eg ville ikkje prøvd med tre.

Men eg må fortelle kva som skjedde då eg hadde starta bakinga. Gjær, mjøl, smelta smør, rosiner og kardemomme var blanda lett saman. Og så snudde eg meg for å ta bananane på benken. Og så vart eg litt usikker. For bananane var borte! Medan eg var saman med minstemor på barneturn, hadde gubben rydda! Brune bananar er det ingen som vil ha, så då kastar vi dei.....

Eg ville absolutt teste denne oppskrifta, så her vart det to nye og gule bananar i deigen;)

Nybaka bollar med ripsgele?

Det er godt med fersk heimebakst, og så luktar det så godt i huset! Jentene kjem som raketter for å hjelpe til, og dei er ivrige ei lita stund. Men når magen er full av deig, er dei stort sett ferdige med innsatsen;)



Her ein dag laga eg verdens beste bollar. I alle fall seier oppskrifta det. Du kan finne oppskrifta på nettet, nærare bestemt hos Det søte liv. Du må søke opp Verdens beste bollar sjølv;) Eg har laga dei før, og veit at eg likar litt meir kardemommesmak. Så eg tok 2 ts i staden for 0,5 ts kardemomme.

Bollane er lette, luftige og veldig gode!

Og med ripsgele på toppen vert det vel enda betre? No har eg fått svigermor si oppskrift, så no er gubben glad og fornøgd. Dette er slik han syns ripsgele skal vere.

Svigermor si oppskrift er slik:

Plukk rips, nok til den største gryta du har. Fyll vatn i panna slik at du så vidt ser vatnet nedi panna, eit stykke under dei øverste ripsbæra. La vatnet trekke ei stund, til du ser at ripsa er "skrukkete" og litt bleik, då har alt det gode trekt ut i vatnet. Ikkje rør, bæra skal helst ikkje knusast for mykje. Då risikerer du at geleen vert uklar.
Aus alt saman opp i silekledet, og la det stå til det sluttar å renne.

Mål opp safta.
1 liter ripssaft treng 1,3 kilo sukker for å få svigermor sin gele. Og i tillegg ein halv pakke fruktpektin. Der er det berre å følge oppskrifta på posen eller flaska.
Etter litt kok og rør er geleen nesten garantert klar.

Med så mykje sukker og pektin i tillegg MÅ det bli gele av det:)

Sommar eller haust? Er jammen ikkje sikker...

No er det sommareferie på skulane. Men eg får meir inntrykk av haustferie når eg ser ut. Det har vore surt og kaldt, regn og kuling. Store greiner har knekt av trea, og det er rett og slett langt frå sommarfølelse.

I går hadde vi sommaravslutning for alle tilsette ved skulen. Det var ein hyggeleg kveld, sjøl om veret var elendig. Eg valde ein tjukk strikkagensar i staden for noko lekkert;)

Vi spleisa på mykje av maten denne kvelden, og eg laga urtebrød som eg tok med meg. Gubben likte ikkje lukta i huset etterpå, så eg får nok ikkje lov til å lage dette fleire gongar. Han er sterkt imot kvitløk;)

Oppskrifta er enkel, og det smakar godt! Så her kan du eit tips:

URTEBRØD
6 kveitetortillas

1,5 dl olivenolje med 2-3 fedd knust kvitløk varmast sakte opp. Kvitløken skal ikkje skifte farge, berre gje smak til oljen.
Pensle olje på begge sider av tortillane, kutt i trekantar. Legg dei på bakepapir på bakeplata. Krydre med ca 2 ts italiensk krydder og 2 ts Maldonsalt.
Steikast på 180 grader i 8-10 minutt.

Resultatet vert små, salte brødbitar, med god kryddersmak.
Her er innlegget mitt frå samme hytta i fjor. Då sat vi faktisk ute lenge, det var ikkje eit aktuelt tema i går, for å seie det slik....

