Sommarblomster

Blomma

er ordet i utfordringa hos 

Sanna denne veke.

Ei lita runde der eg bur fekk meg 

til å stoppe opp

og nyte synet av nydelege blomster.

 Det er rik blomstring langsmed vegkanten

denne sommaren.

 Eg høyrde nokon seie at det er så frodig i år

fordi sommaren i fjor var så tørr.

Ekstra frisk raudkløver i graset.

Blomstrane i fjøra er også flotte.

Gemsweeklyphotochallenge v. 30 - Blomma -

Spets

Denne veke er ordet

Spets

i utfordringa hos Sanna

Eg kjenner ikkje dette ordet på norsk,

men har googla og fann at

det kan tyde for eksempel

topp, hode, pigg, blonder....

Me er på hytta i regnveret og eg har prøvt

å finne motiv her som eg trur

kan tyde spets.

 Revebjelle, Digitalis purpurea

med toppen i himmelsjå.

Planten er giftig.

Eg hugsar frå min barndom at bestefar brukte

Digitalis tablettar mot hjartesjukdom.

Eg tenkje at toppen på stolen

har spets...

Sommarveret er regn og atter regn,

og kaldt.

Bra møblane er laga i cedertre og toler 

å bli våte.

I soveromet på hytta er det

blondegardiner og mørk rullgardin.

På senga ligg ei pyntepute med spisse

hekla blonder rundt kanten.

Når eg ligg i senga kan eg sjå rett på den store

klokka med spisse visarar.

Eg treng ikkje briller heller..

Vermeldaren snakka om temperaturer ned mot frysepunktet

og vinterdekk på bilane.

Eg trur ikkje det er sant !!

Gemsweeklyphotochallenge v. 27 - Spets -

Blomster i Keukenhof Park

Den store turistattraksjonen Keukenhof Park er eit 

stort hageanlegg i Holland, ikkje langt frå Amsterdam.

Parken er kjent for sine vakre tulipaner og andre vårplanter

dei to månadene den er open.

Tulipaner i fine farger og ulike fasongar.

Store åkrar ute på landet,
der tulipaner blir dyrka og etterpå planta i 
parken.

Å besøke denne parken var ei stor oppleving.

Gul

Gul er ordet Sanna utfordrer oss på denne veke.

Middagen i dag....

Berre å nyte
haustsola sin vakre gule sorti.

Leikebil frå 1970-80 talet.

Minner frå sein sommar,
Fredløs og
Yellow fields.

Les fleire gule innlegg her:

Gemsweeklyphotochallenge v. 45 - Gul -

Fargar i hagen

Etter alt regnet denne hausten er eg forundra over 

at det er planter som framleis i dag, 19. oktober, 

viser seg fram med vakre blomster i hagen.

Summerwind 

skuffa ikkje, den har

blomstra rikt i månadsvis.

Kinasøte

er ein av favorittane.

Den gir meg stor glede :)

Blå hagehortensia er ei gammal og trufast plante i hagen.

Litt bleik "om nebbet" no, men

fin likevel.

God helg til deg der ute !

Gladiolus og roser

Akkurat no har me fine avskorne blomster i stova.

Mannen min ga meg 

nydelege roser før helga.

Dei er like fine etter 5 -6 dagar.

  Roser er vakre.

Han hadde bursdag søndag, så då

fekk han Gladiolus og bok av meg :)

Ikkje slett så romantisk som roser,

men eg lika dei godt sjølv iallfall.

Klikk på bildet og sjå kor
vakker den er i sitt indre.

I går og i dag har det vore sol og blå himmel,

og det er godt etter alt regnet.

Eg har tatt inn Skaugumbegoniaknollane og 

rydda i krukker.

I morgå skal eg kjøpe litt haustblomster til å 

ha utfor døra.

Naturen

Etter mykje regn i lang tid

har det dukka opp masse sopp i hagen.

Dei ulike artane 

prestekrage, sopp, trevirke, stein og gras

gir eit flott inntrykk,

fine på kvar sin måte.

Naturen er den beste kunstnaren.

Papirbleie brukt på annan måte

Å pynte med blomster utandørs på hytta

kan vere ei utfordring om sommaren.

Det kan gå fleire veker mellom me er der 

og oftast har blomstrane tørka opp.

