Litt reklame er vel bra?

Eg har kjøpt veske! For ein gong skuld var eg rask nok;) Når
Shamu legg ut noko i nettbutikken sin, brukar det nemlig å gå fort i svingane. Det er nok mange av oss som likar Shamu sin redesign-stil. Eg er ikkje tøff nok til å velge dei kulaste orange veskene eller kjolane, men ei veske i gråtonar er akkurat perfekt til meg. Hurra, eg gler meg til å ta den i bruk!

Og i veska kjem eg heilt sikkert mellom anna til å ha eit eple i ny og ne. Eg har oppdaga Aroma-eple, og er sikkert fryktelig treg. Men uansett kan eg fortelle at Aroma er det absolutt beste eplet som fins;) Vi lurer på om vi skal ha eit slikt epletre i hagen neste vår. Det er verdt eit forsøk!

Litt smått og godt:)

Eg har av og til kjole eller skjørt på jobb. Eller tights. Fellesnemnar: Ingen lommer. Det er ein dårleg ide når ein må ha nøklar med seg rundt på skulen. Svaret er oppfunne: Nøkkelsnor. Men eg likar ikkje å gå med dinglande nøklar som skranglar når eg går. Så då måtte eg berre prøve å lage eit anna svar.... Dette er ei bittelita veske, hekla i bambusgarn frå Tyrkia. Reima er lang nok til å bli brukt på skrå over ei skulder. Så då er det berre å sjå om eg likar å bruke denne... Nøkkelen er berre for å vise størrelsen.
Eg har eit lite samanlikningsprosjekt her. Svigermor laga plommesylte, og ho var flittig og skrella plommene og fjerna steinane. Sylta er veldig god, og lys guloransje på farge. Så var det faktisk mykje plommer igjen på treet etterpå, og eg ville teste litt... Mi plommesylte er laga av heile plommer, og så plukka eg ut steinane etter at den hadde kokt ei stund. Ein del skal plukka eg også. Sylta smakar sterkare, men er jammen god likevel. Og sjå forskjellen på fargen!! Plommene er frå det same treet;)


Er vi ikkje heldige som har ei lita kanin å kose med? Trampe likar å vere inne saman med jentene, då vert det mykje kosing. Og dersom det i tillegg vankar litt god mat, er det stas!

17. mai-veske? Javel!

Det er ikkje greitt å ha urettferdigheit i familien. For nokre dagar sidan prøvde begge jentene på seg dei raude kåpene sine. Dei skal ha på seg kvit kjole 17.mai, og det er så bra å ha kåper utanpå, det gir litt varme på ein litt hustren nasjonaldag. Eldstejenta har ei kjøpt raud kåpe, medan minstemor har ei strikka raud kåpe, med tilhøyrande lue og ei lita veske. Det var denne veska som fanga merksemda til storesøster. Minstemor skal ha på seg veska så ho har ein lur plass til smokken. Men storesøster vil ha ei veske som ho kan ha leppestiften i... Ho har vel strengt tatt ikkje nokon leppestift som eg syns skal brukast på den store dagen, men ho kan ha russekort og litt pengar i veska!

Eg brukte litt garn frå lageret: Falk, med dobbelt garn.

Elles er det også ein raud knapp på veska no, den kom visst ikkje med på fotosession:)

Hekla nett og lue

Her er vi igjen!
Eg hekla desse forrige veke, men har ikkje fått somla meg til å feste trådar før i går kveld. I dag låg lua og veska framme, klare til fotografering. Og så kjem ein fotomodell og melder seg svært frivillig;) Ho måtte ha veske ho også, sjølvsagt!

Veska er ein kombinasjon av fleire teknikkar: Botnen er hakka, for då vert alt så stødig og stabilt. Så hekla eg opp på sidene, med luftmasker og fastmasker.
Dessverre gjekk eg tomt for Tuva garn, så då eg fann ein butikk med garn, måtte eg sjå etter noko som kunne brukast. Eg plukka med meg to nøster Idena Bamboo, og har jo brukt dei. Men eg er ikkje veldig begeistra for garnet. Det er mjukt og godt, men ekkelt å hekle med. Og enda verre var det å feste trådane.

Kombinasjonen brunt og blått er ikkje så dum:)


Neste søndag skal vi vere vertskap på eit matutsalg ved enden av eit vatn her:) Då må vi stille med 6-7 kaker pluss eit fat med sveler. I går laga eg to av dei, dvs eg laga fire, så eg har to sjølv... Nøttebotn med pærer og krem på, det er enkelt og snaddergodt. Og suksessterte er nesten det beste eg veit. Mandelbotn med smør/eggekrem på toppen, nam!!

Den eine av desse vert donert til kafegjestane, den andre skal eg ha i reserve sjølv! Det beste er at begge dei to typene er glutenfrie! Då kan svigerfar få kake neste gong han kjem;)

Garnmysteriet er løyst!

Eg har i den siste tida strikka på noko eg ikkje visste kva skulle bli. Men om det høyrest pussig ut, er det eigentleg ikkje så rart likevel, med tanke på at vi var over 200 damer som strikka på det samme. Og ingen av oss visste altså kva det skulle ende som...

Hobbyboden gjer så mangt!!



Men etter å ha fått oppskrifta i 5 delar, på mail, enda eg opp med ei veske som skal henge på ryggen;) Eg fekk ikkje til å ta bilde av meg sjølv med veska på ryggen, så det vert eit flatt bilde.

Eg brukte Vamsegarn, og det gjorde nok at veska vart noko mindre enn ho eigentleg skulle. Men den er stor nok! Før toving var den enorm, men den tova mykje, så no er den fast og fin i fisken.

Må få opp hobbyandelen her inne!

Her er nokre av dei tinga eg produserte like før eg starta opp bloggen.. Dei treng å få kome med i det gode selskap:)

Eit par babysokkar

Den største twistskåla i historien, den måtte enten fyllast med eple eller ende sine dagar i søpla. Det vart søpla. Etter at den hadde vore full av eple:)

Eit hakka siteunderlag i Topp te tå.

Pulsvarmarar i Kitten Mohair.

Og ei tova lue til Prinsessa, strikka i Easy.

Strikkekorg

Etter ein liten ferietur var denne med heim. I alle fall nesten ferdig! Eg fekk litt for lite garn, og måtte handle eit ekstra nøste på Tusen og en tråd på Dombås... Igår kveld vart siste rundene strikka og diverse kantar hekla på, til akkompagnement av Ringenes Herre:) Så vart den putta i vaskemaskina over natta!



I dag er den ørlite, bittelitt mindre:) Og ganske vellukka, om eg må få skryte litt!