Karius er på plass:)

Eg fekk så nydelig garn frå Iris, og eg måtte lage noko som viser litt meir enn sokkar.... Palett har flotte fargar! Eg er ikkje så begeistra for alle fargane sånn heilt åleine, men eg godkjenner den samla pakken her:)

1 stk Karius-skjerf på pinne 4, og det er jo veldig enkelt å strikke! Poenget er å starte med tre masker, og så auke ei maske kvar 4.pinne, og berre i starten av omgangen. Strikk til du anten har brukt halvparten av garnet eller til skjerfet er halvparten så langt som du vil, og så feller du ei maske kvar 4.omgong til du er tilbake til tre masker.

Eg trur eg kjem til å ha på meg dette til den svarte gensaren i morgon!

Vottar i mange fargar, takk!

Sist helg var vi på hytta, og der var det litt kaldt. Og mor hadde klart å legge att vottane heime. Då var det fint å stikke innom Lunt på Bjorli og kjøpe eit par lekre vottar! Dei var tova, i Finull, og veldig gode. Dessverre var dei kjedelege i fargen, etter minstemor si oppfatning. Eg hadde alt tenkt å strikke og tove eit par vottar, og sette igang i helga... Desse er ikkje kjedelege i fargen, vettø:)
Dei er mjuke, deilige, varme og gode, og eg skal nok ha eit par i færre fargar og litt større størrelse. Straks!


For ein gong skuld skreiv eg ned nokre elementære punkt.

Garn: Rauma Finull
Pinnar: 4,5

Legg opp 32 masker. Strikk 5 omg. vrangbord, 1 rett, 1 vrang.
20 omg. rett.
Auke til tommel:
på fyrste pinne:
Strikk 1 r, auk 1 maske, str 1 r, auk 1 m. Resten av omg. rett.
Neste omgong rett heile omg.
Strikk 1 r, auk 1 m, 3 r, auk 1. Resten av omg. rett.
Ein omgong rett.
Str. 1 r, auk 1, 5 r. auk 1. Resten av omg rett.
Ein omg. rett.
Sett dei 7 maskene "tommelmaskene" på ein tråd. Legg opp 1 maske som erstatning.
Strikk 20 omg rett.
Felling: strikk 2 sm, 3 rett heile omg.
To omg. rett.
Deretter 2 sm, 2 r.
To omg. rett.
2 sm, 1 rett.
1 omgong rett
2 sm heile omgongen, trekk tråden gjennom maskene.

Tommel:
Ta opp dei 7 maskene og plukk opp 5 rundt sidene og bak.
Strikk 12 omgongar. Strikk to saman heile vegen, og dra tråden gjennom dei siste maskene.

Tada! Ferdig med den eine. Ein igjen:) Hugs å legge tommelen til slutten av omgongen på den andre votten, da!
Toving: 40 grader kort vask, med eit par handdukar i maskina.

Knekkebrød!

Eg har fått tak i oppskrift på knekkebrød. Dei er sunne og gode! Gubben meiner at dette er det beste eg nokon gong har baka. Eg er ikkje sikker på om kjempegrove knekkebrød kan slå søt gjærdeig, men det er i alle fall sunnare;)

Vil du prøve?

KNEKKEBRØD:

3,5 dl sammalt rug
3,5 dl havregryn
1,5 dl sesamfrø
2 dl solsikkefrø
1 dl linfrø
1 dl kli
1 dl valnøtter
1 ts salt

Putt alle ingrediensane i ei kjøkenmaskin. La det gå ei stund, så alt vert godt blanda og kutta.

1 ts honning
7 dl vatn

Bland honningen ut i vatnet, og hell i resten. Bland godt.

Fordel deigen utover 2 steikebrett, slik at dei fyller heile bretta. Eg brukte kniv til å smøre utover.
Set i omnen på 180 grader, 10 minutt.
Skjer dei to store knekkebrøda i passe str. Bruk eit pizzahjul.
Set tilbake i omnen og steik i 30 minutt.

Legg knekkebrøda på rist, og sett tilbake i ovnen med døra litt på gløtt i ca 15-20 minutt.

Evt. litt lenger for dei som er tjukkast:)

Dette blir harde og sprø knekkebrød med mykje smak. Nydelig med smør og ost!