I fjor fekk eg tips om å 

bruke papierbleier i botnen av krukka,

fylle på rikeleg med vatn og mold 

under planta.

Ein slik bleie absorberer ufatteleg

store mengde med veske.

Planta ser litt pjuskete ut,

men det er ikkje av tørke,

heller av mykje vind og det no er 
slutten av august.

Tipset er kanskje kjent for mange,

men for meg var det nytt.

Lukke til for den som vil prøve.

Innlegget linkar eg til 
Sanna si utfordring denne veke:

Gemsweeklyphotochallenge v. 35 - Användbar -

Lupiner

Lupiner er på svarteliste her i Noreg.

Den sprer seg lett og er eit problem for ville blomster

som har sin plass langsmed vegane.

Dei fortrenge for eksempel blåklokker.

På våre kantar er ikkje så mykje lupiner lenger,

men i går kom eg fram på ei samling

i forskjellege fargar.

Vakre er dei iallfall.

Ei lita hand

På ein liten tur til Hasundhornet

var det mangt å undrast over.

Modne molter som likna på gull.

Gode på smak var dei også.

Blåklokke som nesten kan opnast heilt...

I min barndom høyrde eg at om ein 

greide å vri inn ut på ei blåklokke utan at den revna

kunne ein ynskje seg noko....
Eg greide det aldri :)

Eit stort ynskje

Eg kjenner på at mitt og

resten av familien sitt store ynskje er at

mor til to av barneborna våre 

må bli frisk att.

Det er vanskeleg å finne rette orda som kan

gi uttrykk for det me kjenner på.

 Eg har fått lov til å bruke dette 

fine diktet som er skrive av

Kristin Straume Audestad

sjuk

ordet som får 
pulsen til å rasa
medan tårene sprett
og framtida raknar

kroppen invadert
av eit vondarta
framandlegeme
som tek kontrollen

du synk og synk
før du kjenner ei hand
som knip trygt og hardt
og ser opp på auge med håp

ikkje slik du tenkte
tilbringa dagane framover
men det blir ikkje for alltid
for denne kampen klarar du!

og etterpå kjem vissa
om at livet er dyrebart
du nyt kvar dag og drope
i takksemd for det andre ordet

frisk

Du finn mange fine dikt frå denne forfattaren på Instagram: 

berrekristin

Gemsweeklyphotochallenge v, 30 - Önskar -

Blomar i naturen

På mine turar i naturen siste dagane 

har eg gleda meg over dei

vakre blomane.

Skogfiol

Bekkeblom

 Løvetann

eller Kapplau som eg seier

 Kvitveis

Engkarse

Eg ynskjer deg fine maidagar vidare !

Rosekaktus

Eg har skrive om dei gamle kaktusane 
som blomstrar om våren tidlegare:

Rosekaktus 2013

Dei får virkeleg ikkje mykje stell,

Kanskje nokre dropar vatn annakvar måned...

Men plutseleg står dei er,

fulle av knoppar.

Då forbarmar eg meg over dei og set

krukkene ein stad me får sjå dei

vakre blomane.

 Kanskje ikkje så blomsterrike som for 5 år sidan,

men dei blir flotte når alt sprett ut.

Eg fekk avlegger(stikling) av ei gammal dame eg 

hadde som pasient ein gong på

1970 talet,

 den har skapt glede 

i snart 50 år.

Gemsweeklyphotochallenge v. 18 - Gammal -

Vår i full fart

På Harpefossen der me har hytte har

det vore store snømengder heilt til siste veke.

For 3-4 dagar sidan gjorde varmegradene og vinden

kort prosess med mestparten av snøen.

På ein kort tur i nærområdet i dag

fekk eg mange overraskingar.

Kvitveis blømer,

og jammen er her andre

grøne blad også.

Hestehoven kjem rett opp av grus og stein,

Selja er langt komen.

Visste du at seljebarken inneheld salisylsyre og har i

 tusener av år vore brukt som febernedsettande, og

smertestillande ?

I dag blir acetylsalisylsyre framstilt syntetisk og me

kjenner dei som f.eks  Dispril og Globoid.

Kanskje kan me tygge på ei seljegrein visst haudeverken

melder seg når me er på tur i naturen..

Eg måtte plukke med meg nokre

kvitveis tilbake til hytta.

Den vesle mugga har plass til akkurat 

så mange kvitveis.

Eg ynskjer deg fine vårdagar framover.