PS: Oppdatering! Neste gong vil eg dele deiga utover tre langpanner, for å få tynnare knekkebrød. Dei er best når dei er tynne, dei tjukke delane vert litt for harde.




Elles har Gubben fått seg nye tjukkelestar. Dei er strikka av eit garn eg aldri har prøvd før: Bärengarne, Tom Print. 100 grams nøste, eg brukte 70 gram til desse. Då må det bli små barnesokkar i tillegg;)

Markens grøde - ei konkurranse

Stubbetufsa markerar at ho har hatt 10.000 besøk, og har i det høvet arrangert ei lita konkurranse.

For å vere med, må du legge ut ei oppskrift på noko du kan lage av frukt og bær og denslags. Om du er nysgjerrig, bør du besøke stubbetufsa sjølv.

Eg kan gjerne dele ei oppskrift på ein enkel eplepai.

Hos oss heiter den "Tante Ingeborg sin eplepai"


3-4 syrlege eple. Skrell og del i bitar, legg i ei eldfast form.
1/2 kopp vatn hellast over.
1 kr.mål malt muskat og
1 ts kanel strøast over.

Lag ei smuldredeig av
1 kopp kveitemjøl,
3/4 kopp sukker,
1/2 kopp margarin.

Bland deiga saman, strø over epla. Trykk lett, så det legg seg litt mellom epla også.

Steikast på 200 grader i 30-35 minutt.

Server varm eller lunka, med vaniljeis eller krem til.

Nydelig!!

Vil du ha kakeoppskrift?

Eg laga to slike suksessterter i går kveld, fordi dei er så fine å ha i frysaren dersom vi treng noko til gjestar.

Her kan du få oppskrifta: (eg dobla denne)

SUKSESSTERTE

250 gram mandlar
250 gram sukker
5 eggekviter
1 ts bakepulver

Mal mandlane. Pisk eggedosis av sukker og eggekvite. Bland alt saman til slutt.

Smør ei rund form langs kantane, legg bakepapir i botnen.
Steik på 175-200 grader, ca 45 minutt.

Så lagar du fyllet:
1 dl fløte
125 gram sukker
5 eggeplommar
150 gram smør eller margarin
1 ss vaniljesukker

Kok opp fløte og sukker under omrøring, ta av varmen og la det stå litt. Bland i eggeplommane. Kok opp igjen, rør jamt. Bland vaniljesukker og smør inn i kremen, rør til det smeltar. La fyllet kjøle seg godt ned, gjerne i kjøleskap. Då vert det stivt nok til at du kan smøre det på utsida av kaka. Dersom du er for utolmodig, vil kremen skli av kaka;)Kaka må også vere kald.

Dagens middag!

I dag hadde eg skulekjøkenmiddag! Ja, no heiter faget Mat og helse, men innhaldet er stort sett kjent.

Eg er ikkje lærar, men får vere med saman med ei gruppe 6. klassingar som skal lære å lage mat. Nokre av elevane har ikkje sett sine bein på kjøkenet heime før maten er på bordet, ser det ut til. Eit par av dei har forkynt at det "passar ikkje for dei å vaske opp"! Då slepp dei i alle fall IKKJE å vaske opp...

Dagens middag er ein lettlaga fiskerett.

FISK I LØK- OG PAPRIKASAUS

1/2 purre
1/2 paprika
2 ss margarin eller olje
1,5 ss kveitemjøl
1,5 dl vatn
1,5 dl fløte
1 terning fiskebuljong, evt. litt salt, om mannen din er like glad i salt som min:)

400 gr fiskefilet

Kutt purre og paprika i bitar, fres lett i steikepanna. Rør inn mjøl, og tilsett fiskebuljongterning, vatn og fløte. Kok opp sausen.
Skjer fisken i mindre bitar, og legg dei i sausen. La dei ligge der og trekke og kose seg medan du dekkjer bordet, eller i ca 10 minutt. Då skal dei vere kokte.

Server med poteter eller ris.

God apetitt!